Balamuji 8:5 - Bibilia Ilagano Lya Kale 2015

⁵ Hūna ū wei ūbawīla banhū ba Sukoti gīkī, “Binhagi shilīwa a banhū bane benaba, nguno bayembaga no; alīyo nataalī nūbakūūbīja batemi ba Bamidiani, a ba Zeba nū Zalimuna.”

Balamuji 8:5 Iomraidhean Croise

wandījo 33:17

Ū Yakobo ū ng'wene ūbūūcha lūgendo lwa kūja Sukoti; aho washika ko ūtūūla ng'hambī, ūbeeja maheema kūlwakwe, na ngūtū ja kūlaala mitugo. H'ī nguno yene ī lipandī lyenīlo līkitanagwa Sukoti.

Zabuli 60:6

Ū Mulungu akayomba kūfuma ng'wipandī lyakwe lyeela, “Ī Shekemu nakwīgabanhya nayegile; nī mbūga ya Sukoti nakwīmeganhya.

1 Sang'weli 25:18

Hūna ū Abigaili wīta maakalakanja; ūsola migatī magana abīlī, na shisaabo shibīlī sha divai, na ng'holo itanò jisīnzilwe jūūbaagwa hūna jūūbeeja beejiwa chiza, n'idebbe līmò na nusu lya matwajo gūūmīchiwe, migatī igana ya mizabibu yūūmīchiwe, na migatī magana abīlī ya tini jūūmīchiwe; ī shose shenīshi ūshibūūcha na nzobe.

Kūshokeela 23:4

Nguno aho ng'walī mu lūgendo kūfuma kū sī ya Misili batamusūng'wanhile na kūng'winha minzī; ha ng'wanya gwaho bakang'honga hela Balaamu ng'witūnja o ng'wa Beoli muna Petooli ya Alamu-nahalaimu, gīkī amuzume.

wandījo 14:18

Melikizedeki, ntemi wa Salemu, nang'hwe wiza, ū ng'wene wenha migatī na divai. Ū wei walī ngabīji wa ng'wa Mulungu ūyo alī Higūlya no.

Balamuji 8:10

A ba Zeba nū Zalimuna baalī mu Kalikooli, pye na a mabità gabo ga bashilikale abo baalī baasaagīīla mu banhū abo baalī baafuma kīya; banhū ba kūshika shihūmbī ikūmi na shitaano. Abo baalī baashila kūcha bene baalī banhū shihūmbī igana na makūmi abīlī; bose benabo baalī bamanile kūlwa wa shū.

Balamuji 8:12

Alīyo a batemi ba Bamidiani a babīlī, a ba Zeba nū Zalimuna būpeela; gwike akabakūūbīja ūbapandīka ūbadima. Ī libità lyabo ī lyose lyūhaahūka lyūsambaala.

Balamuji 8:15

Hūna ū Gidioni aho washikīīla ī Sukoti ūbawīla a banhū gīkī, “A ba Zeba nū Zalimuna baaba aha, abo ng'walūnidalahaga lūshikū lweene mukūhahayaga, ‘Tūbinhe migatī ya kī a bashilikale bako abo baaseedeekaga benaba, gītī ninga wamalaga kūbadima a ba Zeba nū Zalimuna?’”

Balamuji 5:23

Ū Malaika o ng'wa SEEBA ūhaya, ‘Īzumagi ī Meloza; bazumagi izumo lyabūbi a banhū baamo, nguno batiizile kūnwīīlīīla ū SEEBA, kūnwīīlīīla ū SEEBA kū banhū ba nguzu.’