Nehemia 2:7 - Bibilia Ilagano Lya Kale 2015

⁷ Nūng'wīla na, “Ūlū alīzunya ū ntemi, nalīlomba ninhwe nyalūba ja kūjana ū kū basugi ba sī ījo jilī kū nkīlo gwa mongo, natizūpandīka makoye ūlū nalībīta, kūshisha nashike ī Būyudaya.

Nehemia 2:7 Iomraidhean Croise

Ezila 6:6

Hūna lūūlū, ū bebe Tatenai, nsugi wa sī ya kū nkīlo gwa mongo, nū bebe Sesabozenai, na a basugi biching'wi a ba sī ja kū nkīlo gwa mongo, lekanagi nabo a banhū benabo.

Ezila 7:21

Nene ng'wenekīlī ntemi Atashasta nalīfunya shilagīlo ū kū balang'hani ba sabo abo balī ū kū sī ja kū nkīlo gwa mongo; gīkī, ū Ezila ū ngabīji na nangi wa shilagīlo sha ng'wa Mulungu wa ng'wigūlū, ūlū alalombe shose shose, inhwe mu būtūsusanya.

Ezila 8:22

Nguno nakacha minala ū kūnomba ū ntemi kūtwinha bashilikale na badamhīji ba falasa, ba kūtūlang'hana tūtizūnyang'wa ū mu nzīla; nguno twalī twamala kūng'wīla ū ntemi, “Ū nkono gwawiza ū go ng'wa Mulungu wise gūlī hamò na būlī munhū ūyo akankoobaga wei, alīyo ū būpelanu bokwe būlī kū bose abo bakanekaga.”

Ezila 8:36

Nī shilagīlo sha ntemi būshishisha ū kū batūmami ba ntemi na a basugi a ba sī ja kū nkīlo gwa mongo; nabo ng'hana būbagunanha a banhū, nū nīmo gwa numba ya ng'wa Mulungu wise.

Nehemia 2:9

Hūna nūja, aho nashika ū kū basugi ba sī ja kū nkīlo gwa mongo nūbinha ī nyalūba ja kūfuma ū kūlī ntemi. Nīyo ū ntemi walī waninha na bashilikale, na badamhīji ba falasa.

Nehemia 3:7

Ū kwīnga a ha benabo būzenga bana Gibeoni na Misipali, ūmò wabo walī Melatia, wa kūfuma Gibeoni, ūngī walī Yadoni muna Melonosi. Ī sī jenījo jalī ha sīlīlī ya nsugi wa sī ya kū nkīlo gwa mongo.