Mika 4:3 - Bibilia Ilagano Lya Kale 2015

³ Mahanga mingī akūgalamula, na kūyangūla wilemeelwa wa mahanga ga nguzu hose pyī ūko galī. Ī shū jabo bakūjisula jibize magembe na a machimu gabo gabize mihoolo. Lītūbiza ho ihanga lya kūbūūcha shilanga kūjūdumīla ihanga līngī, bakooya kwilanga mihayo ya būlūgū.

Mika 4:3 Iomraidhean Croise

Isaya 2:4

Wei ng'wenekīlī akūgalamula a mahanga na akūbahūgūla banhū bingī mu wilemeelwa wabo; Ī shū jabo ja būlūgū bakūjipondagūla basule magembe, na a machimu gabo bagasule mihoolo. Lītūbizaho ihanga lya kūbūūcha shilanga kūlwa kwilwisha būlūgū n'ihanga līngī; na batilanga mihayo ya būlūgū hangī.

Hosea 2:18

Ū mu lūshikū lwenūlo nakūtūūla ilagane a ha gatī yabo nī ndimu ja kū masaka, hamò nī noni ja kūlala, nī shiinū ja kwigwesa hasī. Ū būta, līlūshū, nū būlūgū nakūshīnja ū mu sī, bayūlaala mu mhola.

Shītwa 17:31

Nguno lūlīho lūshikū alūtūūlile, lo kūbalamula pye a banhū mu būtūngīlīja, mu nzīla ya ng'wa Munhū ūyo ansolile we. Ū Mulungu akanjūūcha ū Munhū ng'wenūyo kūfuma mu bafu, ūboolekeja hape pye a banhū gīkī akūgūshikīlīja ū mhayo gwenūyo.”

Isaya 65:25

Ī mhūge nū ng'wana wa ng'holo shikūyūdīīma hamò, ī shimba nayo īkūlya maswa gītī nzīkū ya ng'ombe; ī nzoka ī yene ī shilīwa shayo lūkūbiza lūbuubu. Shitigela shose shose sha kūgulaja nūūlū kūkenaagūla ū mu lūgūlū lwane lwela pyī ū lose, alīhaya SEEBA.

Zabuli 98:9

ū kū būtongi bo ng'wa SEEBA; nguno izile kwīlamula ī sī. Ī sī akwīlamula mu būtūngīlīja, na a banhū mu ng'hana.

Zabuli 96:13

ū kū būtongi bo ng'wa SEEBA, nguno izile. Ee, izile kwīlamula ī sī. Akwīlamula ī sī mu būtūngīlīja, na a banhū mu ng'hana yakwe.

Kukundulwa 19:11

Aho nataalī nalolile kwimanīla nabona haalugūka hangī ū ng'wigūlū, na falasa yape yīmīīlaga, ūyo walī ayīdamhīlile akitanagwa Nsanyiwa, nīyo h'ūyo alī Ng'hana yenekīlī; ūyo kalamulīle na kalwīle kakwe mu būlūgū kalī ka būtūngīlīja.

Zakalia 14:3

Gwike ū SEEBA akūgaseesela a mahanga genayo alwe nago, gītī akūlwaga mu lūshikū lwa būlūgū.

Zakalia 9:10

A magogoteni ga būlūgū nakūgīnja ī Efulaimu, nī falasa ja būlūgū jikwīnga Ī Yelusalemu, nū būta wa būlūgū būkūbīnzagūlwa. Ū ng'wenūyo akūkumūcha mhola kū mahanga. Ū būsugi bokwe būkūbiza bo kūfuma nyanza īyī kūja kū nyanza yīngī, na kwandīja kū Līmongo kūja kū būkalīkījo bo sī.

Mika 5:15

A mahanga ayo galemile kūniigwa nakūgamalīla shiilī mu būpelanu na būdaki.”

Yoeli 3:2

nakūgabilinga pye a mahanga nagatwale kū mbūga ya ng'wa Yehoshafati, nakūjūgalamulīla kwenūko kūlwa nguno ya Baisilaeli, nguno ya banhū ba wingīji bone; banhū bane abo baalī babasambaagīja kū mahanga, nī sī yane bīgabanha.

Danyeli 2:44

“Ū mu shikū ja batemi benabo, ū Mulungu wa ng'wigūlū akūtūūla ho būtemi ūbo būtūkenaagūlwa, na būtūlekelwa banhū bangī. Būkūgatobagūla pye a mabūsugi a gangī na kūgamala gete; alīyo ū boi būkūshinga ho welelo na welelo.

Isaya 60:12

Nguno ūlū ihanga nūūlū būtemi būlema kūkūtūmamīla ū bebe, būkūkenaagūlwa būshile ho gete.

Isaya 51:5

Ū būtūngīlīja wane būliza wangū, wegeelaga, ū būpīji wane būlī mu nzīla. Ū nkono gwane gūkūgasuga a mahanga. A majinga gakūniisagīlwa nene, ū nkono gwane gakūgūlindīīla mu kwisagīlwa.

Isaya 25:3

Kūlwa mhayo gwenīyo banhū ba nguzu bakūkūkūja, mizengo ya mahanga ga banhū biboneeji īkūkogoha ū bebe.

Isaya 9:7

Ū kūkūla kwa būsugi bokwe nī mhola shitūbiza na ngelelo. Akwigasha h'isumbī lya būtemi lya ng'wa Daūdi, abize nsugi wa būtemi wakwe. Akūbūguzuhya na kūbūhandīkīīja mu būlekanya bo wīmà na būtūngīlīja, kūfuma ikanza lyenīlo na kūshisha welelo na walelo. Ū wilu bo ng'wa SEEBA wa mabità būkūgwīta ū mhayo gwenūyū.

Zabuli 82:8

Būūkaga lūūlū, Ee Mulungu, Īlamulage ī sī; nguno pye a mahanga galī wingīji wako.

Zabuli 72:7

Ū mu shikū jakwe bakūfuluma a batūngīlīja; Īkūbiza ho mhola ningī, shikū jose ilalī.

Zabuli 46:9

Akahuumūjaga būlūgu hose pye kūshisha kū ngelelo ya sī; ū būta akabūbīnzagūlaga na a machimu wagabutagūla, na magogoteni akagapembaga moto.

1 Sang'weli 2:10

na a bilwisha ba ng'wa SEEBA bakūpaanagūka paza paza. Akūbapalalūkīla kūfuma ng'wigūlū; alichene, ū SEEBA akwīlamula ī sī yose. Akūnguzuhya ū ntemi wakwe, nī nguzu ja ng'witīīlwa maguta wakwe akūjigūngūhya.

Zabuli 72:3

Ī ngūlū jibinhe būsabi a banhū, wigele būtūngīlīja ū mu matūmbī.

Zakalia 8:20

Gūūyū mhayo alīgūhaya ū SEEBA wa Būdūla bose: Banhū bingī na bikaji ba kū mizengo mitaale bakwiza,

Zabuli 46:10

“Lembeelagi hūna mukwitegeleja gīkī ū nene nalī Mulungu, nakūgūngūhiwa ū mu mahanga, nakūgūngūhiwa ū mu sī.”

Hosea 2:20

Nakūkūlanja mu kūsanya, nang'ho ūkūndeeba ū SEEBA.