Nehemia 1:7 - Bibilia Ilagano Lya Kale 2015

⁷ Īyo twīta ū kū būtongi wako īlī ya malofu no; tūtagadimile a malange gako na a kahelele, pyī nī shilagīlo īsho wang'winha ntūmami wako Musa.

Nehemia 1:7 Iomraidhean Croise

1 Batemi 2:3

Wīdime īyo SEEBA Mulungu wako ayīhelile, kūshimīzīla mu nzīla jakwe, kūgadima a malange gakwe na a kahelele kakwe, nī shilagīlo shakwe, nī yīngī īyo ayīhayile, gīt'ūmo yandīkilwe mu shilagīlo sha ng'wa Musa; ū mu gīko h'ūkūbiza na būlī kwene ūko ūkūja, nū mu yose īyo ūkwīyīta.”

2 Mihayo ya Shikū 25:4

Alīyo a bitūnja ba babūlagi benabo atababūlagile, akīīta ūmo yandīkīlilwe mu shilagīlo, ū mu shitabo sha ng'wa Musa; ūmo SEEBA alagīlile, “A babyaji yaya ū kūbūlagwa kūlwa nguno ya būhūbi wa baana babo, na a baana batizūūbūlagwa kūlwa nguno ya būhūbi wa babyaji babo; būlī munhū akūcha kūlwa būhūbi wakwe wei ng'wenekīlī.”

2 Mihayo ya Shikū 27:2

Ū Yotamu akīīta yawiza ū mu miso ga ng'wa SEEBA, gīt'ūmo walī wītīla ū ise ū Uzia; alīyo ū wei atingīlile ū mu hekalu ya ng'wa SEEBA gīt'ūmo akīītīla ū ise. Gwike a banhū baalī bataalī būshimīzīla mu nzīla jabo ja malofu.

Ezila 7:6

Hūna lūūlū ū Ezila ng'wenūyū akīnga koi ī Babuloni. Nīyo ū wei walī nangi, munhū ūyo walī ashimanile ī shilagīlo sha ng'wa Musa īsho SEEBA, Mulungu wa Isilaeli walī washifunya. Ū ntemi akang'winha būlī shikolo īsho akalomba, nguno ū nkono go ng'wa SEEBA Mulungu wakwe gwalī hamò nang'hwe.

Zabuli 106:6

Bose pyī tūlī bahūbi gīt'ūmo baalī a bakūlūgenji bise, tūlī bakenaagūji na bīīti ba mihayo yabūbi.

Zabuli 89:31

ūlū būyīkenaangūla īyo īlī mu kahelele kane, būleka ū kūshidima ī shilagīlo shane,

Zabuli 89:32

ū būhūbi wabo nakūbūhama bo nang'ha, nakūtūmamīla manasu ūlū būkenaagūla.

Isaya 1:4

Ee, ihanga lya shibi lya banhū babunilwe būsoso, shibyalīlwe sha banhū ba shibi; baana abo bamanīīlile kwīta ya malofu. Bing'we abo ng'waneka ū SEEBA; ng'wandalaha ū Ng'wela wa Isilaeli, ng'ūgalūka ng'ūntegela ngongo!

Danyeli 9:11

A Baisilaeli a bose baalema ū kūkwigwa ū bebe, būgalūka būshikenaagūla ī shilagīlo shako. “H'ī chene a mazumo nū nsango, mihayo īyo yandīkilwe mu shilagīlo sha ng'wa Musa ntūmami o ng'wa Mulungu shatūgwīlile, kūlwa nguno ya kwīta shibi ū kūlī Mulungu wise.

Danyeli 9:13

Ū būkenaagūji wenūbū watūgwīlile kūlenganīla nū mumo handīkīlilwe mu shilagīlo sha ng'wa Musa, alīyo nahene tūtaalī ū kūgalūka nūūlū kūshileka ī shibi shise, gīkī tūng'wikūmbīlīje ū SEEBA Mulungu wise, mu nzīla ya kwīdīlīla ī ng'hana yakwe.

Hosea 9:9

Baalibīla no ū mu būbi, gītī mu shikū ja Gibea. Ū Mulungu akūwizūkwa ū būbi wabo abinhe nsango kūlwa shibi shabo.

Bagabīji 27:34

Ī shenīshi hū shilagīlo īsho SEEBA akang'winha Musa mu lūgūlū lwa Sinai kūlwa nguno ya Baisilaeli.

Zefania 3:7

Nakagūwīla ū nzengo gīkī, “Ng'hana ū bebe ūkūbiza na logohano ū kūlī nene, ūkūzunya nū kūganikīlwa.” A henaho ū wikalo bokwe ni būtakenaagūlilwe, nī misango yane ī yose n'ītampandīkile. Alīyo baalī bataalī bayegelile būbi mu yose īyo bīītaga.

Malaki 4:4

“Shiizūkagwi ī shilagīlo sha ntūmami wane Musa, a malange nī shilagīlo īsho nakang'winha kū lūgūlū lwa Holebu kūlwa Baisilaeli bose pye.

Kūshokeela 4:1

Alilūūlū Baisilaeli, degelekagi mukigwe a kalangīle nī shilagīlo īsho nalīhaya kūmulanga. Shidimagi hū mukwikala mulī bapanga, na mukūdūla kūja kwīdima ī sī yenīyo ībize ying'we, īyo SEEBA, ū Mulungu wa bakūlūgenji bing'we alīng'winha.

Kūshokeela 4:5

Managi gīkī ū nene naamulangile malange na shilagīlo gīt'ūmo SEEBA Mulungu wane wanilagīīlila, gīkī mushimīzīle musho ūlū ng'wingīla ū mu sī īyo mulīja kwīdima.

Kūshokeela 5:1

Ū Musa ūbitana pye a Baisilaeli ūbawīla, “Bing'we Baisilaeli, degelekagi chiza mugiigwe a malange nī shilagīlo īsho nalīshihaya kū būtongi wing'we ī lelo. Shidimagi hangī mushimīzīle musho.

Kūshokeela 6:1

Aka hū kene a kahelele ka ng'wa SEEBA Mulungu wing'we, hamò na a malange nī shilagīlo, īsho akaniwīla kūmulanga, gīkī mushidime aho mulī ū mu sī īyo mulīkīla mongo gwa Yolodani kūja kwīdima ībize ying'we.

Kukundulwa 19:2

nguno ū būlamuji bokwe būlī bo ng'hana, na būtūngīlīgije. Īkī wang'winhaga nsango ū malahya ntaale, ūyo walī wīsosohaja ī sī kūlwa būmalahya bokwe. Na hangī ū Mulungu wagamalīlaga shiilī a mininga ga banhū bakwe, ayo wagiita na nkono gwakwe ū malahya ng'wenūyo!”