Nehemia 1:4 - Bibilia Ilagano Lya Kale 2015

⁴ Aho nīyigwa ī mihayo yenīyī nifudīka hasī, nūtandūka kūlīla; nūfunga shikū ningī nakūlījiagwa būpīna, kūnū nakūnombaga ū Mulungu wa ng'wigūlū.

Nehemia 1:4 Iomraidhean Croise

2 Sang'weli 12:16

Ū Daūdi wingīla mu kaya yakwe kūnombela ū ng'wana kūlī Mulungu, mu kūfunga na kūkeyula būjikū pe alaalile hasī.

2 Batemi 22:19

Īkī ī ng'holò yako yoolechaga hape gīkī wagalūkaga na kwidoohya ū kū būtongi bo ng'wa SEEBA aho wīyiigwa ī mihayo īyo nīhaya kūlwa nguno y'ipandī lyenīlī na a banhū baamo, ī gīkī bakūzung'wa, nī lipandī lyabo lībize buyīkī; na lūūlū ū bebe īkī watandūlaga na shizwalo shako ūlīla na kū būtongi bone, nakwigwaga, alīhaya ū SEEBA.

2 Mihayo ya Shikū 6:13

Walī wabeeja lūtala lwa shaba ūlūtūūla ha gatī gatī ya gwaalugwa, lwalī lwa būlīhu wa fuuti mpungatī na nusu, nū būgalī galī gīko, ū būgūngūhu fuuti inè na nusu. Na lūūlū wīmīīla a ha lūtala lwenūlo, hūna ūtuja mazwi kū būtongi wa Baisilaeli bose; hanuma ūgagoloola a makono gakwe kūlola ng'wigūlū;

Ezila 1:2

“Ū ntemi Koleshi wa Būajemi alīyomba gīkī, ‘Ū SEEBA, ū Mulungu wa ng'wigūlū waninhile py'a mabūsugi ga mu sī, na wanisolile kwīta nīmo gwa kūnzengela hekalu ī Yelusalemu, ū mu sī ya Būyudaya.

Ezila 10:1

Ū Ezila aho alīlomba na kūtambūūla, kūnū akūlīlaga na kwiponanja hasī ū kū būtongi bo numba ya ng'wa Mulungu, ibità itaale lya Baisilaeli līkibilinga aho walī, bagosha na bakīma na baana; nabo būyūlīla mu kūsaatwa kūtaale.

Ezila 9:3

Aho nagwigwa ū mhayo gwenūyū nūtandūla ī ng'hanjo yane nī shizwalo shane; nūyūjidutūūla ī nzwīlī nī ndezu jane, hama nigasha nadedebalile nakūkumyaga dūhū!

Ezila 9:5

Na lūūlū aho lyashika ī likanza lya shitambò sha mhīndī, nūbūka aho naalī nigasha mu kwiluhya nene ng'wenekīlī, ī ng'hanjo yane nī shizwalo shane shitandagūkile. Nūtuja mazwi, nūng'wambīla a makono gane ū SEEBA Mulungu wane.

Nehemia 2:20

Nane nūbashokeja nūbawīla, “Ū Mulungu wa ng'wigūlū akūtwinha būtindi, a bise batūmami bakwe tūkwandya ū kūzenga; alīyo a bing'we mutī na ngabo gete, nūūlū shikolo shing'we ndūhū, shitīho nūūlū shose shose sha kūng'wīta ng'wizūkīlwe ū mu Yelusalemu.”

Nehemia 2:4

Ū ntemi ūnibūūja, “Ī gīsī lūūlū ūlū kwīta mhayo kī?” Nane nūnomba ū Mulungu wa ng'wigūlū,

Zabuli 102:15

A mahanga gakūlyogoha ī lina lya ng'wa SEEBA, a batemi ba mu sī jose bakūlyogoha ī kūjo lyako.

Zabuli 136:26

Nūmbagi ū Mulungu wa ng'wigūlū, ī Kīgongo chakwe shilī sha welelo na welelo.

Zabuli 137:1

Twalī twigashije kū ng'hilimvwa ya myongoya Babuloni, aho twayizūkwa ī Sayuni tūyūlīla ng'hūngū.

Danyeli 10:2

Ū mu shikū jenījo ū nene Danyeli naalī namala mifungo idatū nakūlīlaga ng'hūngū

Danyeli 2:18

Ūbakomeleja balombe mu kwikūmbīja, ū Mulungu wa ng'wigūlū abachīle shigongo, aboolekeje ī mbisīla yenīyo; ū wei ū Danyeli na a banwani biye batizūbūlagwa hamò nī ligelè lya banhū ba bamasala ba mu Babuloni.

Danyeli 9:3

Hūna lūūlū nūgalūka kūlī Seeba Mulungu nūng'wikūmbīlīja mu kūlomba na kūlombela, mu kūfunga na kūzwala shizwalo sha magūnīla na kwifudīka mu mabu.

Yona 1:9

Ūbashokeja, “Nalī Ng'hebulania, na nalī namya o ng'wa SEEBA Mulungu wa ng'wigūlū, ū meeja wa nyanza na sī.”

Zefania 3:18

Nakūwīnja ū būpīna wako ū mu makanza ga shigukulu; nguno ū gwenūyo nigo ndito ū kūlī bebe, hangī gūkakwenhelaga ibengwe.

Balumi 12:15

Yegagi nabo abo bakūyegaga, abo bakūlīlaga līlagi nabo.