Biblia Todo Logo
Bìoball air-loidhne

- Sanasan -




Balamuji 8:3 - Bibilia Ilagano Lya Kale 2015

3 Ū Mulungu wabatūūlile mu makono ging'we a batongeeji ba Bamidiani, a ba Olebu nū Zeebu. Mmho lūūlū ū nene nīītile mhayo kī ū ntaale ūyo gūshikile kūlenganījiwa nī yīyo ng'wīyītile a bing'we?” Aho wahaya ī yenīyo wiika ū būpelanu wabo, ūbo waalī wabenheleja bankolwe.

Faic an caibideil Dèan lethbhreac




Balamuji 8:3
15 Iomraidhean Croise  

Ī lishosho ilyehu līkahangījaga būdaki, alīyo ū mhayo nkalahu gūkasooselaga būpelanu.


Yaya ū kwīta mhayo mu kūkooba ikūjo nūūlū mu wikumīlīja, alīyo mubize bidohya, būlī ng'wene ibone gīkī alī ha sīlīlī ya biye.


Nguno tūlī na shakwinhwa sha wikīla kīle, būlī ng'wene na kwīlūkīlwa kwakwe; ū wa būhangi ni ahangage gīt'ūmo kūzunya kwakwe kūlī.


Nguno ū nene ninhwa būdūla kūlwa kūchīlwa shigongo; na lūūlū nalīng'hūgūla būlī ūmò wing'we gīkī, yaya ū kūbiza na maganiko ga kwigūngūhya kūtinda ūmo īng'wigeleelilwe kwiyiganikīla, alīyo ng'wiganika mu widohya, gīt'ūmo Mulungu angelekelile kūzunya būlī ng'wene.


Nguno ū mu gīko gūkubiza gūlī gwa ng'hana ū mhayo ūyo gūhayile gīkī, ‘Ū mībi ūngī, nū ngesi ūngī.’


Ū ntemi akikūmbīlījiagwa mu wiyūmīlīja nose wazunya; nū lūlīmi ū lūlyehu lūshikile kūbīnza iguha.


Ū mhayo ūlū gūhayiwa ng'wikanza lyawiza, gūbange gītī tūgili twa zahabu kūsanjiwa mu būlenji būsoga bo feza.


Ū munhū ng'wiyūmīlīja wawiza kūtinda ngosha wa makaya, nū yūyo adūgije kūbūhangīja būpelanu bokwe, antindile ūyo alī na būdūla bo kūheeba nūūlū nzengo ngima.


Ee SEEBA, ītī kūlwa nguno yise, yaya ītī kūlwa nguno yise; alīyo ī likūjo lībize ho nguno ya lina lyako; kūlwa nguno ya būtogwa wako na būsanyiwa wako.


Ī sī batīdimile kūlwa shilanga shabo; nūūlū nkono gwabo gūtabinhile būtindi. Gwalī nkono gwako gwa būlyo, nkono gwako bebe ng'wenekīlī, n'isana lya būshū wako, īkī walī ūbayegelile.


Nang'hwe ūbashokeja alīhaya, “Ū nene naabeegije mhayo kī ū ntaale kūtinda īyo ng'wayītile a bing'we? Angū, a kapūmbīīlīle ka mizabibu a ka banhū ba lūganda lwa ng'wa Efulaimu katī na mpango ntaale kūtinda na a kahūlūlīle ka mizabibu a ka Baabiezeeli?


Ū Gidioni na a banhū bakwe abo magana adatū baalī baanoga no, alīyo baalī bataalī dūhū būbakūūbīja a banishi; būshika a ha mongo gwa Yolodani būgūkīla.


Lean sinn:

Sanasan


Sanasan