Nehemia 13:1 - Bibilia Ilagano Lya Kale 2015

¹ Ū mu lūshikū lwenūlo shūsong'wa ī shitabo sha ng'wa Musa, bigwa a banhū; yūbonwa handīkilwe moi gīkī ū mu Baamoni na a Bamoabu, atīho nūūlū ūmò wa kūzunīlījiwa kwisangīja ū mu kwibilinga kwa banhū ba ng'wa Mulungu.

Nehemia 13:1 Iomraidhean Croise

2 Batemi 23:2

Hanuma ūja mu hekalu ya ng'wa SEEBA hamò na a banhū ba Yuda, na a ba mu Yelusalemu, na a bagabīji na a bahangi; nīyo pyī dūhū a banhū, bado na bataale. Ūbasomela pyī ī mihayo ya mu shitabo sha būlagane īsho shikapandīkīlwa mu hekalu ya ng'wa SEEBA.

Nehemia 13:23

Nīyo hangī ū mu shikū jenījo nūbabona bagosha bamò na bamò ū mu bana Būyudaya batoola bakīma ba Ashidodi, Amoni, na Moabu.

Nehemia 2:10

Alīyo ū Sanibalati, ū muna Holoni, nū Tobia ū muna Amoni ūyo walī ntūmami, aho bigwa gīko, bakasaaya no ū kūbona gīkī wizile munhū kūbeeja nīmo gwa kūbagunanha a Baisilaeli.

Nehemia 2:19

Alīyo ū Sanibalati, ū muna Holoni, nū Tobia, ū muna Amoni ūyo walī ntūmami, hamò na Geshemu, ū Ng'walabu, aho bigwa gīko bandya kwiyineenelegeja bakūtūsekaga mu būdalahi. Būyūhaya, “Mulīīta nīmo kī ū gwenūyū? Mulīngomela ū ntemi a bing'we?”

Nehemia 4:3

Baalī bihelile na Tobiasi ū muna Amoni; nang'hwe ūhaya, “Angū nabo balīzenga ndugu ya mawe ī gīko, alīyo nūūlū lījidīvī dūhū ūlū lyīdang'hamīla līlīhaya kūlinha hoi, līkwīgwisha!”

Nehemia 8:2

Hūna ū mu lūshikū lwa kwandya lwa ng'weji gwa mpungatī, ū ngabīji Ezila ūshenha ī shilagīlo ū kū banhū abo baalī bibilinga; baalīho bagosha na bakīma, pye na a baana, bose abo baalī badūgije kwitegeleja.

Nehemia 9:3

Bīmīīla aho baalī, būtūmamīla lobo ya lūshikū kūshisoma ī shitabo sha shilagīlo sha ng'wa SEEBA Mulungu wabo; na lobo yīngī bītūmamīla mu kūtambūūla, na kūnamya SEEBA, ū Mulungu wabo.

Isaya 34:16

Lolagi ū mu shitabo sha ng'wa SEEBA musome, nūūlū shimò shitūgaya ū mu shenīshi, nīyo būlī shene shikūbiza na nichaajo; nguno īlagīlilwe chene na nomo go ng'wa SEEBA; hama ū Moyo wakwe h'ūyo akūshikuminga.

Yelemia 48:1

Ī mihayo īyī īlī kūlwa nguno ya Moabu: Ū SEEBA wa mabità, ū Mulungu wa Isilaeli, alīhaya gīkī, “Ī Nebo īlī mu kwihīga nguno Īkūkenaagūka. Ī Kiliataimu īkūding'wa īgooke. Nī numba ya kūpīlīla īkūkambagūlwa īpondwe soni.

Amosi 1:13

Ū SEEBA alīhaya gīkī, “Kūlwa būhūbi wa bana Amoni, ū būhūbi wabo ūbo balemile kūbūleka, natūbūhama ū būpelanu bone. Nguno baabatuumūlaga a bakīma ba Gileadi abo balī nda, gīkī bigalīhīje ī mbīmbī ja sī yabo.

Kūbala 22:5

Na lūūlū ūtūma banhū kūjūng'witana Balaamu ng'witūnja o ng'wa Peoli; būshika ū kū sī yakwe, wikalaga Petooli bbihī na mongo. Ū Balaaki walī wabatūma alīhaya gīkī. “Bizile banhū bingī no kūfuma Misili, būhī na būhī wa banhū! Bīkundīkīgije pye gete ī sī; alīyo hū baapangile hihī nī sī yane.

Luka 10:26

Nang'hwe ūng'wīla, “Yandīkilwe ginehe ū mu shilagīlo, ūkūsomaga ginehe?”

Shītwa 13:15

Aho shamala kūsong'wa shilagīlo na shitabo sha bahangi, a bataale b'isinagogi būbatūmīla nhūng'wa būbawīla, “Bababa ūlū mulī na mhayo gwa kūganikīla banhū, somboolagi!”

Shītwa 15:21

Nguno kūfuma shibyalīlwe sha kale na kale, ū Musa alī na bahemba bakwe hose hose ū mu mizengo; būlī sabato akasomagwa ū mu masinagogi.”