Nehemia 13:21 - Bibilia Ilagano Lya Kale 2015

²¹ Alīyo nūbahūgūla nalībawīla, “Bing'we nibūlī mukūlaalaga a ha ndugu? Oyagi, ūlū mulikale mukwītaga gīko nakūmudima!” Kūfuma ikanza lyenīlo booya ū kwiza a ha sabato.

Nehemia 13:21 Iomraidhean Croise

1 Petro 2:14

Na a basugi a bangī bakūjagi, īkī balagīlilwe kūmala shiilī kūlwa bakenaagūji, na kūbakumīlīja a batūngīlīja.

Ezila 7:26

Munhū ose ose ūyo ūshilema ī shilagīlo sha ng'wa Mulungu wako nī shilagīlo sha ntemi, shing'wigeleelilwe kwinhwa nsango gwa kūbūlagwa nūūlū kūpeejiwa ū mu sī, nūūlū kūtaajiwa pyī ī shikolo shakwe, nūūlū kūtungwa.

Nehemia 13:15

Ū mu shikū jenījo nūbona gīkī ū mu sī ya Būyudaya a banhū bakūpandagīlaga mizabibu mu makamīlo kūlwa kūbeeja divai, ha lūshikū lwa sabato. Na bangī bizaga na nzobe jabo jibūkije shilīwa, divai, mizabibu, mitini, na miligo yīngī ya shikolo sha būlī mbika. Ī shose shenīshi bashenhaga Yelusalemu a ha lūshikū lwa sabato. Nūbahūgūla ū mu mhayo gwa kūjinja shilīwa ū mu lūshikū lwenūlo.

Nehemia 13:20

A basūlūja na a bajinja ba shikolo sha būlī mbika, būshisha gītī ng'hangala ibīlī gīko bakwizaga balaalīja ī hanze ya nzengo gwa Yelusalemu.

Nehemia 10:32

Twihelelaga bise benekīlī mhayo gwa kūyūfunya gulamu itanò ja feza būlī ng'waka, kūlwa kūgunanha milīmo ya numba ya ng'wa Mulungu wise,