Nehemia 11:1 - Bibilia Ilagano Lya Kale 2015

¹ Hūna lūūlū a batongeeji ba banhū būkikala mu Yelusalemu; a banhū a bangī pye a bose būyūtūlīja mbale, būlī munhū w'ikūmi waja kwikala Yelusalemu, mu nzengo ng'wela; abo kenda bikale ū kū mizengo ī yīngī.

Nehemia 11:1 Iomraidhean Croise

1 Mihayo ya Shikū 26:13

Pye a balang'hani ba ha nyango, babize bataale nūūlū bado, basolagwa bo mbale mu būlenganīja, kūlondeela kaya jabo.

1 Mihayo ya Shikū 8:28

A banhū bose benaba baalī batongeeji na basugi ū mu ndūgū jabo, gīt'ūmo baheleliwe mu kwihela kwa shibyalīlwe shabo; a bose bikalaga mu Yelusalemu.

1 Mihayo ya Shikū 9:1

Ali lūūlū, a Baisilaeli a bose baalī bandīkwa mu shitabo sha batemi ba Isilaeli, ī shitabo sha kwihela kwa shibyalīlwe. A banhū ba Yuda bakasaamiwa, būtwalwa kū sī ya Babuloni būūkikala mu būding'wa, kūlwa nguno ya būkenaagūji wabo.

1 Mihayo ya Shikū 9:2

Alīyo aho lyashika ī likanza lya kūshoka, a ba kwandya kūshoka na kūja kwikala kū matongo gabo na mu mizengo yabo, baalī banhū balebe abo baalī basaamiwa kūfuma Isilaeli; bagabīji, Balawī, na batūmami ba mu hekalu.

1 Mihayo ya Shikū 9:3

Banhū bamò ba mu ng'anda ja: Yuda, Benjamini, Efulaimu na Manase, aho bashoka būūkikala Yelusalemu; baalīmo aba:

Nehemia 10:34

Nīyo hangī a bise bagabīji, na a Balawī, na a banhū a bangī, twihelelaga ndīīma, twitūlīgīja mbale kūlondeela kaya ja bakūlūgenji bise; tūbone ūmo jikūyenhela ī ng'hwi ū kū numba ya ng'wa Mulungu wise, kūlenganīla na a kahelele ka būlī ng'waka ako katūūlilwe, kūlwa kūpemba ha ng'walīlo go ng'wa SEEBA Mulungu wise, gīt'ūmo gwandīkilwe mu shilagīlo.

Nehemia 11:18

A Balawī a bose ū mu nzengo ng'wela baalī magana abīlī na makūmi anaane na bane.

Nehemia 4:22

Hama ū mu shikū jenījo nūbawīla a banhū, “Būlī ntūmami na ngunanhi wakwe ni babizagikala mu Yelusalemu ī būjikū, bayūtūgunanha kūlang'hana ī būjikū, ī līīmi batūmama ū nīmo.”

Zabuli 122:5

H'ūko galī a masumbī ga kūlamulīla, masumbi ga būtemi ga numba ya ng'wa Daūdi.

Zabuli 122:6

Gūlombelagi mhola ū nzengo gwa Yelusalemu: “Abo bakūtogilwe ū bebe babize mu mhola.

Sumo 16:33

Ī mbale īkatūlījiagwa na banhū, alīyo a kalamulīle kaayo pye a kose kafumile kūlī SEEBA.

Isaya 48:2

bing'we abo mukihayaga gīkī mulī bajiga jiga ba mu nzengo ng'wela, na gīkī munsendamīlile Mulungu wa Isilaeli, ūyo lina lyakwe alī SEEBA wa mabità,

Isaya 52:1

Mishaga, Ee Sayuni, mishaga! Manulaga nguzu jako. Ee Yelusalemu, nzengo ng'wela, zwalīlaga ī shizwalo shako sh'ikūjo. Ū mulī bebe atingīla hangī ose ose ūyo atasaalilwe, nūūlū wa malofu.

Matayo 27:53

Būfuma ū mu shigila, aho wajūūka kūfuma mu bafu ū Yesu, bingīla ū mu nzengo ng'wela biyoolecha kū banhū bingī.

Matayo 4:5

Hūna ū Shetani ūntwala kū nzengo ng'wela, aho wanshisha koi ūntūūla higūlya ya hekalu.

Shītwa 1:24

Hanuma būlomba balīhaya, “Seeba ū bebe wīmanile ī myoyo ya banhū bose, toolekejage ūyo ūlīnsola ū mu babīlī benaba;

Shītwa 1:26

Hūna būbatūlīgīja mbale, yūngwīla Matiya, ūbalwa kūbiza ūmò wabo a batūng'wa abo ikūmi na ūmò.

Yoshwa 18:10

Ī Shilo kwenūko, ū Yoshwa ūbatūlīgīja mbale kū būtongi bo ng'wa SEEBA; ūbagabanhya a Baisilaeli ī sī alī henaho, a bose būpandīka kūlenganīla na wingīji bo ng'anda jabo.