Danyeli 5:2 - Bibilia Ilagano Lya Kale 2015

² Ū Belishaza aho akūng'waga ī divai yakwe, akīīta ūlagīja gīkī shenhwe ī shikombe sha zahabu nī sha feza, īsho ise Nebukadineza walī washīnja mu hekalu ya Yelusalemu, gīkī ū ntemi na a banikūlū bakwe na a bake bakwe, na a bakīma bakwe a bangī bize bashing'wele.

Danyeli 5:2 Iomraidhean Croise

Danyeli 1:2

Ū Seeba ūntūūla ū Yehoyakimu ū ntemi wa Yuda mu makono gakwe, hamò na shiseme shimò na shimò sha mu hekalu ya ng'wa Mulungu. Akashibūūcha ūshijana Babuloni mu hekalu ya ng'wa mulungu wakwe, ūūkashitūūla mu chumba sha ng'wa mulungu wakwe sha kūbīkīla sabo.

2 Batemi 24:13

Ū Nebukadineza ūjīnja ng'hana pyī ī sabo ījo jalī ū mu hekalu ya ng'wa SEEBA, nī jijo jalī ū mu numba y'ikūlū; nī shikolo sha zahabu ī shose īsho Solomoni ntemi wa Isilaeli walī washibeeja kūlwa nguno ya hekalu ya ng'wa SEEBA; gūshikīīla ūyo walī wagūhaya ū SEEBA.

Danyeli 5:23

A ha ng'wanya gwaho ū bebe witūūlaga higūlya ya ng'wa Seeba wa ng'wigūlū, ūlagījaga wenhelwa ī shikombe sha zahabu sha kūfuma mu hekalu yakwe. Hūna ū bebe ng'wenūyū na a banikūlū bako na a bake bako, na a bakīma bako a bangī ng'wūshing'wela divai, kūnū mukūkumīlījaga bamulungu ba zahabu na ba feza, ba shaba, na ba chūma, na ba mantī na ba mawe; abo batī na būdūla wa kūbona nūūlū kwigwa, nūūlū kwitegeleja. Alīyo ū Mulungu mutankūgije, ūyo abūdimīīlile mu nkono gwakwe ū būpanga wako nī nzīla jako pyī ī jose.

2 Batemi 25:15

Ū ntaale wa balang'hani ba ntemi akajisola nī nzweso ja kūzuukīlīgīja būbbani, na a mabbakuli ga kūseeseebelela; pyī ī shiseme īsho shalī sha zahabu na sha feza ūshijana.

Danyeli 5:18

Baba ntemi, ū Mulungu wa Higūlya no walī wang'winha ū so ū Nebukadineza, būsugi na būtaale n'ikūjo, na lūkumo lwawiza.

Danyeli 5:13

Na ng'hana ū Danyeli wenhwa ū kūlī ntemi, ū ntemi ūmūja, “Ū bebe h'ūlī Danyeli, ūmò wa basaamiwa abo ntemi ū baba wabenha kūfuma sī ya Yuda?

Danyeli 5:11

Ū mu būsugi wako ng'wenūmu alīho munhū alī na moyo gwa bamulungu beela ū mulī we. Ū mu shikū ja ng'wa so waalī na būdūla bo kūbona ya kūle, witegeleja na masala gītī ga bamulungu. Ū Ntemi Nebukadineza ū so, baba ntemi, nalīng'haya ū so; walī wansola kūbiza ntaale wa bafumu na nchūja, pye na a baloji ba sonda na a baboni.

Danyeli 5:4

Aho bakūng'waga būyūbakumīlīja bamulungu ba zahabu, ba feza, ba shaba, na ba chūma, na ba mantī na ba mawe.

Yelemia 52:19

Ū ntaale wa balang'hani ba ntemi akasola na masahani, nzweso ja kūzuukīlīgīja būbbani, mabbakuli ga kūseeseebelela, mafulīla, makīndīkīlo ga talà, nzweso, na a mabbakuli a gangī; pyī ī shiseme īsho shaalī sha zahabu na feza ūshijana.

Yelemia 27:7

Mahanga gose gakūntūmamīla, ū wei ng'wenekīlī, ng'witūnja wakwe, nū ng'wizūkūlū wakwe; kūshisha lūshike nang'hwe ū lūdīīma lwa sī yakwe, hūna mahanga mingī na batemi bataale bakūng'heeba abize nsese wabo.’

2 Mihayo ya Shikū 36:18

Ī shiseme sha mu hekalu ya ng'wa Mulungu ūshibūūcha pyī ūja nasho Babuloni; ī shose shitaale na shido, pyī nī sabo ījo jalī mu hekalu ya ng'wa SEEBA, nī ja ntemi, nī ja batūmami bakwe.

2 Mihayo ya Shikū 36:10

Aho gwajīlīīla kūshila ū ng'waka, ū ntemi Nebukadineza ūnagīja ū Yehoachini kūja Babuloni, ūja hamò na shiseme shimò na shimò sha mpango ntaale ī sha kafuma mu hekalu ya ng'wa SEEBA. Hanuma ūnsola ise ndo o ng'wa Yehoyachini, lina lyakwe Zedekia, ūntūūla kūbiza ntemi wa Yuda na Yelusalemu.

2 Mihayo ya Shikū 15:16

Ū Asa ūng'wīngīja ī likūjo nū mamaye ū Maaka, īlo lyang'winhaga lūgiili giili, īkī gīkī ngole shibyala batemi, nguno walī wabeeja ikīngī lya malofu lya ng'wa Ashela. Ūlībbutagūla ī likīngī lyenīlo ū Asa, ūūkalīponya kū longa lwa Kiduloni ūlīpemba moto.

2 Mihayo ya Shikū 11:20

Hanuma ūntoola na Maaka nshīke o ng'wa Abusalomu; ū ng'wene ūmyalīla ba Abiya, Atai, Ziza, na Shelomitī.

2 Sang'weli 9:7

Ū Daūdi ūng'wīla, “Lekaga ū kogoha, nakūkwītīla yawiza kūlwa nguno ya ng'wa so ū Yonasani. Pye a malaale ayo gaalī ga ng'wa gūkūyo Saulo nakūkūshokeja, hama ū bebe ūkūyūlīīla ha meeza yane būlī lūshikū.”

Kūbala 7:79

Ī shakwinha shakwe shalī sahani īmò ya feza ya būdito bo shekeeli igana na makūmi adatū, ibbakuli līmò lya feza lya būdito wa shekeeli makūmi mpungatī. Ū mpango gwa shekeeli jenījo gwalī gūlenganīlile na mpango gwa shekeeli ya ng'wipandī lyeela. Ī shiseme ī shose shaalī shokalile būsu būnogu, būsangije maguta, kūlwa shakwinha sha būsu.

Ezila 5:14

Nī shiseme sha zahabu nī sha feza, ī sha mu hekalu ya ng'wa Mulungu, īsho walī washīnja Nebukadineza kūfuma ū mu hekalu īyo yalī Yelusalemu, ūshisaamīja mu hekalu ya Babuloni, ī shiseme shenīsho ū ntemi Koleshi akashīnja ū mu hekalu ya Babuloni, winhwa munhū ūmò, lina lyakwe Sheshibazali, ūyo walī wang'wīta kūbiza nsugi.

Yelemia 50:35

A Bakalidayo līkūbikīīla līlūshū!” Alīhaya SEEBA; Līlībasanga a bikaji ba Babuloni, na a basugi baamo, na a bamasala ba ng'wenūmo!

Danyeli 5:3

Na ng'hana shenhwa ī shikombe sha zahabu īsho shaalī shinjiwa Yelusalemu mu hekalu ya ng'wa Mulungu, hūna ū ntemi na a banikūlū bakwe na a bake bakwe, na a bakīma bakwe a bangī bandya kūshing'wela.

Danyeli 5:30

Ū mu būjikū wa lūshikū lwenūlo ū Belishaza, ntemi wa Bakalidayo ūbūlagwa,