Nehemia 1:6 - Bibilia Ilagano Lya Kale 2015

⁶ nalīlomba ūtege ū gūtū gwako, na a miso gako ūgaloleche; wigwe ū kūlomba kwa ntūmami wako, ūmo akūkūlombelaga līīmi na būjikū, kūlwa nguno ya batūmami bako, a Baisilaeli. Nalītambūūla ī shibi shise a bise Baisilaeli, īsho twīta tūkūhūba bebe. Ū nene hamò nī kaya ya ng'wa baba tūlī bahūbi ū kūlī bebe.

Nehemia 1:6 Iomraidhean Croise

1 Batemi 8:30

Ū ntūmami wako na a banhū bako ūlū būkūlomba balolelile ū kwipandī lyenīlī, igwagwa ū kūlomba kwabo. Igwaga kūfuma ū kū wikalo wako ū ng'wigūlū.

1 Batemi 8:47

alīyo aho balī ū mu sī ya būding'wa wabo yenīyo bashikile kūgalūka, ī ng'holò jabo jūkūshokela būkūlīlīīla ū mu sī ya banhū abo baabapyena benabo, būlīla balīhaya, ‘Tūlī bahūbi, twīta yabūbi na yamalofu.’

2 Mihayo ya Shikū 28:10

Hama hangī ī haha mulīhaya kūbīīta babize basese bing'we a bagosha na a bakīma ba Yuda nī Yelusalemu. Tūhaya a heene na a bing'we mulī bahūbi ū kūlī SEEBA ū Mulungu wing'we?

2 Mihayo ya Shikū 29:6

Nguno a bataale bise batītile mitengeke; bakahūba ū mu miso ga ng'wa SEEBA Mulungu wise; būneka būgalūka, būlogeja kūngī ū būshū wabo, kūleka kūlolela ūko lyalī ī lipandī lya kwikala lya ng'wa SEEBA; ū wei būng'winhīla migongo yabo.

2 Mihayo ya Shikū 6:40

Balekejage a banhū bako abo baakūhūbaga.

Ezila 10:1

Ū Ezila aho alīlomba na kūtambūūla, kūnū akūlīlaga na kwiponanja hasī ū kū būtongi bo numba ya ng'wa Mulungu, ibità itaale lya Baisilaeli līkibilinga aho walī, bagosha na bakīma na baana; nabo būyūlīla mu kūsaatwa kūtaale.

Ezila 10:11

Alilūūlū, ī haha ntambūūlīlagi ū SEEBA Mulungu wa bakūlūgenji bing'we, ng'wīte īyo ayīhayile. Mulekane nabo a banhū abo mukwikalaga hamò nabo, na a bake bing'we a ba kūfuma mu banhū ba mahanga.”

Nehemia 1:11

Ee SEEBA, nalīlomba ūtege ū gūtū gwako ū kūlī ntūmami wako ūyū, nū kūlomba kwa batūmami bako abo bayejiwe na mhayo gwa kūlīkūja ī lina lyako. Ī lelo yenīyī ng'winhage būpyeni ū ntūmami wako, ūng'wīlūkīle ja kwanukūlwa ū kū būtongi wa munhū ng'wenūyū.” Naalī na nīmo gwa kūntengela ntemi sha kūng'wa shakwe.

Zabuli 102:17

Akūkūdīlīla ū kūlomba kwa baluhi, ū kūdaaya kwabo atīko kūkūdalaha.

Zabuli 106:6

Bose pyī tūlī bahūbi gīt'ūmo baalī a bakūlūgenji bise, tūlī bakenaagūji na bīīti ba mihayo yabūbi.

Zabuli 130:2

Ee Seeba, liigwage ī lilaka lyane! A matū gako ni galīdegelekage ī lilaka lya kwikūmbīlīja kwane.

Zabuli 32:5

Alīyo nakibūūla nose ī shibi shane, noya ū kūbūbisa ū būsobya wane. Nūhaya, “Nakūng'wibūūlīla ū SEEBA ū būsobya bone.” Na ng'hana ūnilekeja ū būhūbi bo shibi shane.

Zabuli 34:15

A miso ga ng'wa SEEBA gabalolile a batūngīlīja, na a matū gakwe gakigwaga ū kūdaaya kwabo.

Zabuli 55:17

Būlī mhīndī nī dilū, pyī nī līīmi, nakanīlīīlaga mu kwiyanda; nang'hwe waliigwa ī lilaka lyane.

Zabuli 88:1

Ee SEEBA, Mulungu wa būpīji wane, būlī lūshīkū līīmi na būjikū nakūkūlīlīīlaga.

Isaya 6:5

Ū nene nūlīla nalīhaya, “Nashila būlī, naacha! Nguno nalī munhū wa nomo nsoso; hama nakikalaga hamò na banhū ba milomo misoso, alīyo a miso gane gamona ū Ntemi, ū SEEBA wa mabità.”

Ng'hūngū 5:7

A bakūlūgenji bise abo bīīta shibi batīho ī haha, alīyo ū nsango gwabo tūlīkoya nago bise.

Danyeli 9:15

“Alilūūlū Seeba Mulungu wise, bebe ūyo ūkabafunya banhū bako mu sī ya Misili na nkono gwa būdūla, wibeegeja lina lya kūshinga ho kūshisha lelo īyī; a bise twīta shibi, tūlī bahūbi.

Danyeli 9:20

Aho nalīyomba na kūlomba, kūnū nūshitambūūla ī shibi shane nī shibi sha banhū bane a Baisilaeli, na kūng'wikūmbīlīja ū SEEBA Mulungu wane kūlwa nguno ya lūgūlū lwakwe lwela,

Danyeli 9:4

Nūnomba ū SEEBA Mulungu wane na kūtambūūla nalīhaya. “Ee Seeba, bebe ūyo ūlī Mulungu ntaale na wa lyogohya, ū bebe ūlīdimīīlile ī lilagane lyako lya būtogwa kū bose abo bakūtogilwe na kūshiigwa ī shilagīlo shako.

Danyeli 9:5

A bise tūlī ba shibi hangī twakūhūba ū bebe; tūlī babūbi kūlwa kūkūgomela na kūgalūka, tūshileka ī shilagīlo shako na a malange gako.

Danyeli 9:8

Ee SEEBA, a bise na a batemi bise na a basugi bise, na a basīswe tūlī mu magooke kūlwa nguno ya kwīta shibi kū būtongi wako.

Luka 18:7

Angū, ū Mulungu hamò na wiyūmīlīja bokwe ū bose ūmo alī ng'wenūmo, atūdūla ū kūbagunanha a basolwa bakwe abo bakanīlīīlaga līīmi na būjikū?

Luka 2:37

Ūchīlwa! Hūna wikala gīko dūhū atatoolilwe, kūshisha myaka makūmi anaane n'īne. Walī atīngaga ū mu hekalu, wikalaga ng'wenūmo līīmi ji na būjikū pe; nīmo gokwe kūlomba na kūfunga.

Baefeso 2:3

Pye na a bise ī kwandya twalī mu lūkwa lūmò nabo, twashimīzīlaga mu mihayo ya kwikūmva kwa mīlī gwise, na hangī īyo twabeejaga yalī ya kūyeja mīlī na maganiko gise dūhū; ū mu nhūngwa jise twalī baana b'ipelanya gīt'ūmo balī a bangī.

1 Timoteo 5:5

Alīyo ū nchīlwa ūyo atī na wa kūngunanha gete, ū ng'wenūyo antūūlīlile Mulungu pyī ū kwisagīlwa kwakwe makanza gose; līīmi na būjikū akadīlaga mu kūlomba na kūlombela.

2 Timoteo 1:3

Nakūnūmbaga Mulungu ūyo nakanamyaga nang'holò neela, gīt'ūmo bakūlūgenji bane bīītīlaga. Nataalī ū koya ū kūkwizūkwa ūlū nalīlomba līīmi na būjikū.

1 Yohana 1:9

Ūlū tūshitambūūla ī shibi shise, ū wei ng'wene nsanyiwa, hangī ntūngīlīja, akūtūlekeja ī shibi shise na kūtweja gete twīnge ū mu būhūbi wise.

1 Sang'weli 15:11

“Nalī na būpīna kūlwa kūng'wīta ū Saulo kūbiza ntemi, nguno wagalūkile ī haha ūnileka, atūshishikīlījaga ī shilagīlo shane.” Ū Sang'weli akakoya no ū būjikū wenūbo, ūkeeyūla akūnīlīīlaga ū SEEBA!