Nehemia 1:3 - Bibilia Ilagano Lya Kale 2015

³ Būniwīla, “Abo bapūlūgūkile ū kūsaamiwa bikala ū mu sī yenīyo, balī mu makoye mataale, hangī nīyo mhayo gwa soni no; nī ndugu ya nzengo gwa Yelusalemu yakambagūlilwe, nī mibita yaho yūpemvwa moto!”

Nehemia 1:3 Iomraidhean Croise

1 Batemi 9:7

a henaho nakūbīnja gete a Baisilaeli ū mu sī īyo nabinha; nī hekalu nakwīlema, īyo nayeejaga kūlwa lina lyane yenīyī. A Baisilaeli bakūbiza gītī shigano, nīyo bakūyikala bakūsekagwa sagala ū mu mahanga ga banhū.

2 Batemi 25:10

Na hangī a bashilikale ba Bakalidayo abo walī nabo ū ntaale wa balang'hani ba ntemi būjiikīja hasī, pyī ī ndugu ja ngītīli īyo yalī īgūpīndije ū nzengo gwa Yelusalemu.

2 Mihayo ya Shikū 36:19

Hanuma bītiima moto ī hekalu ya ng'wa SEEBA, ī ndugu ya Yelusalemu bīhilimīkīja; ī numba ja h'ikūlū būjikūbīka moto pyī, nīyo būlī shikolo sha mpango būshikenaagūla.

Ezila 2:1

Alilūūlū, a banhū aba hū bene abo bakashoka kūfuma mu sī ya Babuloni ng'wikanza lya kūshoka abo baalī bading'wa būsaamiwa, abo ntemi Nebukadineza wa Babuloni walī wabasaamīja kwenūko. Aho bashoka būkikala Yelusalemu na Būyudaya, būlī munhū kū nzengo gwa ng'wawe.

Ezila 5:8

Shiigelile amane ū ntemi gīkī twalī twajile ū kū sī ya Būyudaya, ū kū hekalu ya ng'wa Mulungu ntaale, īlīzengwa na mawe mataale no, hama ū mu ndugu jilīyūtūūlwa mbawa. Nīyo ū nīmo gwenūyū balīgwīta mu būgaliili būtaale no na makono gabo, hama gūlīja wangū wangū no.

Nehemia 11:3

Aba bandīkilwe aha h'a batongeeji abo bakikala mu Yelusalemu, alīyo ū mu mizengo ī yīngī ī ya mu Būyudaya, a Baisilaeli bikalaga ū mu mizengo yenīyo būlī ng'wene h'itongo lya ng'wawe. Baalīho bagabīji, Balawī, batūmami ba mu hekalu, na a banhū ba shibyalīlwe sha batūmami ba ng'wa Solomoni.

Nehemia 2:13

Aho nabūka ū mu būjikū wenūbo, nūfuma hanze kūbītīla ha mita gwa kū longa, gwa kūbīta ūjile kū lwinzī lwa nyamhawa, na kū mita gwa mapalala. Najilīngūlīlaga ī ndugu ja nzengo gwa Yelusalemu ūmo jalī jakambagūlīlwa, nī mibita yaho īyo yalī yapemvwa moto.

Nehemia 2:17

Hūna nūbawīla, “Bing'we angū mulībona gīkī tūlī mu makoye ahene; ī Yelusalemu īlī mamisaka gike, nī mibita yaho yapemvwa moto, twīzengagi ī ndugu ya Yelusalemu, twīnge ū mu būdalahwa.”

Nehemia 2:3

Hūna nūng'wīla ū ntemi, “Kūlaga ūhangame ntemi! Nakūlekela kī ū kūpīnīhala alīyo ū nzengo go ng'wise ūko balaalile bataale bane gūlī mamisaka gike, nī mibita yago yapemvwa moto!”

Nehemia 7:6

Aba hū bene a banhū abo bakashoka kūfuma sī ya Babuloni, ū ng'wikanza lya kūshoka kwa banhū abo baalī bading'wa būsaamiwa; abo ntemi Nebukadineza wa Babuloni walī wabasaamīja kwenūko. (Aho bashoka bakikala Yelusalemu na Būyudaya, būlī munhū kū nzengo gwa ng'wawe.

Esita 1:1

Ī mihayo īyī īkilonga mu shikū ja ntemi Ahasuelo, ū Ahasuelo ūyo walī asugile mabbaala magalī ga sī igana na makūmi abīlī na mpungatī; kūfuma kū sī ya Bahindi, kūshisha Esiopia.

Zabuli 79:4

Ū kū mahanga ayo tūzenganilwe nago tūlī badalahwa no ī haha, ū kū banhū abo batūpīndije tūlī ba kūgīmvwa nyachilū na kwineenelegejiwa.

Sumo 25:28

Ūmo gūlī nzengo ūyo ndugu jago jikambagūlilwe, h'ūmo alī nū munhū ūyo atī na būdūla bo kwilang'hana wei ng'wenekīlī.

Isaya 43:28

Alilūūlū, nakūbasosohaja a bataale ba ng'wipandī lyako lyeela. Ū Yakobo nakūmfunya abize wa kūyagajiwa, ū Isilaeli akūbiza wa kwibengelejiwa.”

Isaya 5:5

Leki namuwīle lūūlū ī haha ūmo nakūgwītīla ū ngūnda gwane gwa mizabibu. Nakūlyīnja ī lisanzagūtū lyago gūkenaagūlwe; nakwīkambagūla ī ndugu ya kūgūlang'hana gūtobangwe.

Yelemia 24:9

Nakūbīīta babize na saalaala na banhū b'ipelanya ū kū mabūtemi ga mu sī pye a gose; na ba kwibengelejiwa, na kūsondagūlagwa, na kwikala bineenelegejiwa, na kūdūkīlwa būlī kwene ūko nūbaponya.’”

Yelemia 29:18

Nakūbakūūbīlīja bo līlūshū na nzala, na mahūūya; hangī nakūbīīta babize na saalaala ū kū mabūtemi ga mu sī pye a gose, na shikolo sh'izumo n'igekemaja, na sha kūdalahwa na kwibengelejiwa ū mu mahanga a gose ūko nakūbasambaagīja.

Yelemia 39:8

A Bakalidayo būlītwima moto ī likūlū, nī numba ja banhū; nī ndugu ja Yelusalemu būjikambagūla.

Yelemia 42:18

Ū SEEBA wa mabità, ū Mulungu wa Isilaeli alīhaya gīkī, ‘Ūmo būpelanu na būkalī bone būkabidīkīla abo bikalaga mu Yelusalemu, na a bing'we ūlū mulaaje Misili būkūng'wihoolekela gīko ū būpelanu wane. Mukūbiza shikolo sh'izumo, igekemaja, banhū ba kūyilembekejiwa mihayo, na kwibengelejiwa; ī lipandī lyenīlī mutalalībona hangī.’

Yelemia 5:10

Jagi ko mubīte hose hose ū mu migūnda yamo ya mizabibu, muje mukwīsengagūlaga; gwike mutizūmala pye pye pye gete. Na a matambī gakongoolagi, nguno a banhū benaba batī ba ng'wa SEEBA.

Yelemia 52:14

Na hangī a bashilikale ba Bakalidayo abo walī nabo ū ntaale wa balang'hani ba ntemi būjiikīja hasī, pyī ī ndugu ja ngītīli īyo yalī īgūpīndije ū nzengo gwa Yelusalemu.

Ng'hūngū 1:7

Ū mu shikū jakwe ja kūluha na kūyūnga sagala, ū Yelusalemu akūshiizukagwa Ī shikolo sha mpango, īsho shalī shakwe mu shikū ja kale. A banhū bakwe aho badumīlwa na banishi babo, atilongile wa kūngunanha. A banishi bakwe bakūnolaga bansekeela kūlwa nguno ya kūkenaagūlwa kwakwe.

Ng'hūngū 2:9

Ī mibita ya zengo yalibīlile hasī; a mapagīgījo gaho gaabīnzagūkile gūkenaagūka. Ū ntemi waamo na a basugi baamo balī kū mahanga mu būding'wa, Ī shilagīlo shitīho ī haha, na a bahangi baamo batūpandīkaga shakoolechiwa kūfuma kūlī SEEBA.

Ng'hūngū 3:61

Ee SEEBA, ū bebe ūkawigwaga ū būsondagūji wabo; nī yose īyo bakalomanaga kūnīītīla,

Ng'hūngū 5:1

Ee SEEBA, yizūkagwe ī mihayo īyo yatūpandīkile; tūlolage, ūgabone a magooke gise.

Bagabīji 26:31

Ī mizengo ying'we nakūyīta kūbiza ya mapagale, na a mapandī ging'we a meela gabize buyīīkī; nū ng'waso gwa shakwinha shing'we natūgūyegela.

Bagabīji 26:33

Nakūmusalang'hanīja kū mahanga, alīyo nū kwene nakūmukūūbīja na līlūshū lyane mu nkono. Ī sī ying'we īkūbiza buyīīkī, nī mizengo ying'we īkūbiza ya mapagale gike.