Nehemia 11:5 - Bibilia Ilagano Lya Kale 2015

⁵ Na Maaseya ng'witūnja o ng'wa Baluki, ng'witūnja o ng'wa Koli-hozeni ng'witūnja o ng'wa Hazaya, ng'witūnja o ng'wa Adaya, ng'witūnja o ng'wa Yoalibu, ng'witūnja o ng'wa Zakalia, wa kūfuma mu shibyalīlwe sha ng'wa Shela.

Nehemia 11:5 Iomraidhean Croise

wandījo 38:5

Ūbyala na ūngī, nang'hwe ngosha, lina lyakwe Sheela; nū ng'wene akilīkwa na nina. Aho alīmyala baalī Kezibu.

1 Mihayo ya Shikū 4:21

A bitūnja ba ng'wa Shela ng'witūnja wa ng'wa Yuda baalī: Eeli ise wa ba Leka na Laada, ūyo akabiza ise wa ng'wa Malesha. Nī ndūgū ja banhū abo baalī bamani ba kūbeeja kitaani, abo bikalaga Beti-ashibea jikafuma mulī ng'wenūyo.

1 Mihayo ya Shikū 9:5

Ū mu bahilya Shiilo, walīmo Asaiya, myalwa wa kwandya, hamò na bitūnja bakwe.

Nehemia 11:4

Gwike ī chene banhū bamò a ba mu Būyudaya nī Benjamini bakaja būkikala ū mu Yelusalemu: A ba lūganda lwa ng'wa Yuda baalī, Asaaya ng'witūnja o ng'wa Uzia, ng'witūnja o ng'wa Zakalia, ng'witūnja o ng'wa Amalia, ng'witūnja o ng'wa Shefati, ng'witūnja o ng'wa Mahalaleli, o shibyalīlwe sha ng'wa Pelezi.

Nehemia 11:6

A ba kūfuma mushibyalīlwe sha ng'wa Pelezi ī lisaabu lyabo a bose baalī magana anè na makūmi atandatū na banaane.

Nehemia 3:15

Ū mita gwa kū lūzwīlo gūkazengwa na Shalumu ng'witūnja o ng'wa Koli-hoze, ūyo walī nsugi w'ipandī lya Misipali. Aho wagūzenga hūna ūgūtūūlīla n'ikundīkījo a higūlya, hanuma ūgūtūūlīla malugalīlo na mizumali, na a mapagīgījo aho gaalī gigeleelilwe kūtūūlwa. Nī ndugu ya h'ilambo lya Siloamu, bbihī na ngūnda gwa ntemi, wīzenga ūūkashika ū kū malinhīlo ga kūja kū nzengo go ng'wa Daūdi.

Kūbala 26:20

Ū mu shibyalīlwe sha ng'wa Yuda, ū kūlondeela kaya jabo baalīmo: Ba kaya ya ng'wa Sheela, ba mpanda go ng'wa Sheela; ba kaya ya ng'wa Pelezi, ba mpanda go ng'wa Pelezi; ba kaya ya ng'wa Zeela, ba mpandū go ng'wa Zeela.