Nehemia 2:1 - Bibilia Ilagano Lya Kale 2015

¹ Ū mu ng'weji gwa Nisani, ng'waka gwa makūmi abīlī gwa būsugi wa ntemi Atashasta, aho yenhwa divai nīsola nūkantengela ū ntemi. Naalī nataalī kūbi nalī na būpīna ū kū būtongi bokwe nūūlū kamò.

Nehemia 2:1 Iomraidhean Croise

wandījo 40:11

Ī shikombe sha ng'wa Falao shalī ū mu nkono gwane, nūsola matwajo nūbeeja divai nītūūla ū mu shikombe sha ng'wa Falao, nūng'winha mu nkono gakwe.”

wandījo 40:21

Ū ntaale wa binhīlīja ba shakūng'wa ūnshosha a ha nīmo gwakwe, wandya hangī ū kūng'winhīlīja ū Falao ī shikombe.

Ezila 4:7

Nū mu shikū ja ng'wa Atashasta, ba Bishilamu, na Misiledasi na Tabeeli na a bichabo a bangī bakang'wandīkīla nyalūba ū ntemi Atashasta wa Būajemi. Ī nyalūba yalī yandīkilwe mu nuguta ja Shialamu, nū lūlīmi lwalī lwa Shialamu.

Ezila 7:1

Hūna ī yenīyo yūbīta; ū mu shikū ja būsugi bo ntemi Atashasta wa Būajemi, walīho ngosha lina lyakwe Ezila, ng'witūnja o ng'wa Selaya, ng'witūnja o ng'wa Azalia, ng'witūnja o ng'wa Hilikia,

Ezila 7:7

Ū mu ng'waka gwa mpungatī gwa ntemi Atashasta, bamò ba Baisilaeli bakaja ī Yelusalemu, na bagabīji balebe, na Balawī, na bīmbi, na balang'hani ba hamilyango, na batūmami ba mu hekalu.

Nehemia 1:1

Īyī yene mihayo ya ng'wa Nehemia ng'witūnja o ng'wa Hakalia: Mu ng'weji gwa Kisileu, ng'waka gwa makūmi abīlī, naalī mu nzengo gwa Susa,

Nehemia 1:11

Ee SEEBA, nalīlomba ūtege ū gūtū gwako ū kūlī ntūmami wako ūyū, nū kūlomba kwa batūmami bako abo bayejiwe na mhayo gwa kūlīkūja ī lina lyako. Ī lelo yenīyī ng'winhage būpyeni ū ntūmami wako, ūng'wīlūkīle ja kwanukūlwa ū kū būtongi wa munhū ng'wenūyū.” Naalī na nīmo gwa kūntengela ntemi sha kūng'wa shakwe.

Esita 3:7

Ū mu ng'weji gwa kwandya, ū ng'weji gwa Nisani, mu ng'waka gw'ikūmi n'ībīlī gwa būsugi bo ng'wa Ahasuelo, būtūlīja mbale, h'ī Puli; nū Hamani alīho alolile, bakoobaga lūshikū na ng'weji. Gūsolwa ng'weji gw'ikūmi n'ībīlī, hū ng'weji gwa Adali.

Danyeli 9:25

“Managa na witegeleje gīkī, Kūfuma ikanza lya kūfunyiwa shilagīlo sha nzengo gwa Yelusalemu kūzengwa būpya na kūshoshiwa ūmo gwikalīlaga na kale, kūshisha ikanza lya kwiza Ng'witīīlwa Maguta, ūyo alī nsugi, īkūbiza ho mifungo mpungatī; na mifungo makūmi atandatū n'ībīlī. Gūkūzengwa būpya, gūtūūlīlwa na mabbalabbala na ngoka moi; gwike līkūbiza ikanza lya būluhi.