Balamuji 4:5 - Bibilia Ilagano Lya Kale 2015

⁵ Walī amanīīlile kwigasha ha mbeho ya ntī gwa nhende, gwitanagwa go ng'wa Debola. Gwalī ha gatī ya Lama na Beeseli, mū sī ya magūlya ya Efulaimu; a Baisilaeli bang'wenhelaga henaho ī mihayo yabo wabalamula.

Balamuji 4:5 Iomraidhean Croise

wandījo 35:8

Ī likanza lyenīlo ūzumalīka Debola, walī ntūmami wa ng'wa Lebbeka; ūjīkwa ha sīlīlī ya ntī gūmò gwaho gwa Beeseli. Ū ntī gwenūyo gwinhwa lina lya Aloni Bakuti.

Kūfuma 18:13

A ha ntondo yaho ū Musa wigasha, wandya kūbalamula a banhū; a banhū bīmīīla bampīdije ū Musa kwandīja dilū kūshisha mhīndī.

Kūfuma 18:16

Būlī ikanza ūlū bilemeelwa, bakizaga kūlī nene nafunya būlamuji ha gatī ya munhū na munhū; hūna nabinha na katongeelele ka ng'wa Mulungu, nī shilagīlo shakwe.”

Kūfuma 18:19

Na lūūlū nidegelekage nakwinhe būūbū būganikīji, nū Mulungu abize hamò nang'ho. Ū bebe bizaga ha gatī ya ng'wa Mulungu na a banhū benaba; ī mihayo yabo ūyīīshisha ū bebe ū kūlī Mulungu.

Kūfuma 18:26

A benabo hū būyūbalamula a banhū ū mu mihayo ya būlī lūshikū; ī mihayo ī midaamu dūhū h'īyo būyūng'wenhela ū Musa, alīyo ī minogu, būyūyīmala boi.

Yelemia 31:15

Ū SEEBA alīhaya gīkī, “Ilaka līligwiwa mu Lama, ng'hūngū na kūlīla kūtaale, Laheli akūbalīlīīlaga baana bakwe; nū kūhuumūjiwa alemile, nguno a baana bakwe batīho.”

Yoshwa 16:2

Ū kūfuma ī Beeteli (h'ī Luzu) lūūgoloola kūja Atalooti kū sī ya Baaki;

Yoshwa 18:22

Beti-alaba, Zemalaimu, Beeteli,

Yoshwa 18:25

Gibeoni, Lama, Beeloti,

Balamuji 4:4

Ū mu shikū jenījo ūyo walī abasugile a Baisilaeli walī Debola, ng'hangi nkīma, nke o ng'wa Lapidoti.

1 Sang'weli 1:1

Walīho ngosha ūmò wa Lamasaimu-zofimu, ya kū magūlya ga sī ya banhū ba lūganda lwa ng'wa Efulaimu. Ī lina lyakwe walī Elikana, ng'witūnja o ng'wa Yelohamu, ng'witūnja o ng'wa Elihu, ng'witūnja o ng'wa Tohu, ng'wana Zufu; ūmò wa banhū ba lūganda lwa ng'wa Efulaimu.

1 Sang'weli 1:19

Ha ntondo yaho būmisha dilū būnamya SEEBA, hūna būbūūka bashokile kū kaya yabo Lama. Ū Elikana aho walaala nū nke wakwe ū Hana, ū SEEBA ūng'wizūkwa.

1 Sang'weli 22:6

Ū Saulo wigwa gīkī ū Daūdi na a banhū bakwe babonilwe. Na lūūlū lūshikū lūmò ū Saulo walī n'ichimu lyakwe mu nkono igaashije mu mbeho ya ntī gwa nshishi, kū sī ya ngūlya gwa Gibea, walī hamò nabo pye a batūmami bakwe, baalī bīmīīla bampīndije.

1 Sang'weli 25:1

Ū Sang'weli ūzumalīka, pye a Baisilaeli bibilinga kūūnīla; būnjīkīla ha ng'wakwe Lama. Ū Daūdi nang'hwe ūsaamīla kwitogolo lya Palani.

1 Sang'weli 7:17

Hanuma washoka Lama, nguno h'ūko yalī ī kaya yakwe, nū kwene wabalamulīlaga koi a Baisilaeli. Nīyo ū kwene walī wazenga na ng'walīlo kūlwa ng'wa SEEBA.