Danyeli 5:4 - Bibilia Ilagano Lya Kale 2015

⁴ Aho bakūng'waga būyūbakumīlīja bamulungu ba zahabu, ba feza, ba shaba, na ba chūma, na ba mantī na ba mawe.

Danyeli 5:4 Iomraidhean Croise

Danyeli 5:23

A ha ng'wanya gwaho ū bebe witūūlaga higūlya ya ng'wa Seeba wa ng'wigūlū, ūlagījaga wenhelwa ī shikombe sha zahabu sha kūfuma mu hekalu yakwe. Hūna ū bebe ng'wenūyū na a banikūlū bako na a bake bako, na a bakīma bako a bangī ng'wūshing'wela divai, kūnū mukūkumīlījaga bamulungu ba zahabu na ba feza, ba shaba, na ba chūma, na ba mantī na ba mawe; abo batī na būdūla wa kūbona nūūlū kwigwa, nūūlū kwitegeleja. Alīyo ū Mulungu mutankūgije, ūyo abūdimīīlile mu nkono gwakwe ū būpanga wako nī nzīla jako pyī ī jose.

Habakuki 2:19

Alī mu kwihīga ūyo akūwīlaga līntī gīkī, ‘Mishaga!’ Nūūlū iwe gīkī, ‘Būūkaga!’ Angū līdūgije kūntonga munhū? Na ng'hana ī chene lītūūlīlilwe zahabu na feza; gwike lītī na būpanga ū mulyo!

Shītwa 17:29

Nose īkī tūlī shiseeng'wa sha ng'wa Mulungu, tūtiziganika gīkī ū Mulungu ashikile kwikolanījiwa na shikolo gītī zahabu nūūlū feza, nūūlū mawe ga mpango ntaale ayo gakabeejiagwa na būgaliili bo banhū.

Isaya 42:8

Ū nene nalī SEEBA, h'ī lina lyane ī lyenīlo! Ī likūjo lyane natūng'winha ūngī; nūūlū ū kūkumīlījiwa kwane natūgalekela mashiikolile.

Danyeli 4:37

Hūna lūūlū ū nene Nebukadineza, nalīnkūmīlīja na kūngūngūhya, na kūng'winha ikūjo ū Ntemi wa ng'wigūlū, nguno būlī shene īsho akīītaga shitūngīlīgije, nī nzīla jakwe pyī ī jose jigoloolile. Abo bakashimīzaga mu wikumīlīja adūgije ū kūbadooheleja.

Isaya 42:17

Alīyo bakūshoshiwa kū numa hangī bakūgooka no, abo kwisagīlwa kwabo kūlī ha shiikolile sha kūlamiwa; abo bakashiwīlaga gīkī, “A bing'we mulī bamulungu bise!”

Danyeli 1:8

Alīyo ū Danyeli wilemeja ū kwisosohaja kūlwa shilīwa na divai ya ng'wikūlū; ūnomba ū ntaale wa ng'wikūlū anzunīlīje atizisosohaja mu nzīla yenīyo.

Danyeli 5:3

Na ng'hana shenhwa ī shikombe sha zahabu īsho shaalī shinjiwa Yelusalemu mu hekalu ya ng'wa Mulungu, hūna ū ntemi na a banikūlū bakwe na a bake bakwe, na a bakīma bakwe a bangī bandya kūshing'wela.

Danyeli 5:5

Kwimanīla jiilonga nzwala ja nkono gwa munhū gūkwandīkaga ha būteleleje bo ndugu hihī nikīndīkīlo lya tala, ū mu numba ya h'ikūlū. Ū Ntemi ūgūkalalīla ū nkono aho gūkwandīkaga.

Amosi 6:7

Hūna lūūlū a bing'we mukūbiza ba kwandya ū mu bading'wa abo bakūtwalwa mu būsaamiwa; Ī mihayo ying'we ya kwigasha mukūlyaga shigukulu īkūshila.

1 Batemi 1:49

A bageni ba ng'wa Adonia aho bīyiigwa ī yenīyī būjūdūka, būsambaala bigwaga ū kogoha; būlī ng'wene wīnga ho waja ūko alaaje!