Nehemia 13:10 - Bibilia Ilagano Lya Kale 2015

¹⁰ Nūbona na gīkī a Balawī baalī boya ū kwinhwa īsho shalī shihelilwe kūlwa kūbagunanha, na lūūlū pye a Balawī abo bīītaga ī milīmo ū ng'wikanza lya kūlamya, baalī bashoka kū malaale gabo.

Nehemia 13:10 Iomraidhean Croise

2 Mihayo ya Shikū 31:4

Ūbalagīja a bana Yelusalemu kūyūbinha a bagabīji na a Balawī ī migabo īyo baalī bahelelilwe, gīkī badūle kwifunya chiza ū kū nīmo gwa shilagīlo sha ng'wa SEEBA.

Nehemia 10:37

Hama ū būsu wise ūbo būkabizaga bo kwandya kūshiwa, tūkūyūwenha ū mu chumba sha kūbīkīla shikolo īsho shilī mu numba ya ng'wa Mulungu wise, twabūtūūla ng'wenūmo kūlwa nguno ya bagabīji; shabiza shitambò shise sha būsu. Tūkūyenha na a matwajo ga mitī yise ī yose, nī divai yise ī mhya, na a maguta. Nīyo tūkūyenha ī zaka yise kūlwa nguno ya Balawī, nguno a Balawī hū bene abo bigeleelilwe kūsola zaka kūfuma ū kū mizengo yise yose ī ya banhū ba milīmo ya mu malaale.

Nehemia 10:39

A Baisilaeli hamò na a Balawī shibigelile kwenha ū būsoogi wabo ū mu chumba sha kūbīkīla shikolo, ūko shikabīkagwa ī shikolo, ūko bakikalaga a bagabīji ūlū balī na lūdīīma, na a balang'hani ba ha mibita, na a bīmbi; bayenha būsīga nī shilīwa ī shingī, nī divai mhya, na maguta. Tūtīlekanīja ī numba ya ng'wa Mulungu wise.”

Nehemia 12:47

Hūna lūūlū ū mu shikū ja ng'wa Zelubabeli na Nehemia, pye a Baisilaeli bafunyaga shakwinha kūlwa bīmbi na balang'hani ba ha mibita. Ī linong'ho īlo lyalī kūlwa nguno ya Balawī balītūūlaga ha mhelo, hama a Balawī nabo batūūla ha mhelo inong'ho lya kūja kū bagabīji.

Isaya 43:23

Ūtaalī kūnenhela ng'holo jako kūlwa shitambò sha kūpemvwa; hama ū mu kafunīje kako ka shitambò ūtanikūjaga nene. Nataalī kūkūtūmamya milīmo midito ya kūnifunīja shitambò sha būsu; nūūlū nataalī kūkūseedeecha kūlwa kūkūhadīkīja kūnifunīja būbbani.

Malaki 3:8

“Ū munhū ang'wibīle Mulungu? Lelo a bing'we mukūniibīlaga. “Alīyo mukūbūūjaga, ‘Tūkūkwibaga kinehe?’ “Mu zaka na manong'ho.

Kūbala 35:2

“A Baisilaeli binhage shiishi shilagīlo. Ībigeleelilwe kūbinha mizengo a Balawī; bapandīke ha kwikala ū mu sī ya wingīji, īyo balayīpandīke a Baisilaeli. Hama babinhe na madīīmīlo gabize hihī nī mizengo yenīyo.

Kūshokeela 12:19

Ilang'hanage ūtizūbīība a Balawī ū mu būlamu wako ū bose ū mu sī yako.