Nehemia 2:13 - Bibilia Ilagano Lya Kale 2015

¹³ Aho nabūka ū mu būjikū wenūbo, nūfuma hanze kūbītīla ha mita gwa kū longa, gwa kūbīta ūjile kū lwinzī lwa nyamhawa, na kū mita gwa mapalala. Najilīngūlīlaga ī ndugu ja nzengo gwa Yelusalemu ūmo jalī jakambagūlīlwa, nī mibita yaho īyo yalī yapemvwa moto.

Nehemia 2:13 Iomraidhean Croise

2 Mihayo ya Shikū 26:9

Hama ū mu Yelusalemu ūzenga numba ndīīhu ja balang'hani, a ha mita gwa ha lūpembe, ha mita gwa kū ntulumenho, na a ha kuluba aho jalī jimanhīgije ndugu; ūjiguzuhya jūdaama.

Nehemia 1:3

Būniwīla, “Abo bapūlūgūkile ū kūsaamiwa bikala ū mu sī yenīyo, balī mu makoye mataale, hangī nīyo mhayo gwa soni no; nī ndugu ya nzengo gwa Yelusalemu yakambagūlilwe, nī mibita yaho yūpemvwa moto!”

Nehemia 12:31

Hanuma ya henaho a basugi ba Yuda nūbawīla kūlinha higūlya ya ndugu, nūlagīja magele abīlī mataale ga bīmbi gandya kwīmba na kūkumīlīja kūnū gajile galī a higūlya ya ndugu. Ī līmò lyūjīlīīla kū būlyo, kūlola kū mita gwa mapalala.

Nehemia 2:12

nūbūka mu makanza ga būjikū, na banhū bagehu naalī nabo. Gwike naalī nataalī kūng'wīla munhū ose ose īsho walī washitūūla ū Mulungu wane ū mu ng'holò yane kūlwa kwīyītīla ī Yelusalemu. Nīyo naalī natī na ndamhī ja kwigela, ūlū ītī īyo naalī nadamhīlile dūhū ū nene.

Nehemia 2:15

Na lūūlū nūsīngīja nalūlondeelile ū longa ītaalī būjikū gīko, kūnū nakwīlīngūlīlaga ī ndugu; nanoga nūshokanya niza ningīlīla kū mita gwa kū longa.

Nehemia 2:17

Hūna nūbawīla, “Bing'we angū mulībona gīkī tūlī mu makoye ahene; ī Yelusalemu īlī mamisaka gike, nī mibita yaho yapemvwa moto, twīzengagi ī ndugu ya Yelusalemu, twīnge ū mu būdalahwa.”

Nehemia 2:3

Hūna nūng'wīla ū ntemi, “Kūlaga ūhangame ntemi! Nakūlekela kī ū kūpīnīhala alīyo ū nzengo go ng'wise ūko balaalile bataale bane gūlī mamisaka gike, nī mibita yago yapemvwa moto!”

Yelemia 5:10

Jagi ko mubīte hose hose ū mu migūnda yamo ya mizabibu, muje mukwīsengagūlaga; gwike mutizūmala pye pye pye gete. Na a matambī gakongoolagi, nguno a banhū benaba batī ba ng'wa SEEBA.