Nehemia 13:2 - Bibilia Ilagano Lya Kale 2015

² Nguno batabasūng'wanhile a Baisilaeli mu kūbinha shilīwa nūūlū minzī ga kūng'wa, alīyo a ha ng'wanya gwaho bakangodisha Balaamu kūbazuma. (Gwike ū Mulungu wise ūlīgalūcha ī lizumo lyūbiza mbango.)

Nehemia 13:2 Iomraidhean Croise

Zabuli 109:28

A boi bene ni bazumage, alīyo ū bebe ūkwenha mbango; balīnūūbūkīla alīyo bakūgooka, ū ntūmami wako ni ayegage.

Mika 6:5

Banhū bane, wizūkagwi ū būganikīji bo ng'wa Balaka ū ntemi wa Moabu; nū mumo akashokeja ū Balaamu ng'witūnja o ng'wa Beoli. Lwizūkagwi nū lūgendo lwing'we lwa kūfuma Shitimu kūja Giligali, hū mukūwitegeleja ū būtūngīlīja wa shītīle sha ng'wa Seeba.

Kūbala 23:18

Ū Balaamu ūng'wīla ī mihayo īyī, “Balaaki būkaga ūdegeleke; nidegelekage ng'witūnja o ng'wa Zipooli.

Matayo 25:40

Nang'hwe ū Ntemi akūbashokeja alīhaya, ‘Nalīmuwīla gwa ng'hana gīkī, ī yose īyo ng'wabīītīlaga a badūgū bane a bado bado aba, ng'wanīītīlaga nene.’

Kūshokeela 23:3

A Baamoni na a Bamoabu pye a bose nī shibyalīlwe shabo batazunīlījiwe ū kwingīla ū mu kwibilinga kwa banhū ba ng'wa SEEBA, kūshisha kū shibyalīlwe sh'ikūmi.

Kūshokeela 23:4

Nguno aho ng'walī mu lūgendo kūfuma kū sī ya Misili batamusūng'wanhile na kūng'winha minzī; ha ng'wanya gwaho bakang'honga hela Balaamu ng'witūnja o ng'wa Beoli muna Petooli ya Alamu-nahalaimu, gīkī amuzume.

Kūshokeela 23:5

Gwike ū SEEBA Mulungu wako ūlema ūkūndegeleka ū Balaamu, ī lizumo lyakwe ūlīgalūcha kūbiza ū kūlī bebe, nguno ū SEEBA Mulungu wako akūtogilwe.

2 Petro 2:15

Batīmo ū mu nzīla ī ngololoku nūūlū hado, bahūbīkile; balī balondeeji ba nhūngwa ja ng'wa Balaamu ng'witūnja o ng'wa Beoli, ūyo akatogwa mheela ya nyabbūūlī.