Nehemia 3:13 - Bibilia Ilagano Lya Kale 2015

¹³ Ū mita gwa kū longa gūzengwa na Hanuni hamò na bana Zanoa. Aho bagūzenga būgūtūūlīla malugalīlo na mizumali, na a mapagīgījo aho gaalī gigeleelilwe kūtūūlwa. Bongeja hangī ū kūzenga, itogolo lya būlīhu bo mhambala gītī magana atanò, būkashika kū mita gwa kū mapalala.

Nehemia 3:13 Iomraidhean Croise

1 Mihayo ya Shikū 4:18

(Ū Nke wakwe ū wa kūfuma mu lūganda lwa banhū ba Yuda ūmyala Yeledi ise wa ng'wa Gedooli, Heba ise wa ng'wa Soko, na Yekutieli ise wa ng'wa Zanoa.) Ū Bisia ū nshīke wa ng'wa Falao ūyo walī watoolwa na Meledi h'ūyo akababyala a baana benaba.

2 Mihayo ya Shikū 26:9

Hama ū mu Yelusalemu ūzenga numba ndīīhu ja balang'hani, a ha mita gwa ha lūpembe, ha mita gwa kū ntulumenho, na a ha kuluba aho jalī jimanhīgije ndugu; ūjiguzuhya jūdaama.

Nehemia 11:30

Zona, Adulamu, na a magūngūli gaamo, na Lakishi na a malaale gaamo, na Azeka hamò na a magūngūli gaamo. Hūna lūūlū būbiza bigasha ū mu mhandī jenījo, kwandīja Beli-sheba kūshisha kū longa lwa Hinomu.

Nehemia 2:13

Aho nabūka ū mu būjikū wenūbo, nūfuma hanze kūbītīla ha mita gwa kū longa, gwa kūbīta ūjile kū lwinzī lwa nyamhawa, na kū mita gwa mapalala. Najilīngūlīlaga ī ndugu ja nzengo gwa Yelusalemu ūmo jalī jakambagūlīlwa, nī mibita yaho īyo yalī yapemvwa moto.

Nehemia 2:15

Na lūūlū nūsīngīja nalūlondeelile ū longa ītaalī būjikū gīko, kūnū nakwīlīngūlīlaga ī ndugu; nanoga nūshokanya niza ningīlīla kū mita gwa kū longa.

Yoshwa 15:34

Zanoa, Enganimu, Tapua, Enamu,

Yoshwa 15:56

Yezileeli, Yokidemu, Zanoa,