Nehemia 2:5 - Bibilia Ilagano Lya Kale 2015

⁵ hūna nūnshokeja ū ntemi, “Ūlū gūlībeelela ū mu miso ga ntemi, hama ū ntūmami wako ūlū wīlūkīlagwa wiza ū kū būtongi wako, nitūmage naje ī Būyudaya, ū kū nzengo gwa mashigo ga bakūlūgenji bane; nakagūzenge.”

Nehemia 2:5 Iomraidhean Croise

2 Sang'weli 14:22

Ū Yoabu ūtuja mazwi koolecha ikūjo, hanuma winama kūshisha ū būshū būkuumya hasī; ūnūmba no ū ntemi; ūhaya, “Ī lelo ū ntūmami wako hū waadeeba gīkī gashi anukūlilwe ū mu miso gako baba būgonzo ntemi, nguno ū ntemi wazunya ū kūng'wītīla ū ntūmami wakwe gīt'ūmo kalī kalombele kakwe.”

Ezila 5:17

Alilūūlū, ūlū īlībeelela ū mu miso ga ntemi, ni wītagwe būgīsīlīja ū mu numba ja kūbīkīla mihayo ya kale ī ja ng'wikūlū lya Babuloni, ībonwe ūlū gīkī ng'hana ū ntemi Koleshi akafunya shilagīlo sha kwīzenga hangī ī numba ya ng'wa Mulungu yenīyī, ū mu nzengo gwa Yelusalemu. Tūlīnomba ū ntemi alatwinhe nise ū būlamuji bokwe ū mu mhayo gwenūyū.

Nehemia 2:4

Ū ntemi ūnibūūja, “Ī gīsī lūūlū ūlū kwīta mhayo kī?” Nane nūnomba ū Mulungu wa ng'wigūlū,

Nehemia 2:6

Ī likanza lyenīlo ū ngole nang'hwe walī igashije hamò nū ntemi; hūna ū ntemi ūnibūūja, “Ū lūgendo lwako lūkūbiza lwa shikū jinga, ūkūshoka nanalī?” Ū ntemi walī atogilwe ū kūnizunīlīja ū kūja, na lūūlū nūng'winha ī likanza.

Esita 1:19

Alilūūlū baba ntemi, ūlū gūlīnyeja ū ntemi, ī likūlū līfunye mhayo, nīyo gwandīkwe mu shilagīlo sha Baajemi na Bamedi gūtizūgalūka gete; gīkī, ū ngole Vashiti atizegeela hangī nūūlū hado ū kū būtongi bo ntemi Ahasuelo, nī likūjo lyakwe ī lya nyagole inhwe ūngī, ūyo alī ntūngīlīja kūtinda ū wei.

Esita 5:8

Ūlū nanukūlagwa ū mu miso ga ntemi, na gūbize gūlīnyeja ū ntemi ū kūnīītīla gīt'ūmo jilī ī ng'hūmbū jane nū kūlomba kwane, nalīlomba nī ntondo ize hangī ū ntemi nū Hamani, kū shigukulu īsho nalababeegeje. A henaho hū nakwīta ūmo alīnilombela ū ntemi.”

Esita 7:3

Ū ngole Esita ūshosha alīhaya, “Ūlū nanukūlagwa ū mu miso ga ntemi, na gūbize gūlīnyeja ū ntemi, nalikūmbīlīja ninhwe ū būpanga bone; na a banhū bane nalīlomba balekwe bikale mhola.

Esita 8:5

Ūhaya, “Ūlū gūlīnyeja ū ntemi, nabize nanukūlagwa ū mu miso gakwe, nū kūlī we gūbeelelile īje gīko, nū nene abize aniyegelile, nalīlomba shandīkwe shilagīlo sha kūjigalūcha ī nyalūba ījo jalī jandīkilwe na Hamani ng'witūnja o ng'wa Hamedasa, ū muna Agagi; ījo walī wajandīkile kūlwa kūbamala a Bayudaya mu sī jose ījo jilī ha sīlīlī ya būsugi bo ntemi.

Sumo 3:4

Ū mu gīko ū kūpandīka wiza na kwīlūkīlwa kūfuma kūlī Mulungu na kū banhū.

Danyeli 9:25

“Managa na witegeleje gīkī, Kūfuma ikanza lya kūfunyiwa shilagīlo sha nzengo gwa Yelusalemu kūzengwa būpya na kūshoshiwa ūmo gwikalīlaga na kale, kūshisha ikanza lya kwiza Ng'witīīlwa Maguta, ūyo alī nsugi, īkūbiza ho mifungo mpungatī; na mifungo makūmi atandatū n'ībīlī. Gūkūzengwa būpya, gūtūūlīlwa na mabbalabbala na ngoka moi; gwike līkūbiza ikanza lya būluhi.

Matayo 23:27

Mulī mu kwihīga a bing'we balangi ba shilagīlo na Bafalisayo bibeeleja, nguno mubizile gītī shigila īsho shikubonagwa shawiza a higūlya, īkī shizengeelilwe shūbilwa na swakala, alīyo ū mu gatī shokalile maguha ga bafu, na būsoso bo mbika jose!

Luuzi 2:13

Ū Luuzi ūhaya, “Baba leka nongeje kwanukūlwa ū mu miso gako; wanilūngūja no nguno walūngalūnga mihayo milyehu ū kūlī nsese wako, nūūlū īkī ū nene natigeleelilwe kūlenganījiwa nūūlū na ūmò wa basese bako a bakīma.”