Balamuji 8:10 - Bibilia Ilagano Lya Kale 2015

¹⁰ A ba Zeba nū Zalimuna baalī mu Kalikooli, pye na a mabità gabo ga bashilikale abo baalī baasaagīīla mu banhū abo baalī baafuma kīya; banhū ba kūshika shihūmbī ikūmi na shitaano. Abo baalī baashila kūcha bene baalī banhū shihūmbī igana na makūmi abīlī; bose benabo baalī bamanile kūlwa wa shū.

Balamuji 8:10 Iomraidhean Croise

Balamuji 7:12

A Bamidiani na a Baamaleki, hamò na a banhū bangī a ba kūfuma kīya, baalī biyiita ū mu ntubīlo gwenūyo; bingī no gītī njige. Ī ngamīla jabo jalī ningī no gītī maseni ga ha ng'walo gwa nyanza; yaalī shilambu ū kūjibala.

2 Batemi 3:26

Ū ntemi wa Moabu aho wabona gīkī ū būlūgū wandidohela, ūsola banhū magana mpungatī bamani ba kūlwīla shū, gīkī alītwinye ī libità lya bashilikale, aje akibone nū ntemi wa Edomu; alīyo ūlemeelwa.

Balamuji 20:46

Na lūūlū ū lūshikū lwenūlo būbiza baashila banhū shihūmbī makūmi abīlī na shitaano ū mu lūganda lwa ng'wa Benjamini; a bose bamani ba mihayo ya būlūgū.

Balamuji 20:35

Ū SEEBA ūbapyena a banhū ba lūganda lwa ng'wa Benjamini ū kū būtongi wa Baisilaeli; ū lūshikū lwenūlo a Baisilaeli būbūlaga banhū shihūmbī makūmi abīlī na shitaano na igana līmò, ū kūfuma ū mu banhū ba lūganda lwa Benjamini; bose baalī banhū ba kūlwīīla shū.

Balamuji 20:25

Ū lūkangala lwenūlū a banhū ba lūganda lwa ng'wa Benjamini aho baafuma ū mu Gibea gīkī bilwishe nabo, būbabūlaga Baisilaeli shihūmbī ikūmi na shinaane, bose bamani baakūlwīīla shū.

Balamuji 20:17

A Baisilaeli abo bakikuminga, kūleka kūbabala a ba lūganda lwa Benjamini, baalī bagosha shihūmbī magana anè, pye banhū ba būlūgū, bamani ba kūlwīīla shū.

Balamuji 20:15

A banhū ba lūganda lwa ng'wa Benjamini bitana bashilikale kūfuma ū mu mizengo yabo, ū lūshikū lwenūlo bigela shihūmbī makūmi abīlī na shitandatū; bamani ba kūlwīīla shū, kūleka kūbabala abo magana mpungatī a ba mu nzengo gwa Gibea.

Balamuji 20:2

A batongeeji ba ng'anda ja Baisilaeli ī jose būlī ng'wene wīmīīla hipandī lyakwe ū mu kwibilinga kwa banhū ba ng'wa Mulungu; baalī bashilikale shihūmbī magana anè na makūmi ataano, baakoolī ba kūlwīīla shū.

Isaya 37:36

Hūna malaika o ng'wa SEEBA wingīla ū mu ng'hambī ya Baashulu ūbūlaga banhū shihūmbī igana na makūmi anaane. Aho wela ī ntondo yaho ī dilū, a bapanga bībona pyī ī mibimba ya banhū benabo!

Isaya 9:4

Nguno ūmo īkajīla mu lūshikū lwa kūpyenwa kwa Bamidiani, h'ūmo walībīnzagūlīlile ī lijoki Īlo lyalī nigo ndito kūbo, ū ngamba ūyo gwalī gūbasheedekegije kū mabega gabo, nū nang'ha gwa nuhya wabo.

2 Mihayo ya Shikū 28:8

A Baisilaeli būjana banhū shihūmbī magana abīlī kūfuma ū mu badūgū babo; bakīma na bayanda na banikī. Būsola na shikolo shingī būjana Samalia kūbiza nding'wa jabo.

2 Mihayo ya Shikū 28:6

Mu lūshikū lūmò ū Peka ū ng'witūnja o ng'wa Lemalia ūbūlaga ū mu Yelusalemu bashilikale shihūmbī igana na makūmi abīlī, nguno a banhū ba Yuda baalī bang'wība ū SEEBA ū Mulungu wa bakūlūgenji babo.

2 Mihayo ya Shikū 13:17

Ū Abiya na a banhū bakwe būbabūlaga banhū bingī no; bashilikale ba Baisilaeli shihūmbī magana atanò.

Balamuji 7:22

Ī mbiilūlū ījo magana adatū aho jalīla, ū Seeba ūbīīta pye ū mu ng'hambī kwisengagūla shū būlī ng'wene na ng'wiye. Ī libità na būtaale lyūpeela nhambo līlolile Beti-shita kūīlīīla Zeleeda, kūshisha kū lūbīmbī lwa Abeli-mehola bbihī na Tabasi.

Balamuji 6:5

Biizaga na mitugo jabo na maheema gabo; bingī no gītī njige. Yaalī shilambu ū kūbabala a banhū benabo nī ngamīla jabo; ūlū bashika bīkenaagūlaga no ī sī.

Balamuji 8:11

Ū Gidioni ūbītīla ng'wikūūwa lyalī lyasheshiwa na bashimizi, lyalī lībītile kū kīya na mizengo ya Noba na Jogibeha; abo wabapeejaga ūbisanganīja biyībaga.

Balamuji 7:13

Na lūūlū ū Gidioni aho washika, kwimanīla ūmò wa banhū benabo wandya kūnotoolela ng'wiye shilooti shakwe alīhaya, “Naalootaga shilooti; ū mu shilooti shenīsho naalī naabona ngatī ntaale ng'wibilingu gwa būsu wa būsīga. Gwizaga gūkūpilingitaga kwizīīla a ha ng'hambī ya Bamidiani. Gūūshika gūūlītūla ī liheema na shiligityo shitaale no kūshisha ī liheema lyūdubbūka, lyūkagwa lyūtandagūka na kūtandagūka.”