Balamuji 4:3 - Bibilia Ilagano Lya Kale 2015

³ Akabaluhya no a Baisilaeli, ikanza lya myaka makūmi abīlī; nguno nīyo ū wei walī na magogoteni ga chūūma; a Baisilaeli būnīlīīla ū Seeba.

Balamuji 4:3 Iomraidhean Croise

Zabuli 106:42

Banishi babo būbiboneela, būbatūūla ha sīlīlī ya būdūla na būsugi wabo.

Zabuli 50:15

Nitanage ū mu lūshikū lwa makoye, nakūkūpīja, nang'ho ūkūnikūja.”

Zabuli 78:34

Ū Mulungu ūlū wababūlaga bankoobaga, bagalūkaga bandya kūnkooba mu būkomezu.

Kūfuma 2:23

Hanuma ya shikū ningī ū ntemi wa Misili ūcha, a Baisilaeli nabo bongeja ū kūgang'hīla kūlwa būsese wabo, būyūlīla bakūkoobaga būgunanhwa. Ī ng'hūngū īyo balīlaga kūlwa būdito wa būsese wabo yūmpandīka ū Mulungu.

Kūshokeela 28:29

Ūkūbiza wa kūja ūkūbbabbasha bbabbashaga nūūlū makanza ga līīmi, gītī mu giiti sha nyaboku. Būlī mhayo ūyo ūlaagwīte gūtūbiza na matwajo gose gose; hama būlī makanza ūkūbiza wa kwiboneelwa na kūtaagījiwa shikolo, alīyo atigela wa kūkūgunanha.

Kūshokeela 28:33

Ihanga lya banhū abo ūtabamanile bakūgalya a matwajo ga mu sī yako, ayo ūkūganoga nogelaga na nkono gwako; nīyo ūkūbiza wa kūluha na kwiboneelwa sagala dūhū pyī ī shikū jako.

Yoshwa 17:16

A banhū ba lūganda lwa ng'wa Yosefu būshosha balīhaya, “Ī chene ng'hana yatwilebile ī sī ya magūlya, alīyo ū kū sī ja ntubīlo balīko Bakanaani; bakikalaga Beeti-shani nū mu magūngūli gaho, hamò nī Yezileeli; hama nīyo pye a banhū benabo balī na magogoteni ga chūūma.”

Balamuji 1:19

Ū SEEBA walī hamò nabo a banhū ba lūganda lwa Yuda; bīdima nī sī ya magūlya, gwike būlemeelwa ū kūbapeeja a banhū ba mu sī ja mbūga, nguno a bene baalī na magogoteni ga chūūma.

Balamuji 10:10

Hūna a Baisilaeli būnīlīīla ū SEEBA balīhaya, “Twakūhūbile nguno twanekile ū Mulungu wise twandya kūgatūmamīla Maabaalī.”

Balamuji 10:16

Hūna būgīnja a maamulungu ga nyageni ayo baalī nago, bandya kūntūmamīla SEEBA. Umulungu ūdūūma kwiyūmīlīja kūwiloleela ū būluhi wa Baisilaeli wa būligwa.

Balamuji 3:15

Alīyo a Baisilaeli aho baanīlīīla hangī ū SEEBA, ūbabūūkīja ngunanhi, Ehudi; munhū wa lūmoso, ng'witūnja o ng'wa Gela wa lūganda lwa Benjamini. A Baisilaeli būntūma ū Ehudi kūja na banhū ī ng'wa Eguloni ū ntemi wa Moabu, kūtwaala goodi.

Balamuji 3:9

Alīyo aho baanīlīīla ū SEEBA, ūbabūūkīja ngunanhi: Osinieli ng'witūnja o ng'wa Kenazi, nzunaye o ng'wa Kelebu; ū munhū ng'wenūyo hū ūbapīja.

Balamuji 4:13

Haho na haho ū Sisela ūgakuminga pye a magogoteni gakwe ga chūūma ayo magana kenda, na a bashilikale bakwe a bose, kūfuma Halosheti-hagoyimu kūshisha kū mongo gwa Kishoni.

Balamuji 4:4

Ū mu shikū jenījo ūyo walī abasugile a Baisilaeli walī Debola, ng'hangi nkīma, nke o ng'wa Lapidoti.

Balamuji 5:8

Aho baasola kūbiza na baamulungu bageni, būbiza beegeleja būlūgū kū mibita ya mizengo. Ū mu Baisilaeli shihūmbī makūmi anè, lūkiigela lūmūda lose lose nūūlū ichimu lya ngota?

Balamuji 6:6

Ī sī ya Midiani īkabakoya no a Baisilaeli, kūshisha nose būnīlīīla ū SEEBA abagune.

1 Sang'weli 7:8

Būng'wīla ū Sang'weli, “Yaya ū kooya ū kūnīlīīla ū SEEBA Mulungu wise kūlwa nguno yise, atūpīje ū mu nkono gwa Bafilisiti.”