Nehemia 2:18 - Bibilia Ilagano Lya Kale 2015

¹⁸ Hūna nūbinha ī ng'hūlū ja nkono gwawiza ū go ng'wa Mulungu wane ūyo gwalī hamò nane, nī mihayo īyo walī waniwīla ū ntemi. Būhaya, “Twandyagi ū kūzenga.” Na ng'hana biyinha nguzu, bandya ū kūgwīta ū nīmo gwawiza gwenūyo.

Nehemia 2:18 Iomraidhean Croise

2 Sang'weli 2:7

Alilūūlū, īmagi hīgīyī na mubize bashisha ng'holò; nguno a banhū ba numba ya Yuda banītile ū nene kūbiza ntemi wabo, aho waacha ū sīng'we būgonzo ū Saulo.”

1 Mihayo ya Shikū 11:10

Aba hū bene abo baalī bataale ū mu bagosha ba mbagashūūla abo walī nabo ū Daūdi; a benaba hamò na a Baisilaeli a bose hū bakabūgunaana ū būtemi, būwinha būdūla bo kwigalīhīja, nose kwīsambaalīla pyī ī sī gīt'ūmo Seeba walī wahayīla.

1 Mihayo ya Shikū 19:13

Ipandage chanda tūlwe nyagosha, tūbalwīlīīle a banhū bise nū nzengo gwa ng'wa Mulungu wise. Ū Seeba akwīta īyo īlī yawiza ū mu miso gakwe.”

2 Mihayo ya Shikū 32:5

Hanuma ya henaho ūtūmama milīmo ya nguzu, ya kwīzenga ī ndugu ūmo yalī yakambagūka; yūdaama. Ūzenga na numba ja kūlolela kūle a higūlya ya ndugu. Wīta ūzenga na ndugu yīngī ī hanze ya yenīyo; nī Milo ya kūgūpīndīlīja ū nzengo go ng'wa Daūdi wībeeja chiza, yūdaama. Ūbeeja na shilanga shingī na mūda jingī, ūshongeleleja īsho walī nasho.

Ezila 6:22

Nī shigukulu sha migatī ītī na shibimbya bakashiyegela ikanza lya shikū mpungatī; nguno ū SEEBA walī wabokaja būyegi, kūlwa kūgagalūcha a maganiko ga ntemi wa Ashulu, ūbagunanha ū mu nīmo gwa numba ya ng'wa Mulungu wa Isilaeli.

Nehemia 2:8

Napandīke na nyalūba ya kūntwalīla ū Asafu, ū nang'hani w'ipoolu lya ntemi, anizunīlīje kūpandīka mitī kūlwa migamba, ya kūtūūla ha mibita ī ya ha ndugu īyo īpīndīlīgije hekalu, na kūlwa ndugu ya nzengo, na kūbeeja numba īyo nalikale ū nene.” Ū ntemi ūnizunīlīja īyo nakīlomba, nguno ū nkono gwawiza ū go ng'wa Mulungu wane gwalī hamò nane.

Baefeso 6:10

Hūna lūūlū, ū gwa kūmalīja gūlī gīkī, handatīlagi ū mulī Seeba nū mu nguzu ja būdūla bokwe.

Bafilipi 2:13

Nguno ū Mulungu akūtūmamaga ū mu bing'we, hū ng'wene ūyo akūng'winhaga būkalalwa, hamò na būdūla bo kwīta īyo yīnyegije.

1 Sang'weli 23:16

Kwitulwa ū Yonasani ū ng'witūnja o ng'wa Saulo washika ī Holeeshi, wiza kūnguzuhya ū Daūdi mu nguzu ja ng'wa Mulungu.