Nehemia 2:4 - Bibilia Ilagano Lya Kale 2015

⁴ Ū ntemi ūnibūūja, “Ī gīsī lūūlū ūlū kwīta mhayo kī?” Nane nūnomba ū Mulungu wa ng'wigūlū,

Nehemia 2:4 Iomraidhean Croise

2 Sang'weli 15:31

Ū Daūdi ūwīlwa, “Nū Ahisofeeli alī ū kwipandī lya banhū abo baagomaga hamò na Abusalomu.” A henaho ū Daūdi ūlomba alīhaya, “Ee SEEBA, būgalūchage ū witegeleja bo ng'wa Ahisofeeli ū mu kahelele ka mihayo būbize būchilū.”

1 Batemi 3:5

Mu makanza ga būjikū ū SEEBA ūng'wilongela ū Solomoni mu shilooti aho alī Gibeoni kwenūko; ū Mulungu ūng'wīla, “Lombaga shose shose īsho ūtogilwe nakwinhe.”

Nehemia 1:11

Ee SEEBA, nalīlomba ūtege ū gūtū gwako ū kūlī ntūmami wako ūyū, nū kūlomba kwa batūmami bako abo bayejiwe na mhayo gwa kūlīkūja ī lina lyako. Ī lelo yenīyī ng'winhage būpyeni ū ntūmami wako, ūng'wīlūkīle ja kwanukūlwa ū kū būtongi wa munhū ng'wenūyū.” Naalī na nīmo gwa kūntengela ntemi sha kūng'wa shakwe.

Nehemia 1:4

Aho nīyigwa ī mihayo yenīyī nifudīka hasī, nūtandūka kūlīla; nūfunga shikū ningī nakūlījiagwa būpīna, kūnū nakūnombaga ū Mulungu wa ng'wigūlū.

Nehemia 1:5

Nūhaya gīkī, “Ee SEEBA, Mulungu wa ng'wigūlū, ūyo ūlī Mulungu ntaale na wa kogohwa. Bebe ūyo ūtalyībaga ī lilagane lyako lya būtogwa īlo walagana na banhū abo bakūtogilwe na bagadimile a malange gako,

Nehemia 2:20

Nane nūbashokeja nūbawīla, “Ū Mulungu wa ng'wigūlū akūtwinha būtindi, a bise batūmami bakwe tūkwandya ū kūzenga; alīyo a bing'we mutī na ngabo gete, nūūlū shikolo shing'we ndūhū, shitīho nūūlū shose shose sha kūng'wīta ng'wizūkīlwe ū mu Yelusalemu.”

Nehemia 2:5

hūna nūnshokeja ū ntemi, “Ūlū gūlībeelela ū mu miso ga ntemi, hama ū ntūmami wako ūlū wīlūkīlagwa wiza ū kū būtongi wako, nitūmage naje ī Būyudaya, ū kū nzengo gwa mashigo ga bakūlūgenji bane; nakagūzenge.”

Esita 5:3

Ū ntemi ūmūja, “Ngole Esita, ūlī na mhayo kī? Ūlīlomba shikolo kī? Ūkūpandīka dūhū nūūlū īkabiza nusu ya būtemi!”

Esita 5:6

Aho balīng'wa divai, ū ntemi ūmūja hangī ū Esita, “Ī ng'hūmbū jako jilī ha mhayo kī? Ūkwinhwa dūhū. Ūlīlomba mhayo kī? Nūūlū īkabiza nusu ya būtemi ūkūshikīlīgījiwa!”

Esita 7:2

Aho balīng'wa divai nū mu lūshikū ū lwa kabīlī lwenūlo, ū ntemi ūmūja ū Esita, “Ngole Esita, ī ng'hūmbū jako jilī ha mhayo kī? Ūkwinhwa dūhū. Ūlīlomba mhayo kī? Nūūlū īkabiza nusu ya būtemi ūkūshikīlīgījiwa!”

Zabuli 136:26

Nūmbagi ū Mulungu wa ng'wigūlū, ī Kīgongo chakwe shilī sha welelo na welelo.

Sumo 3:6

Ū mu kashimīzīle kako kose ntongejage we, nang'hwe akūjigoloola ī nzīla jako.

Maliko 10:51

Ū Yesu ūmūja alīhaya, “Ūtogilwe nakwītīle kī?” Nang'hwe ū mboku ūnshokeja alīng'wīla, “Nangi ka nabone!”

Shītwa 23:19

Ū ntaale wa mabita ūndima nkono ūja nang'hwe ha mhūjo ūūkamūja, “Ūlī na mhayo kī ūyo ūtogilwe kūniwīla?”

Bafilipi 4:6

Yaya ū kwikala mukwiganīlījaga mu mhayo gose gose, alīyo īyo mukwīkoobaga manyagi ū Mulungu mu kūlomba kose na kwikūmbīlīja, hamò na kūlūmba.