Balamuji 4:7 - Bibilia Ilagano Lya Kale 2015

⁷ Nakūnduta ū Sisela ū ntaale wa mabità ga ng'wa Yabini, hamò na a magogoteni gaakwe na a bashilikale bakwe, nang'wenhe kū mongo gwa Kishoni, nize nantūūle mu makono gaako.’”

Balamuji 4:7 Iomraidhean Croise

1 Batemi 18:40

Ī likanza lyenīlo ū Eliya ūhamuka n'ilaka lya kūlagīla ūhaya, “Badimagi a bahangi ba ng'wa Baalī; mutizūneka nūūlū ūmò wabo apūlūgūke!” Būding'wa pye a bose, ū Eliya ūlagīja būtwalwa kū mongo gwa Kishoni būūkabūlagwa kwenūko.

Kūfuma 14:17

Ū nene nakongeja kūjigang'hanaja ī ng'holò ja Bamisili, bongeje ū kūmukūūbīja. Hūna nakwipandīkīla ikūjo ū mu nzīla ya ng'wa Falao nī libità lyakwe lya bashilikale, na a magogoteni gakwe ga būlūgū, pye na a badamhīji bakwe ba falasa.

Kūfuma 14:4

Hūna nakwīgang'hanaja ī ng'holò yakwe ū Falao, andye kūbakūūbīja; nipandīkīle ikūjo ū mu nzīla yakwe ū Falao, na a mabità gakwe. Ū mu gīko a Bamisili bakūmana gīkī ū nene nalī SEEBA.” Ng'hana a Baisilaeli bakīīta chene.

Kūfuma 14:8

Ū SEEBA wīgang'hanaja hangī ī ng'holò ya ng'wa Falao ū ntemi wa Misili yūbipa no, ūbona abakūūbīje a Baisilaeli ū mu lūgendo lwabo, ūlo bashimīzaga mu kwisandaala.

Kūfuma 21:13

Gwike ūlū ūgwīta ū mhayo gwenūyo mu kūhūbīla, Mulungu ūbiza walī agūhelile chene, akūpeelela kwipandī īlo nakūlyolecha hanuma.

Yoshwa 10:8

Ū SEEBA ūng'wīla ū Yoshwa, “Yaya ū kūbogoha a benabo, nguno namalaga kūbatūūla mu nkono gwako. Atīho nūūlū ūmò wabo ūyo adūgije kūkwīmīla.”

Yoshwa 11:20

Nguno ū SEEBA walī wabinha ng'holò ndiimu, gīkī abakenaagūle mu nzīla ya kwilwisha būlūgū na a Baisilaeli; abamale pye gete, yaya nūūlū kūbachīla shigongo; gīt'ūmo SEEBA walī wanagīīlīla Musa.

Yoshwa 11:6

Alīyo ū SEEBA ūng'wīla ū Yoshwa gīkī, “Yaya ū kūbogoha a benabo, nguno ī ntondo ikanza gītī īlī, nene ng'wenekīlī nakūbatūūla mu makono ga Baisilaeli; bakūcha pye a bose. Ī falasa jabo ūkūjitīna a matimba, hama a magogoteni gabo ūgapemba mu moto.”

Yoshwa 8:7

a bing'we mukūpuluka kūfuma aho ng'wibandaga mugūdime ū nzengo. Ū SEEBA Mulungu wing'we akūgūtūūla mu makono ging'we.

Balamuji 4:14

Ū kūūnū ū Debola ūng'wīla ū Balaaka gīkī, “Būūkaga ūnsange, nguno ī lelo ū Seeba wantūūlaga mu nkono gwako ū Sisela; angū ū Seeba ng'wenekīlī atatongile koi?” Na ng'hana ū Balaaka wika ū kūfuma ū mu lūgūlū lwa Tabooli, banhū shihūmbī ikūmi biika nang'hwe.

Balamuji 4:8

Ū Balaaka ūhaya, “Ū bebe ūlū wiza hamò naane hū nakūja, alīyo ūlū ūtajile natūjaga.”

Balamuji 5:21

Ū mongo gwa Kishoni nago gūūbabūūcha gūbaselengetije; alichene, ū mongo gwa kale, ū gwa Kishoni. Jaaga gīko būpanga wane, bizaga na nguzu.

1 Sang'weli 24:10

Ī lelo lūūlū lolaga na miso gako, ūbone gīkī aho ūlī ū ng'wipilinga ū SEEBA walī wakūtūūlaga mu makono gane. A banhū baalī banigaagaanīlaga gīkī nakūbūlage, alīyo nūkūleka; nūhaya gīkī, ‘Natūdūla kūmūūkīja nkono gwane ū ntaale wane, nguno alī ng'witīīlwa maguta o ng'wa SEEBA.’

1 Sang'weli 24:18

Ī haha yenīyī waniwīla ū mhayo gwawiza ūyo wanītīlaga; gīkī ū SEEBA walī wanitūūlaga mu makono gako, alīyo ū bebe ūleka ū kūnibūlaga.