Balamuji 4:9 - Bibilia Ilagano Lya Kale 2015

⁹ Ū Debola ūng'wīla, “Ūlītūngīlīja tūkūja hamò, gwike ū būlūgū ūbo ūjile kwilwisha būtūkwenhela ikūjo ū bebe, nguno ū Seeba akūntūūla ū Sisela mu nkono gwa nkīma.” Na lūūlū ū Debola ūja hamò nū Balaaka būūkashika Kedeeshi.

Balamuji 4:9 Iomraidhean Croise

2 Mihayo ya Shikū 26:18

Būshika būng'wīla, “Ū nīmo gwa kūzuukīja būbbani kūlī SEEBA gūtī gwako ū bebe Uzia. Ū gwenūyo nīmo gwa bagabīji ba shibyalīlwe sha ng'wa Alooni, abo bamala kwejiwa na kūtūūlwa ho kūlwa nīmo gwa kūzuukīja būbbani. Fumaga ū ng'wipandī lyeela wītaga mhayo gūhūbile; ū SEEBA Mulungu atūkwīlūkīla ja kūkwenhela ikūjo.”

Balamuji 2:14

Na lūūlū īkī ū Seeba akabapelanīla a Baisilaeli, akabatūūla mu makono ga biboneeji, būyūbiboneela. Ūbajinja kū banishi babo abo baalī babapīndīlīgije hose hose; būlemeelwa gete ū kūbaheeba a banishi benabo.

Balamuji 4:8

Ū Balaaka ūhaya, “Ū bebe ūlū wiza hamò naane hū nakūja, alīyo ūlū ūtajile natūjaga.”

Balamuji 9:53

nkīma ūmò walī kwigūlya ūng'holomokeja sho ya kūsheela; yūngwīla ha ntwe lūūpaanuka ū lūpanga.

Balamuji 9:54

Ūng'witana wangū wangū sūmba wamūūkījaga shilanga; ūng'wīla, “Dutaga wangū ū lūshū lwako ū mu shilaalo ūnimalīīje, batizūhaya gīkī, ‘Wabūlagagwa na nkīma.’” Ū ntūmami wakwe ūnchima lūshū ng'hana ūcha.

1 Sang'weli 2:30

Na lūūlū ū SEEBA ū Mulungu wa Baisilaeli alīhaya, ‘Naalī naalahīla gīkī ī numba yako nī numba ya nkūlūgenji wako īkūtūmama kū būtongi wane shikū ja weleelo bose.’ Alīyo ī haha ū SEEBA alīhaya gīkī, ‘Ū gwenūyo ni gūsegenelage gūnīngīle! Nguno abo banikūgije nū nene nakūbakūja, alīyo abo banidalahile bakūbalwa kūbiza batī na ngofyoolo.