Nehemia 13:12 - Bibilia Ilagano Lya Kale 2015

¹² Hūna a banhū ba Yuda bandya hangī kwenha ū mu chumba sha kūbīkīla, ī zaka jabo ja shilīwa, divai mhya na a maguta.

Nehemia 13:12 Iomraidhean Croise

2 Mihayo ya Shikū 31:4

Ūbalagīja a bana Yelusalemu kūyūbinha a bagabīji na a Balawī ī migabo īyo baalī bahelelilwe, gīkī badūle kwifunya chiza ū kū nīmo gwa shilagīlo sha ng'wa SEEBA.

2 Mihayo ya Shikū 31:5

Aho shafunyiwa ī shilagīlo shenīsho, haho na haho a Baisilaeli būfunya mu wiza ng'holò a matwajo ga kwandya ga shilīwa shabo, divai mhya, maguta na būūkī; nī shingī ī sha kūfuma mu shose īsho baagesaga kūfuma mu malaale. Beenha shikolo shingī no, kūbiza shakwinha sha zaka yabo.

Nehemia 12:44

Ū lūshikū lwenūlo būtūūlwa ho banhū ba kūyūlang'hana ī chumba sha kūbīka shikolo īsho shilayūsolelejiwa, a matwajo ga kwandya, nī zaka. Shiyūbilingīlwa ng'wenūmo īsho shafumaga mu malaale ga mu mizengo, īsho shihelilwe mu shilagīlo kūlwa nguno ya bagabīji na Balawī. Nguno a banhū ba Yuda bakayejiwa na a bagabīji, hamò na a Balawī abo batūmamaga.

Bagabīji 27:30

“Būlī zaka ya shikolo shose shose sha kūfuma mu migūnda, īlī sabo ya ng'wa Seeba; jibize mbīyū ja kūfuma ng'wilaale nūūlū matwajo ga mitī; ī shose shilī sabo ya ng'wa SEEBA.

Malaki 3:10

Ū SEEBA wa Būdūla bose alīhaya gīkī, “Ng'ūnha ī zaka jishikaanile ng'wajitūūla ū mu numba ya kūbīkīla, shilonge shilīwa ū mu numba yane. Nigemagi ū mu mhayo gwenūyū, mubone ūlū natūmulugūlīla a ng'wanya gwa ng'wigūlū namusukīīle ningī, kūshika mugayiwe nū ng'wanya gwa kūshitūūla īsho mulapandīke.

Malaki 3:8

“Ū munhū ang'wibīle Mulungu? Lelo a bing'we mukūniibīlaga. “Alīyo mukūbūūjaga, ‘Tūkūkwibaga kinehe?’ “Mu zaka na manong'ho.

Kūshokeela 14:22

Mukūyūfunya zaka ya shose īsho mukūpandīka kūfuma mu malaale ging'we būlī ng'waka.