Nehemia 3:1 - Bibilia Ilagano Lya Kale 2015

¹ Ū ngabīji ntaale ū Eliyashibu na a bagabīji biye bandya ū kūzenga, bandīja ha mita gwa ng'holo; būgweja hūna būgatūūla a malugalīlo gaho. Bakagweja kūshisha kū numba ndīhu y'igana, na kū numba ndīhu ya Hananeli.

Nehemia 3:1 Iomraidhean Croise

Nehemia 12:10

Ū Yeshua walī amyalile Yoakimu, ū Yoakimu ūmyala Eliashibu, ū Eliashibu ūmyala Yoada.

Nehemia 12:30

Hūna lūūlū a bagabīji na a Balawī aho bamala ū kwiyeeja a boi, būbeeja na a banhū, nī mibita nī ndugu.

Nehemia 12:39

kūjūbīta higūlya ya mita gwa Efulaimu; na kū mita gwa kale, na gwa ndīlo, na kū numba ndīhu ya Hananeli, na numba ndīhu y'igana, būkashika kū mita gwa ng'holo. Aho bashika ha mita gwa balang'hani bīma.

Nehemia 13:28

Ūmò wa bitūnja ba ng'wa Yehoyada ū ng'witūnja o ng'wa Eliyashibu, ū ngabīji ntaale, walī nkwīlīma o ng'wa Sanibalati, ū muna Holoni, nūmpeeja ūnīngīla.

Nehemia 13:4

Aho lītaalī ū kūshika īlikanza lyenīlī, ū ngabīji Eliashibu walī watūūlwa kūbiza ntaale wa chumba sha kūlang'hanīla shikolo ū mu numba ya ng'wa Mulungu wise. Hūna lūūlū īkī walī nwani ng'wiye o ng'wa Tobia,

Nehemia 3:20

Hanuma ya ng'wenūyo, Baluki ūzenga hangī ipandī līngī kūfuma a ha kuluba henaho kūshisha kū numba ya ng'wa Eliyashibu, ū ngabīji ntaale.

Nehemia 3:21

Hanuma ya ng'wenūyo, Melemosi ng'witūnja o ng'wa Ulia, ng'wana Hakozi, ūzenga ibudīka līngī kwandīja ha nyango gwa kwingīla mu gwalugwa ya ng'wa Eliyashibu ū ngabīji ntaale, kūshisha ūko yalī īgelile ī numba yakwe.

Nehemia 3:32

Hama a ha gatī ya chumba ī sha higūlya ya kuluba na mita gwa ng'holo, būzenga babeeja ba shikolo sha zahabu na basuluja.

Nehemia 6:1

Ū Sanibalati nū Tobia, nū Geshemu, na a Balabu, hamò na banishi bise a bangī aho bawīlwa gīkī nīzengile būpya ī ndugu, na gīkī twīchibile pye ūmo yalī īhomagūkile, nūūlū īkī kūshika ikanza lyenīlo naalī nataalī ū kwītūūla ī milyango a ha mibita,

Nehemia 7:1

Aho yamala ū kūzengwa ī ndugu, nī milyango yaho nūmala ūkwītūūla būlī gwene h'ipandī lyago, hūna būsolwa balang'hani ba ha milyango na a bīmbi, na a Balawī.

Zabuli 30:1

Ee SEEBA, Nakūkūkumīlīja no no no, nguno wanigūngūmūlile, a banishi bane ūtabalekile būniboneela.

Zabuli 48:12

Yeela yeelagi ū mu Sayuni, muje mukūpīndīīlaga hose hose, nī ng'hambī ja balang'hani ījo jilīmo mujibale.

Sumo 3:6

Ū mu kashimīzīle kako kose ntongejage we, nang'hwe akūjigoloola ī nzīla jako.

Sumo 3:9

Nkūjage ū SEEBA mu kūmfunīja sabo jako, na a matwajo ga kwandya ga magesa gako gose.

Yelemia 31:38

Ū SEEBA alīhaya, “Jikūshika ī shikū, ū nzengo gwenūyū gūkūzengwa būpya kūlwa nguno yane, kwīngīīla kū numba ndīhu ya ng'wa Hananeli kūshisha kū mita gwa kū Kuluba.

Danyeli 9:25

“Managa na witegeleje gīkī, Kūfuma ikanza lya kūfunyiwa shilagīlo sha nzengo gwa Yelusalemu kūzengwa būpya na kūshoshiwa ūmo gwikalīlaga na kale, kūshisha ikanza lya kwiza Ng'witīīlwa Maguta, ūyo alī nsugi, īkūbiza ho mifungo mpungatī; na mifungo makūmi atandatū n'ībīlī. Gūkūzengwa būpya, gūtūūlīlwa na mabbalabbala na ngoka moi; gwike līkūbiza ikanza lya būluhi.

Zakalia 14:10

Ī sī pyī ī yose kwandīja Geba kūshisha Limoni, dakama ya Yelusalemu, īkūbiza itogolo lyūmu. Alīyo ū nzengo gwa Yelusalemu gūkūgūngūhiwa gwikale ūmo gūkikalīlaga na kale, gūkwandīja kū mita gwa Benjamini kūshisha ūko gwalī ū mita ū gwa kale, gūūgoloola gūjile kū mita gwa kū Kuluba; hama kūfuma kū Numba Ndīhu ya Hananeli kūshisha kwikamīlo lya divai ya ng'wikūlū.

Yohana 5:2

Ū mu Yelusalemu lyalīmo ilambo hihī na mita nebe gwitanagwa gwa ng'holo, lyalī līpīndiwe mabīndo atanò, ū mu Shihebulania litanagwa Betizata.

Kūshokeela 20:5

Hanuma a batongeeji ba mabità ga bashilikale bakūhooya nabo babawīle, “Alīho nani ūyo wazengile numba haha ītaalī mhya, ataalī nūūlū kwītūūla mu makono ga ng'wa SEEBA? Ni ashokage kaya atizūchīla kū būlūgū ī numba yenīyo īkatūūlwa na ūngī ū kūlī SEEBA.