Nehemia 1:1 - Bibilia Ilagano Lya Kale 2015

¹ Īyī yene mihayo ya ng'wa Nehemia ng'witūnja o ng'wa Hakalia: Mu ng'weji gwa Kisileu, ng'waka gwa makūmi abīlī, naalī mu nzengo gwa Susa,

Nehemia 1:1 Iomraidhean Croise

Ezila 10:9

Na ng'hana pye a bagosha ba mu Būyudaya nī Benjamini bibilinga ī Yelusalemu aho jitaalī ū kūshila ī shikū īj'idatū. Lwalī lūshikū lwa makūmi abīlī ng'weji gwa kenda; a ha būtongi bo numba ya ng'wa Mulungu lyalīho ibbaala igalī, pye a banhū bigasha henaho hasī, bakūdetemaga kūlwa nguno yago ū mhayo gwenūyo, na kūlwa nguno yatūlaga mbula nhaale.

Ezila 7:7

Ū mu ng'waka gwa mpungatī gwa ntemi Atashasta, bamò ba Baisilaeli bakaja ī Yelusalemu, na bagabīji balebe, na Balawī, na bīmbi, na balang'hani ba hamilyango, na batūmami ba mu hekalu.

Nehemia 10:1

Abo bakatūūla ī meng'ho jabo baalī aba, Nehemia, ūyo walī nsugi; ng'witūnja o ng'wa Hakalia, na Zedekia,

Nehemia 2:1

Ū mu ng'weji gwa Nisani, ng'waka gwa makūmi abīlī gwa būsugi wa ntemi Atashasta, aho yenhwa divai nīsola nūkantengela ū ntemi. Naalī nataalī kūbi nalī na būpīna ū kū būtongi bokwe nūūlū kamò.

Nehemia 5:14

Na hangī a higūlya ya henaho, kūfuma aho nasolwa kūbiza nsugi ū mu sī ya Būyudaya, ū mu ng'waka gwa makūmi abīlī gwa ntemi Atashasta, kūshisha ng'waka gwa makūmi adatū n'ībīlī, hū kūhaya myaka ikūmi n'ībīlī, ī shilīwa īsho shalī shihelilwe kūlwa kaya ya nsugi natashilile ū nene ng'wenekīlī, nūūlū a badūgū bane.

Esita 1:2

Ū mu shikū jenījo ū ntemi Ahasuelo aho alī nsugi, ī lisumbī lyakwe lya buūtemi lyalī mu nzengo gwa Susa.

Esita 3:15

A banhū abo bakatūng'wa būja wangū, nguno shalī shilagīlo sha ntemi; nū mu nzengo ntaale ū gwa Susa shūfunyiwa ī shilagīlo shenīsho. Hūna ū ntemi nū Hamani bigasha kūng'wa, alīyo a banhū a bangī ū mu nzengo būzwangana no.

Danyeli 8:2

Ū mu shakoolechiwa shane nakibona nalī mu ng'hambī ya kūpīlīla, ya mu nzengo gwa Susa mu sī ya Elamu. Ū mu shakoolechiwa naalī kū mongo gwa Ulai.

Zakalia 7:1

Mu ng'waka gwa kanè gwa būsugi wa Ntemi Dalio, mhayo go ng'wa SEEBA gūkang'wizīīla ū Zakalia, lwalī lūshikū lwa kanè ng'weji gwa kenda, ūyo gūkitanagwa gwa Kisileu.