Nehemia 2:6 - Bibilia Ilagano Lya Kale 2015

⁶ Ī likanza lyenīlo ū ngole nang'hwe walī igashije hamò nū ntemi; hūna ū ntemi ūnibūūja, “Ū lūgendo lwako lūkūbiza lwa shikū jinga, ūkūshoka nanalī?” Ū ntemi walī atogilwe ū kūnizunīlīja ū kūja, na lūūlū nūng'winha ī likanza.

Nehemia 2:6 Iomraidhean Croise

Nehemia 1:11

Ee SEEBA, nalīlomba ūtege ū gūtū gwako ū kūlī ntūmami wako ūyū, nū kūlomba kwa batūmami bako abo bayejiwe na mhayo gwa kūlīkūja ī lina lyako. Ī lelo yenīyī ng'winhage būpyeni ū ntūmami wako, ūng'wīlūkīle ja kwanukūlwa ū kū būtongi wa munhū ng'wenūyū.” Naalī na nīmo gwa kūntengela ntemi sha kūng'wa shakwe.

Nehemia 13:6

Ī yenīyo aho īlīītwa naalī natīho ū nene, nguno ū mu ng'waka gwa makūmi adatū n'ībīlī go ng'wa Atashasita alī ntemi wa Babuloni, nakashoka ū kūlī ntemi. Gahayūbīta makanza malebe nūnomba hangī ū ntemi anizunīlīje,

Nehemia 2:4

Ū ntemi ūnibūūja, “Ī gīsī lūūlū ūlū kwīta mhayo kī?” Nane nūnomba ū Mulungu wa ng'wigūlū,

Nehemia 2:5

hūna nūnshokeja ū ntemi, “Ūlū gūlībeelela ū mu miso ga ntemi, hama ū ntūmami wako ūlū wīlūkīlagwa wiza ū kū būtongi wako, nitūmage naje ī Būyudaya, ū kū nzengo gwa mashigo ga bakūlūgenji bane; nakagūzenge.”

Nehemia 5:14

Na hangī a higūlya ya henaho, kūfuma aho nasolwa kūbiza nsugi ū mu sī ya Būyudaya, ū mu ng'waka gwa makūmi abīlī gwa ntemi Atashasta, kūshisha ng'waka gwa makūmi adatū n'ībīlī, hū kūhaya myaka ikūmi n'ībīlī, ī shilīwa īsho shalī shihelilwe kūlwa kaya ya nsugi natashilile ū nene ng'wenekīlī, nūūlū a badūgū bane.

Isaya 58:12

A banhū bako bakūgazenga būpya a makambūkīle ga kale, nī misingi ya myaka ya kale bakwīgūngūmūla hangī; hūna lūūlū ū bebe ūkwinhwa lina lya, Mūūcha wa Ndugu jikambagūkile, na Nshosha wa būpya wa magūngūli ga kwikala mo banhū.

Isaya 61:4

Bakūgazenga būpya a makambūkīle ga kale, na a mapandī ayo gaakenaagūlwa myaka ya kale bakūgagūngūmūla; bakwīzenga būpya ī mizengo īyo yakambagūlwa shikū ja kale, īyo yikala mu būkenaagūku makanza ga shibyalīlwe na shibyalīlwe.

Isaya 65:24

Ū nene nakūyūbashokeja ūmo kūlī kūlīla kwabo nūūlū aho bataalī kūnīlomba, hangī nakūyūbigwa nūūlū aho bataalī bakūyombaga.

Danyeli 9:25

“Managa na witegeleje gīkī, Kūfuma ikanza lya kūfunyiwa shilagīlo sha nzengo gwa Yelusalemu kūzengwa būpya na kūshoshiwa ūmo gwikalīlaga na kale, kūshisha ikanza lya kwiza Ng'witīīlwa Maguta, ūyo alī nsugi, īkūbiza ho mifungo mpungatī; na mifungo makūmi atandatū n'ībīlī. Gūkūzengwa būpya, gūtūūlīlwa na mabbalabbala na ngoka moi; gwike līkūbiza ikanza lya būluhi.