Nehemia 1:10 - Bibilia Ilagano Lya Kale 2015

¹⁰ Alilūūlū, a benaba balī batūmami bako, na banhū bako gete; abo ūkabakomoola mu nguzu jako na būdūla wako būtaale, na nkono gwako gwa būdūla.

Nehemia 1:10 Iomraidhean Croise

Zabuli 136:12

Akabafunya mo na nkono gwa būdūla, ī Kīgongo chakwe shilī sha welelo na welelo.

Zabuli 74:2

Lizūkagwe ī libità lya banhū bako Īlo walīgūla kūfuma kale, a banhū bako abo ūkabakomoola gīkī būbize wingīji wako; lwizūkagwe ū Lūgūlū lwa Sayuni, ūlo lūlī wikalo wako.

Zabuli 89:14

Būtūngīlīja na kalamulīle ka ng'hana hū shilī nsingi gw'isumbī lyako lya būtemi. Ū būtogwa nū būsanyiwa, ū bebe ūshitūūlile kū būtongi.

Kūfuma 13:14

Ū kū shikū ja kū būtongi, ū ng'witūnja wako ūlū ūkūbūūja gīkī, “Ū mhayo gwenūyū gūlī na makūlū kī?” Ng'wīlage, “Ū SEEBA akatwīnja mu sī ya Misili na nkono gwa būdūla, ūtūfunya mu sī ya būsese.

Kūfuma 13:16

Ū mhayo gwenūyū gūkūbiza gītī lūmeng'ho ha nkono gwako, nūūlū shimanīkījo kū būshū wako, gīkī ū SEEBA akatwīnja ū mu sī ya Misili na nkono gwakwe gwa būdūla.

Kūfuma 13:3

Hūna ū Musa ūbawīla a banhū, “Lwizūkagwi ū lūshikū lwenūlū, ū lūshikū lwa kwīnga kwing'we mu sī ya Misili, ī sī ya būsese. Ū lwenūlo lūlī lūshikū lwa ng'wa SEEBA kūmufunya ū mu sī yenīyo na nkono gwa būdūla būtaale; na lūūlū yaya kūlya shose shose īsho shilī na shibimbya.

Kūfuma 13:9

Ū mhayo gwenūyū ū kūlī bebe gūbize gītī lūmeng'ho ha nkono, nūūlū shiizūkījo kū būshū wako, gīkī ī shilagīlo sha ng'wa SEEBA īkwigeleelilwe wikale ūkūshitūmamīlaga gwa, ū mu kalūngalūngīle kako. Nguno ū SEEBA wakwīngije ū mu Misili na nkono gwakwe gwa būdūla.

Kūfuma 15:13

A banhū bako abo wabakomoolile, wabatongeelile kūlwa shigongo shako shitaale. Ūkūbashisha ū kū wikalo wako wela, kūlwa būdūla wako.

Kūfuma 32:11

Alīyo ū Musa ūng'wikūmbīlīja ū SEEBA Mulungu wakwe; ūhaya, “SEEBA, nibūlī ū būpelanu wako būbapembekele a banhū bako abo wabīngije Misili na būdūla būtaale na nkono gwa nguzu gīko?

Kūfuma 6:1

Nang'hwe ū SEEBA ūnshokeja ū Musa, “Alilūūlū ī haha ūkūbona ūmo nalang'wītīle ū Falao; akūbalekela baje kūlwa nguno ya būdūla wa nkono gwane; nīyo akūbapeeja ū mu sī yakwe kūlwa nguno ya būdūla wa nkono gwane.”

Kūfuma 6:6

Hūna lūūlū bawīlage a Baisilaeli gīkī, ‘Ū nene nalī SEEBA; managi gīkī nakūng'wīnja ū mu būdito bo miligo ya Bamisili, nang'wīnje ū mu būsese wa kūbatūmamīla boi. Nakūgūgoloola ū nkono gwane kūlwa kūmukomoola, nīīte shītīle shitaale sha kūbagwisīja nsango.

Kūfuma 6:7

Nakūmusola nang'wīte mubize banhū bane, nū nene nabize Mulungu wing'we. A henaho hū mukūdeeba gīkī ū nene nalī SEEBA Mulungu wing'we; ūyo alīng'wīnja mu būsese wa kūbatūmamīla Bamisili.

Isaya 64:9

Ee SEEBA, lekaga ū kūtūpelanīla ūkīlanīje na kūkīlanīja, yaya ū kwikala ūshiizūkilwe ī shibi shise shikū ja welelo bose. Tūlolage tūlīkūlomba, nguno a bise bose tūlī banhū bako.

Kūshokeela 15:15

Shikwigelile kwizūkwa gīkī, ū bebe walī nsese mu sī ya Misili; alīyo ū SEEBA Mulungu wako ūūkūkomoola, h'ī nguno yene ī lelo nalīkwinha ī shilagīlo shenīshi.

Kūshokeela 9:29

Alīyo a boi balī banhū bako gete, banhū ba wingīji wako, abo bebe ng'wenekīlī ūkagoloola nkono gwako gwa būdūla ūbafunya ū mu sī ya Misili.”