Nehemia 1:11 - Bibilia Ilagano Lya Kale 2015

¹¹ Ee SEEBA, nalīlomba ūtege ū gūtū gwako ū kūlī ntūmami wako ūyū, nū kūlomba kwa batūmami bako abo bayejiwe na mhayo gwa kūlīkūja ī lina lyako. Ī lelo yenīyī ng'winhage būpyeni ū ntūmami wako, ūng'wīlūkīle ja kwanukūlwa ū kū būtongi wa munhū ng'wenūyū.” Naalī na nīmo gwa kūntengela ntemi sha kūng'wa shakwe.

Nehemia 1:11 Iomraidhean Croise

wandījo 24:42

Alīyo lūūlū ī lelo aho nashika a ha lwinzī, naalī nahaya gīkī, “Ee SEEBA, Mulungu wa ng'wa Abulahamu baba būgonzo, lwīlūkīlage ū lūgendo ūlo nashimīzaga kwiza kūūnū.

wandījo 32:11

Nalīkūlomba ūnipīje ū mu nkono gwa nkūlū wane ū Esau, nguno naloogoha; akwiza anidumīle anikenaagūle ū nene na a baana, na a baninabo.

wandījo 32:28

Ū munhū ng'wenūyo ūng'wīla, “Ī lina lyako ūtitanwa hangī Yakobo, ūlī Isilaeli; nguno wilwishije na banhū nū Mulungu, ūbiza ntindi.”

wandījo 40:1

Hanuma y'ikanza ū mu shikū jenījo, batūmami ba ntemi wa Misili, ng'winhīlīja wa shakūng'wa na nzugi wa migatī, būnsaayīcha ū saabo būgonzo, ū ntemi wa Misili.

wandījo 40:2

Ū Falao ūbapelanīla no a batūmami bakwe benabo; ū ntaale wa binhīlīja ba shakūng'wa, nū ntaale wa bazugi ba migatī.

wandījo 40:21

Ū ntaale wa binhīlīja ba shakūng'wa ūnshosha a ha nīmo gwakwe, wandya hangī ū kūng'winhīlīja ū Falao ī shikombe.

wandījo 40:23

Gwike ū ntaale wa binhīlīja ba shakūng'wa atang'wizūkilwe ū Yosefu, akang'wība gete.

wandījo 41:9

Ī likanza lyenīlo ū ntaale wa bang'wisha ūng'wīla ū Falao gīkī, “Lelo nawizūkwa ū būhūbi bone.

wandījo 43:14

Ū Mulungu ū wa būdūla bose, ang'winhe kūchīlwa shigongo ū kū būtongi bokwe ū munhū ng'wenūyo; alanzunīlīje nū ng'wana wa ng'wing'we ū ūngī, hamò nū Benjamini, ng'wize nabo kaya. Ī yene ūlū gūlīho gwa kūchīlwa, ū nene ni nachīlagwe dūhū!”

2 Mihayo ya Shikū 6:40

Balekejage a banhū bako abo baakūhūbaga.

Ezila 1:1

Mu ng'waka go ng'wa Koleshi kwandya kūbiza ntemi wa Būajemi, ū mhayo go ng'wa SEEBA gūkashikīlījiwa, ūyo gwalī gwahayiwa na Yelemia. Ū SEEBA wīyīta ī ng'holò ya ng'wa Koleshi, ū ntemi wa Būajemi kūbiza na ng'hūmbū ja kūfunya shilagīlo hose pyī ū mu būsugi bokwe; hūna ūshandīka alīhaya:

Ezila 7:6

Hūna lūūlū ū Ezila ng'wenūyū akīnga koi ī Babuloni. Nīyo ū wei walī nangi, munhū ūyo walī ashimanile ī shilagīlo sha ng'wa Musa īsho SEEBA, Mulungu wa Isilaeli walī washifunya. Ū ntemi akang'winha būlī shikolo īsho akalomba, nguno ū nkono go ng'wa SEEBA Mulungu wakwe gwalī hamò nang'hwe.

Nehemia 1:6

nalīlomba ūtege ū gūtū gwako, na a miso gako ūgaloleche; wigwe ū kūlomba kwa ntūmami wako, ūmo akūkūlombelaga līīmi na būjikū, kūlwa nguno ya batūmami bako, a Baisilaeli. Nalītambūūla ī shibi shise a bise Baisilaeli, īsho twīta tūkūhūba bebe. Ū nene hamò nī kaya ya ng'wa baba tūlī bahūbi ū kūlī bebe.

Nehemia 2:1

Ū mu ng'weji gwa Nisani, ng'waka gwa makūmi abīlī gwa būsugi wa ntemi Atashasta, aho yenhwa divai nīsola nūkantengela ū ntemi. Naalī nataalī kūbi nalī na būpīna ū kū būtongi bokwe nūūlū kamò.

Nehemia 2:8

Napandīke na nyalūba ya kūntwalīla ū Asafu, ū nang'hani w'ipoolu lya ntemi, anizunīlīje kūpandīka mitī kūlwa migamba, ya kūtūūla ha mibita ī ya ha ndugu īyo īpīndīlīgije hekalu, na kūlwa ndugu ya nzengo, na kūbeeja numba īyo nalikale ū nene.” Ū ntemi ūnizunīlīja īyo nakīlomba, nguno ū nkono gwawiza ū go ng'wa Mulungu wane gwalī hamò nane.

Zabuli 106:46

Ūbīīta kūchīlwa shigongo ū kū banhū abo baalī babatūūlile mu būding'wa.

Zabuli 130:2

Ee Seeba, liigwage ī lilaka lyane! A matū gako ni galīdegelekage ī lilaka lya kwikūmbīlīja kwane.

Zabuli 61:5

Ee Mulungu, wakwigwile ū kūlahīla kwane; waninhile wingīji wa banhū abo balyogohile ī lina lyako.

Zabuli 86:6

Ee SEEBA, kūdegelekage ū kūlomba kwane, kwigwage ū kwikūmbīlīja kwane.

Sumo 1:29

Nguno baalī babūkolilwe ū witegeleja, batasolile mhayo gwa kūng'ogoha SEEBA,

Sumo 21:1

Ī ng'holò ya ntemi īlī mu nkono go ng'wa SEEBA gītī myongo ya minzī, akīīlogejaga hose hose ūko ūtogelwa wei ng'wenekīlī.

Yelemia 42:12

Nakūmuchīla shigongo, nū wei nakūng'wīta amuchīle shigongo a bing'we, amushoshe hangī ū mu sī ying'we.’”

Malaki 3:16

Hūna abo balī na loogohano kūlī Seeba būyūhooya bakwisomboolelaga boi kū boi, kūnū ū Seeba akūdegelekaga aligwa. Shitabo sha kwizūkīja shandīkwa ū Seeba alīlola, kūlwa banhū abo bang'ogohile we na kūlīkūja lina lyakwe.

Bahebrania 13:18

Na a bise ng'ūtūlombela, tūmanile hape gīkī tūlī na wiyangūji wawiza ū mu myoyo yise, nīyo ī ng'hūmbū jise jilī gīkī tūshimīze kashimīzīle kawiza mu yose.