Nehemia 2:16 - Bibilia Ilagano Lya Kale 2015

¹⁶ A basugi baalī batamanile ūko naalī naja, nūūlū īyo nīyītaga, nguno kūshisha ikanza lyenīlo naalī nataalī ū kūbawīla a Bayudaya nūūlū a bagabīji na a batongeeji, nūūlū a basugi; pye a bose nūūlū abo yalī gīkī bakūgwīta ū nīmo.

Nehemia 2:16 Iomraidhean Croise

Nehemia 2:15

Na lūūlū nūsīngīja nalūlondeelile ū longa ītaalī būjikū gīko, kūnū nakwīlīngūlīlaga ī ndugu; nanoga nūshokanya niza ningīlīla kū mita gwa kū longa.

Nehemia 2:17

Hūna nūbawīla, “Bing'we angū mulībona gīkī tūlī mu makoye ahene; ī Yelusalemu īlī mamisaka gike, nī mibita yaho yapemvwa moto, twīzengagi ī ndugu ya Yelusalemu, twīnge ū mu būdalahwa.”

Kūfuma 24:11

A batongeeji ba Baisilaeli benabo bakamona ū Mulungu, alīyo ū Mulungu atabakuumije na nkono gwakwe; bakikala bapanga, bakūlyaga na kūng'wa.

Sumo 12:23

Ū munhū wa masala akikalaga abūlang'hanile ū būmani bokwe, alīyo ī ng'holò ja babbūūlī jikaboolechaga ū būchilū ūbo alī nabo.