Nehemia 11:16 - Bibilia Ilagano Lya Kale 2015

¹⁶ Shabesai na Yozabadi, ū būbīlī wabo baalī bamò ba mu bataale ba Balawī a bīmīīji ba milīmo ya hanze ya numba ya ng'wa Mulungu.

Nehemia 11:16 Iomraidhean Croise

1 Mihayo ya Shikū 26:20

A Balawī bichaabo baalī na ndīīma ja kūlang'hana ī chumba sha kūtūūla sabo īsho shaalī mu numba ya ng'wa Mulungu, nī chumba sha kūlang'hana shikolo īsho shaalī sheejiwa hūna shūtūūlwa kūlī Seeba.

1 Mihayo ya Shikū 26:29

Ū kūfuma ū mu shibyalīlwe sha ng'wa Iziha, walīmo Kenania na bitūnja bakwe; ū ng'wene akinhwa nīmo gwa kūtūmamīla kūle nī hekalu. A banhū ba shibyalīlwe shakwe binhwa milīmo ya mu ofisi, bangī bīītwa kūbiza balamuji ū mu Isilaeli.

Ezila 10:15

Yonasani ng'witūnja o ng'wa Asaheli, na Yahizeya ng'witūnja o ng'wa Tikiva; a babīlī benabo būlema ū kwizunīlīja nago ū mhayo gwenūyū, būgunījiwa na Balawī ba Meshulamu na Shabetai.

Ezila 8:33

Ū mu lūshikū lwa kanè twingīla mu numba ya ng'wa Mulungu wise, tūkashipima ī shikolo, ī feza, zahabu, nī shiseme ī sheela, tūshitūūla mu makono ga ngabīji Melemosi ng'witūnja o ng'wa Ulia; baalī hamò nang'hwe ba Eliezeli, ng'witūnja o ng'wa Finehasi, na a Balawī baalīho, na Yozabadi ng'witūnja o ng'wa Yeshua, na Noadia ng'witūnja o ng'wa Binui.

Nehemia 11:15

A ba kūfuma mu Balawī baalī: Shemaya ng'witūnja o ng'wa Hashubu, ng'witūnja o ng'wa Azilikamu, ng'witūnja o ng'wa Hashabia, ng'witūnja o ng'wa Buni;

Nehemia 11:17

Walīho na Matania ng'witūnja o ng'wa Mika, ng'witūnja o ng'wa Zabudi, ng'witūnja o ng'wa Asafu, ūyo walī ntongeeji wa kūyūtongeela ng'wikanza lya kūfunya būlūmbi ūlū balī ng'wilomba, na Bakibukia ūyo walī wa kabīlī ū mu baana ba ng'wawe; na Abuda ng'witūnja o ng'wa Shamua, ng'witūnja o ng'wa Galali, ng'witūnja o ng'wa Yedusuni.

Nehemia 8:7

A Balawī abo baalīho baalī ba Yeshua, Bani, Shelebia, Yamini, Akubu, Shabesai, Hodia, Maaseya, Kelita, Azalia, Yozabadi, Hanaani, Pelaya. A beneba hū babatongaga a banhū ī mihayo ya mu shilagīlo ū ng'wikanza aho bīmīīlile henaho.