Nehemia 2:19 - Bibilia Ilagano Lya Kale 2015

¹⁹ Alīyo ū Sanibalati, ū muna Holoni, nū Tobia, ū muna Amoni ūyo walī ntūmami, hamò na Geshemu, ū Ng'walabu, aho bigwa gīko bandya kwiyineenelegeja bakūtūsekaga mu būdalahi. Būyūhaya, “Mulīīta nīmo kī ū gwenūyū? Mulīngomela ū ntemi a bing'we?”

Nehemia 2:19 Iomraidhean Croise

Nehemia 13:28

Ūmò wa bitūnja ba ng'wa Yehoyada ū ng'witūnja o ng'wa Eliyashibu, ū ngabīji ntaale, walī nkwīlīma o ng'wa Sanibalati, ū muna Holoni, nūmpeeja ūnīngīla.

Nehemia 2:10

Alīyo ū Sanibalati, ū muna Holoni, nū Tobia ū muna Amoni ūyo walī ntūmami, aho bigwa gīko, bakasaaya no ū kūbona gīkī wizile munhū kūbeeja nīmo gwa kūbagunanha a Baisilaeli.

Nehemia 4:1

Ū Sanibalati aho wigwa gīkī twandije kwīzenga ī ndugu, akasaaya, hangī ūpelana no; nīyo ūyūbasondagūla a Bayudaya.

Nehemia 6:6

yandīkilwe gīkī, “Gwakumūkile ū mu banhū ba mahanga gwa gīkī, ū bebe na a Bayudaya mutogilwe kūgoma; nīyo nū Geshemu alīhaya gīkī ū mhayo gwenūyo gūlī chene ng'hana. H'ī nguno yene mulīyīzenga ī ndugu, hama ū bebe ūlī na ng'hūmbū ja kūbiza ntemi wabo.

Nehemia 6:9

Ī ng'hūmbū jabo a banhū benabo pye a bose jalī kūtūkanga; nguno biganikaga, “Tūbolohye a makono gabo gagayī ī nguzu, balemeelwe ū kūgūshikanya ū nīmo.” Ee SEEBA Mulungu, gaguzuhyage a makono gane.

Ayubu 30:1

Gwike ī haha bakūniibengelejaga, banhū bado kūle kūle ū kūlī nene; abo nūūlū basaabo naalī natadūgije kūbiganikīla kūbatūūla ng'wigelè līmò na mvwa ja badīīmi bane.

Zabuli 123:4

Jakwīlaga no ī shikū ū būpanga wise būlī mu kwiyūmīlīja, kūlwa būsondagūlwa kūfuma kū badooshi; na būdalahwa kūfuma kū bikumīlīja.

Zabuli 79:4

Ū kū mahanga ayo tūzenganilwe nago tūlī badalahwa no ī haha, ū kū banhū abo batūpīndije tūlī ba kūgīmvwa nyachilū na kwineenelegejiwa.

Zabuli 80:6

Ū kū bazenganwa bise watwītile kūbiza shikolo sha gwikenejiwa, hama a banishi bise bakwiyineenelegejaga kūnū būtūseka.

Zabuli 80:7

Ee Mulungu wa mabità, tūshoshage; ū būshū wako ni būtwakīlage tūdūle kūpījiwa.

Isaya 36:5

Īkī ūkwikumīlījaga ūhaya gīkī ī mihayo yako īhelilwe chiza, na gīkī ūlī n'ibità lya nguzu; tūhaya ī yenīyo mihayo dūhū ndūhū mo nū gwa ng'hana! Ī gīsī ūyo ūkūng'wisagīlagwa nani nose ūlīnigomela ū nene?

Yelemia 20:8

Ūlū nalīyomba nakahamukaga n'ilaka lya higūlya; nakabūhayaga ū wiboneeji nū būkenaagūji. Nose ū mhayo go ng'wa SEEBA gūkūnenhelejaga ū nene kūyikala nakūdūkīlagwa na kūsondagūlwa līīmi ji.

Yelemia 41:10

Ū mu banhū abo baalī basaagīīla baalīmo bashīke ba ntemi, hūna na a bangī pye a bose; banhū abo Nebuzaladani ū ntaale wa balang'hani ba ntemi, walī wantūūla Gedalia ng'wana Ahikamu kūbiza nang'hanii wabo. Ū Ishimaelia ng'wana Netania ūbadima pye a banhū benabo, abo baalī basagīīla ū mu nzengo gwa Misipa; būbiza ha sīlīlī yakwe, ūbīīta kūbiza bading'wa bakwe, ūbahadīkīja ūkīla nabo kūja mu sī ya Amoni.

Matayo 9:24

Ūbawīla gīkī, “Īngagi a henaha, ū ng'wanikī atachile, alaalile dūhū.” Būnseka nyachilū chilū kūlwa kūndalaha!

Maliko 5:40

Būnseka nyachilū chilū kūlwa kūndalaha. Alīyo ū wei ūbafunya hanze pye a bose. Ūbasola dūhū a babyaji ba ng'wana, na a babo bakashikīīla nang'hwe hoi; wingīla nabo ūmo walī ū ng'wana.

Luka 23:2

būūkandya kūmūūla balīhaya gīkī, “Ū ng'wing'wana ng'wenūyū twamonile akūlīhūbyaga ī lihanga lise; hangī nīyo akūbalemejaga a banhū nū kūtoba ī goodi ya ng'wa Kaisali, akwigīmbaga gīkī ū wei Kilisito, angū nang'hwe ntemi ī gīko!”

Yohana 19:12

Kūfuma ikanza lyenīlo ū Pilato wandya kūkooba nzīla ya kūntaligūla; alīyo a Bayudaya būyoganya balīhaya gīkī, Ūlū ūlantaligūle ū ng'wenūyū, ūkūbiza ūtī nwani ng'wiye wa ng'wa Kaisali; nguno būlī ng'wene ūyo wiyīta ng'wenekīlī kūbiza ntemi, ū ng'wenūyo ng'wilwisha o ng'wa Kaisali.”

Shītwa 24:5

Nguno ū munhū ng'wenūyū twamonile gīkī nkenaagūji, akūjaga ūbasong'hanya pye a Bayudaya hose hose ūko balī; nīyo ntongeejibo banhū b'igele lya Banazolayo.

Bahebrania 11:36

Bangī bagwaga mu būgeng'wa būtaale no bo kwineenelegejiwa na kūtūlwa, hamò na kūyūtungwa baponyiwa mu jeela.