Nehemia 2:10 - Bibilia Ilagano Lya Kale 2015

¹⁰ Alīyo ū Sanibalati, ū muna Holoni, nū Tobia ū muna Amoni ūyo walī ntūmami, aho bigwa gīko, bakasaaya no ū kūbona gīkī wizile munhū kūbeeja nīmo gwa kūbagunanha a Baisilaeli.

Nehemia 2:10 Iomraidhean Croise

Nehemia 13:1

Ū mu lūshikū lwenūlo shūsong'wa ī shitabo sha ng'wa Musa, bigwa a banhū; yūbonwa handīkilwe moi gīkī ū mu Baamoni na a Bamoabu, atīho nūūlū ūmò wa kūzunīlījiwa kwisangīja ū mu kwibilinga kwa banhū ba ng'wa Mulungu.

Nehemia 13:28

Ūmò wa bitūnja ba ng'wa Yehoyada ū ng'witūnja o ng'wa Eliyashibu, ū ngabīji ntaale, walī nkwīlīma o ng'wa Sanibalati, ū muna Holoni, nūmpeeja ūnīngīla.

Nehemia 13:4

Aho lītaalī ū kūshika īlikanza lyenīlī, ū ngabīji Eliashibu walī watūūlwa kūbiza ntaale wa chumba sha kūlang'hanīla shikolo ū mu numba ya ng'wa Mulungu wise. Hūna lūūlū īkī walī nwani ng'wiye o ng'wa Tobia,

Nehemia 2:19

Alīyo ū Sanibalati, ū muna Holoni, nū Tobia, ū muna Amoni ūyo walī ntūmami, hamò na Geshemu, ū Ng'walabu, aho bigwa gīko bandya kwiyineenelegeja bakūtūsekaga mu būdalahi. Būyūhaya, “Mulīīta nīmo kī ū gwenūyū? Mulīngomela ū ntemi a bing'we?”

Nehemia 4:7

Alīyo ū Sanibalati nū Tobia, na Balabu balebe, na Baamoni na a bana Ashidodi aho bigwa gīkī ū nīmo go kwīzenga ī ndugu ya Yelusalemu gūlīja chiza, na gīkī a mahomagūkīle galīja gūchiwa, bakongeja ū kūsaaya.

Nehemia 6:1

Ū Sanibalati nū Tobia, nū Geshemu, na a Balabu, hamò na banishi bise a bangī aho bawīlwa gīkī nīzengile būpya ī ndugu, na gīkī twīchibile pye ūmo yalī īhomagūkile, nūūlū īkī kūshika ikanza lyenīlo naalī nataalī ū kwītūūla ī milyango a ha mibita,

Nehemia 6:16

A banishi bise aho bagwigwa ū mhayo gwenūyū, na a banhū ba mahanga ayo gaalī gatūpīndije būbona, a banishi bise būgwa ng'holò. Nguno bakabona hape gīkī ū nīmo gwenūyū gwatūmamilwe mu būgunanhi bo ng'wa Mulungu wise.

Esita 10:3

Nguno ū Modekai akabiza wa kabīlī ū kūfuma a halī ntemi ū ng'wikūjo; ū kū Bayudaya ūbiza nkūjiwa ntaale no, nīyo a badūgū bakwe bakang'winha ikūjo itaale no, nguno wītaga mihayo ya kūbagunanha a banhū b'ihanga lyakwe, na wafunyaga mihayo ya kūbenhela mhola a banhū bakwe.

Zabuli 112:10

Ū munhū wabūbi akwībona ī yenīyī, akwiluma ng'haya kūlwa būpelanu, alīyo nahene akūkamīīla dūhū nose; Ī ng'hūmbū ja nkenaagūji jikachaaga mpandagīlo.

Sumo 27:4

Ū būpelanu wabūbi no, nū būkalī būkenaagūji wa yose; alīyo nanī adūgije kūwīmīla ū wilu?

Sumo 30:22

Ū nsese kūbiza ntemi, nū mbūūlī ūlū ūlya wigūta,

Nomeji 10:7

Naabonile na basese bazenzemalile ha migongo ya nzobe, alīyo a bataale hū bakūshaadūkaga lwa magūlū gītī basese.

Isaya 15:5

Ī ng'holò yane īlīīlījiwa būpīna kūlwa sī ya Moabu, nguno a babūngi ba sī yenīyo baasaambaalile no; bangī baapeelelile Zoa, bangī baashikile Egilas-shelishiya. Bangī bakūjaga būlīla balīlinha ngūngūli balolile Lūhītī; balīyūtūngīīla na Holonaimu, baja bakūtūlaga ng'hūngū mu nzīla kūlwa kūkenaagūlwa kwabo.

Yelemia 41:10

Ū mu banhū abo baalī basaagīīla baalīmo bashīke ba ntemi, hūna na a bangī pye a bose; banhū abo Nebuzaladani ū ntaale wa balang'hani ba ntemi, walī wantūūla Gedalia ng'wana Ahikamu kūbiza nang'hanii wabo. Ū Ishimaelia ng'wana Netania ūbadima pye a banhū benabo, abo baalī basagīīla ū mu nzengo gwa Misipa; būbiza ha sīlīlī yakwe, ūbīīta kūbiza bading'wa bakwe, ūbahadīkīja ūkīla nabo kūja mu sī ya Amoni.

Yelemia 48:34

A malaka ga kūlīla kwabo gakwigwiagwa kūfuma Heshiboni kūshisha Eleale na Yahazi, kūfuma Zoali kūshisha Holonaimu na Egilasi-shelishiya. Nguno na a minzī ga mongo gwa Nimulimu gaakamile.”

Yelemia 48:5

Bakūlinha ngūlya bajile bashike Lūhītī bakūtūlaga ng'hūngū. Ū kū ntulumenho gwa Holonaimu yigwiwe ng'hūngū mbi no kūlwa būkenaagūji.”

Shītwa 4:2

Baalī bapembeka na būpelanu kībi no, nguno babalangaga a banhū na kūbalomeela mhola ja būjūūko bo bafu, mu lina lya ng'wa Yesu.

Shītwa 5:24

Ū ntaale wa balang'hani ba hekalu na a bagabīji bataale aho bagwigwa ū mhayo gwenūyo būzwangana, būyiganika gīkī hīmba bakūbiza bagwīlagwa mhayo kī!