Balamuji 4:16 - Bibilia Ilagano Lya Kale 2015

¹⁶ Ū Balaaka ūbapeeja a bashilikale benabo na a magogteeni gabo, ūūkashika nabo Halosheti-hagoyimu. A bashilikale ba ng'wa Sisela būshilīla hasī pye gete, būmalwa līlūshū; atasaagile nūūlū ūmò wabo.

Balamuji 4:16 Iomraidhean Croise

Yakobo 2:13

Nguno shitīho shigongo ū mu būlamulwa bokwe ūyo atachīlaga shigongo; alīyo ī shigongo shilī na nguzu kūtinda būlamulwa.

Balumi 2:12

Abo bakīītaga shibi alīyo batī na shilagīlo, bakūyagala mu būtūbiza na shilagīlo; na a babo bakīītaga shibi alīyo balī na shilagīlo, nabo bakūlamulwa mu nzīla ya shilagīlo.

Isaya 43:17

ūyo akagakobya magogoteni ga būlūgu na falasa jago, ibità lya bashilikale na shilanga shabo ūbabilinga h'ipandī līmò, hūna ūbasendeka henaho, batabūūkile hangī; bakajima jimijimi, būsota gītī lūtambī lwahūūhīlwa myūyī.

Zabuli 104:35

Alīyo a bashibi a bene leka bayagajiwe ū mu sī, a babūbi batizikala mo ū musī. Ee būpanga wane, ngongoolage ū SEEBA! Ū SEEBA akumīlīijwe.

Zabuli 83:9

Nabo bīītage ūmo ūkabīītīla Bamidiani, ūmo ūkabīītīla ba Sisela na Yabini, kū mongo gwa Kishoni;

Yoshwa 11:8

Ū SEEBA ūbatūūla mu nkono gwa Baisilaeli, būbatūla būbapyena, būboolomya nhambo kūja Sidoni na Miselafoti-maini, na kū mbūga ya ntubīlo gwa Mispa ya kīya; būbabūlaga pye atasaagile mpanga nūūlū ūmò.

Kūfuma 14:28

A minzī gūhūūma gashokile, gūgakundīkīja a magogoteni na badamhīji ba falasa; pyī ī libità lya ng'wa Falao na būtaale walyo īlo lyalī lyabakūūbīja a Baisilaeli ū mu nyanza, lyūshikīla shiki shiki, atapīlile nūūlū ūmò wabo.

Balamuji 4:2

Na lūūlū ū Seeba ūbajinja mu makono ga ng'wa Yabini, ūmò wa batemi ba Bakanaani, wikalo wakwe walī Hazooli; ū ntaale wa mabità gaakwe ga būlūgū walī Sisela, muna Halosheti-hagoyimu.

Balamuji 4:17

Ū Sisela ū ng'weeene ūbiza wapeela nhambo lwa magūlū, ūūkashika kwiheema lya ng'wa Yaeli, nke o ng'wa Hebeeli ūmò wa Bakeni; nguno walīho wimane a ha gatī ya ng'wa Yabini ū ntemi wa Hazooli nū lūganda lwa Hebeeli ū Nkeni.

Yoshwa 10:10

Ū SEEBA ūbinha ng'holò mhambūku, būyūbapeela sagala dūhū a Baisilaeli. A Baisilaeli būbapyeena a banishi babo benabo mu būpyeeni būtaale no ī Gibeoni. A Baisilaeli būboolomya nhambo kūīlīīla Beti-holoni, būja balībabūlaga nzīla ngima, kūjūshika Azeka na Makeda.

Zabuli 83:10

abo bakayagajiwa ipandī lya Endoli, būlaala hasī būbiza gītī maashi.