Nehemia 2:14 - Bibilia Ilagano Lya Kale 2015

¹⁴ Ū kūfuma a henaho nūjīlīīla kū mita gwa kū lūzwīlo, na kwilambo lya ntemi; gwike gūgaya ū ng'wanya gwa kūbīta ī ndamhī yane īyo naalī nadamhīlile.

Nehemia 2:14 Iomraidhean Croise

2 Batemi 18:17

Alīyo kwimanīla ū ntemi wa Ashulu watūma bataale ba mu būsugi wakwe, ntaale wa mabità gakwe, ntaale wa batūmami bakwe, na ntaale wa bashilikale bakwe, biza kūfuma Lakishi balī n'ibità itaale lya bashilikale. Aho bashika ī Yelusalemu bīmīīla ha nzīla ya kūja kwilaale lya mfuji wa myenda, aho gūgelelile ngoka gwa kūfuma kwilambo lya kū ngūngūli.

2 Batemi 20:20

Mihayo yīngī ī ya mu shikū ja būtemi bo ng'wa Hezekia, pyī ī ya būtindi wakwe nū mumo akabeegeja ilambo, ūsīmba na ngoka gwa kwenha minzī mu nzengo; ī yose yandīkilwe mu shitabo sha ng'hūlū ja batemi ba Yuda.

2 Mihayo ya Shikū 32:30

Ū Hezekia ng'wenūyo hū ng'wene ūyo akachiba nzīla ya minzī gafumaga kū lūzwīlo lwa Gihoni, a minzī ūgalogeja kū lwandī lwa ng'weli lwa nzengo go ng'wa Daūdi; nīyo būlī mhayo ūyo wagwītaga gwajaga chiza.

Nehemia 12:37

Aho bashika a ha mita gwa ha lūzwīlo lwa minzī, būlūmbūlīla bajile kū būtongi, būūkashika kū mita gwa malinhīlo ga kū nzengo go ng'wa Daūdi; būlinha a ha ndugu, būja kūshisha bīkīlanhya ī numba ya ng'wa Daūdi, būūkashika kū mita gwa kū minzī ūyo gūlī kīya.

Nehemia 3:15

Ū mita gwa kū lūzwīlo gūkazengwa na Shalumu ng'witūnja o ng'wa Koli-hoze, ūyo walī nsugi w'ipandī lya Misipali. Aho wagūzenga hūna ūgūtūūlīla n'ikundīkījo a higūlya, hanuma ūgūtūūlīla malugalīlo na mizumali, na a mapagīgījo aho gaalī gigeleelilwe kūtūūlwa. Nī ndugu ya h'ilambo lya Siloamu, bbihī na ngūnda gwa ntemi, wīzenga ūūkashika ū kū malinhīlo ga kūja kū nzengo go ng'wa Daūdi.

Nehemia 3:16

Hanuma yakwe ūzenga Nehemia ng'witūnja o ng'wa Azibuki, ūyo walī nsugi wa nusu y'ipandī lya Beti-zuli; ūbeegeleja kūshisha ipandī īlo lyalī lilolile na mashigo ga ng'wa Daūdi, ūkolobela ajile ūūkashika kwitaba lya kūsīmvwa na banhū, na kū numba ya bagosha ba mbagashūla.

Nomeji 2:6

Nūsīmba na nzwinzī jane nene ng'wenekīlī, ja kūyūdaha a minzī nalitīīla ī lipoolu lya mitī ūlū īlīkūla.