Nehemia 11:3 - Bibilia Ilagano Lya Kale 2015

³ Aba bandīkilwe aha h'a batongeeji abo bakikala mu Yelusalemu, alīyo ū mu mizengo ī yīngī ī ya mu Būyudaya, a Baisilaeli bikalaga ū mu mizengo yenīyo būlī ng'wene h'itongo lya ng'wawe. Baalīho bagabīji, Balawī, batūmami ba mu hekalu, na a banhū ba shibyalīlwe sha batūmami ba ng'wa Solomoni.

Nehemia 11:3 Iomraidhean Croise

Ezila 2:1

Alilūūlū, a banhū aba hū bene abo bakashoka kūfuma mu sī ya Babuloni ng'wikanza lya kūshoka abo baalī bading'wa būsaamiwa, abo ntemi Nebukadineza wa Babuloni walī wabasaamīja kwenūko. Aho bashoka būkikala Yelusalemu na Būyudaya, būlī munhū kū nzengo gwa ng'wawe.

Ezila 2:43

Batūmami ba mu hekalu, ba shibyalīlwe sha ng'wa Ziha, Hasufa, Tabaosi.

Ezila 2:70

A bagabīji na a Balawī, na a bīmbi, na a balang'hani ba ha milyango na a batūmami ba mu hekalu bakashikīla mu mizengo īyo yalī yabo na kale, hamò na banhū bamò na bamò; na a Baisilaeli a bangī būja kwikala kū mizengo yabo.

Nehemia 11:20

A Baisilaeli a bangī na a bagabīji, hamò na a Balawī baalī hose hose ū mu mizengo ya Būyudaaya, būlī ng'wene ūkikala kū sī ya wingīji bo ng'wawe.

Nehemia 11:4

Gwike ī chene banhū bamò a ba mu Būyudaya nī Benjamini bakaja būkikala ū mu Yelusalemu: A ba lūganda lwa ng'wa Yuda baalī, Asaaya ng'witūnja o ng'wa Uzia, ng'witūnja o ng'wa Zakalia, ng'witūnja o ng'wa Amalia, ng'witūnja o ng'wa Shefati, ng'witūnja o ng'wa Mahalaleli, o shibyalīlwe sha ng'wa Pelezi.

Nehemia 7:39

A bagabīji ba numba ya ng'wa Yedaya, (bahilya Yeshua) baalī magana kenda na makūmi mpungatī na badatū.

Nehemia 7:43

A Balawī ba lūganda lwa Yeshua na Kadimieli, (bahilya Hodavia) baalī makūmi mpungatī na bane.

Nehemia 7:46

Batūmami ba mu hekalu: Ba shibyalīlwe sha ng'wa Ziha, Hasufa, Tabaosi.

Nehemia 7:6

Aba hū bene a banhū abo bakashoka kūfuma sī ya Babuloni, ū ng'wikanza lya kūshoka kwa banhū abo baalī bading'wa būsaamiwa; abo ntemi Nebukadineza wa Babuloni walī wabasaamīja kwenūko. (Aho bashoka bakikala Yelusalemu na Būyudaya, būlī munhū kū nzengo gwa ng'wawe.

Nehemia 7:7

Baalī hamò na Zelubabeli, Yeshua, Nehemia, Selaya, Lelaya, Modekai, Bilishani, Misipali, Bigivai, Nehumu, na Baana.) Ī lisaabu lya bagosha ū mu banhū a Baisilaeli benabo lyalī īlī:

Nehemia 7:73

A bagabīji na a Balawī, na a balang'hani ba ha milyango, na a bīmbi, hamò na banhū bamò na bamò; na a batūmami ba mu hekalu, na a Baisilaeli a bose bakashikīla mu mizengo yabo. A Baisilaeli būbiza balembeela mu mizengo yabo. A ho gwashika ng'weji gwa mpungatī.