Balamuji 4:12 - Bibilia Ilagano Lya Kale 2015

¹² Ūwīlwa ū Sisela gīkī ū Balaaka ng'witūnja o ng'wa Abinoamu walinhaga kū lūgūlū lwa Tabooli.

Balamuji 4:12 Iomraidhean Croise

Yelemia 46:18

Ūmo nene nalīmpanga,” alīhaya ū Ntemi, ūyo lina lyakwe ng'wene SEEBA wa mabità, “Akwiza ūmò ūyo abange gītī lūgūlū lwa Tabooli ha gatī ya ngūlū jose, nūūlū gītī lūgūlū lwa Kalimeli kū ng'hilimvwa ya nyanza.

Zabuli 89:12

Ī sukuma wībeeja bebe, nī dakama; Ī Taboli nī Helimoni, ī lina lyako shikalīkumīlījaga mu būyegi.

Yoshwa 19:34

Hama ū kūfuma ī Azinoti-tabooli lūūlola ng'weli dūhū lūūkapulukīla Hukoki; ū kū dakama lwikuumya na sī ya banhū ba ng'wa Zabuloni, ī ng'weli lwikuumya na sī ya banhū ba ng'wa Asheli, ī kīya lūūshika kū mongo gwa Yolodani.

Yoshwa 19:12

Ū kwīnga ī Salidi lūūtūla kuluba kūlola kīya, lūūkabīmbīkanwa na sī ya Kisiloti-tabooli, lūūgoloola lūjile Dabeela, hūna lūūlinha kūja Yafia.

Balamuji 4:6

Ū nshīke ng'wenūyo akatūma banhū kūja Kedeeshi kū sī ya lūganda lwa Nafutali, kūng'witana Balaaka ng'witūnja o ng'wa Abinoamu; ūng'wīla, “Ū Seeba Mulungu wa Baisilaeli alīkūlagīla gīkī, ‘Solaga banhū shihūmbī ikūmi kūfuma mu lūganda lwa Nafutali na Zabuloni, ūbatongeele kūja kū lūgūlū lwa Tabooli.

Balamuji 4:11

Walīho Hebeeli, ūmò wa Bakeni; ū munhū ng'wenūyo walī wikomanya, ūbīngīla a Bakeni biye, a ba lūganda lwa kaya ya būkwiye o ng'wa Musa; ūūkakoma iheema lyakwe kūīlīīla Kadeeshi, bbihī na ntī ntaale gwa mu Zaananimu.

Balamuji 4:13

Haho na haho ū Sisela ūgakuminga pye a magogoteni gakwe ga chūūma ayo magana kenda, na a bashilikale bakwe a bose, kūfuma Halosheti-hagoyimu kūshisha kū mongo gwa Kishoni.

Yoshwa 19:22

Ī sī yabo yalī ībimbīkanilwe na Tabooli, Shahazuma, na Beti-shemeshi; hūn'ū lūbīmbī lwabo lūūkakalīkīla ha mongo gwa Yolodani. Yalī mizengo ikūmi n'ītandatū hamò na magūngūli gayo.

Balamuji 8:18

Hanuma ya henaho ūbabūūja a ba Zeba nū Zalimuna gīkī, “A bagosha abo mukababūlaga Tabooli baalī ba mbika kī?” Būnshokeja, “Baalī gīt'ūmo ūlī ū bebe gīko, baali gītī baana ba batemi.”

Zabuli 89:13

Ūlī na nkono gwa būdūla; ū nkono gwako gūlī gwa nguzu, ū nkono gwako gwa būlyo gūlī higūlya no.

Hosea 5:1

Bagabīji gwigwagi ū mhayo ūyū! Bing'we Baisilaeli Tegagi matū! Degelekagi numba ya ntemi! Ū nsango ūyū gūliiza kūlwa nguno ying'we: Ī Mispa mulī lūtu lwa kūgwisha, ntego gūtegilwe mu Taboli.