Balamuji 4:1 - Bibilia Ilagano Lya Kale 2015

¹ Aho waacha ū Ehudi, a Baisilaeli bandya hangī ū kwīta ī yabūbi ū mu miso ga ng'wa Seeba.

Balamuji 4:1 Iomraidhean Croise

Yelemia 5:3

Ee SEEBA, tūhaya a miso gako gakīkoobaga ī ng'hana? A benaba wabīta ū kūbatūla, alīyo ndūhū ū kūshingimūka; nū gwa kūyūbabūlaga wagūbītīla, alīyo nahene balemile ū kūhang'wa. Ū būshū wabo būdimu no kūtinda iwe; balemile gete ū kūgalūka.

Bahebrania 11:32

Ī gīsī nahaye mhayo kī hangī? Nguno lītūniigelaga ī likanza lya kūbahaya banhū gītī: Gidioni, Balaka, Samusoni, Yefuta, Daūdi, Sang'weli; pye na a bahangi,

Bahebrania 11:33

abo kūlwa kūzunya baalī bapyeni, būyūpyena mabūtemi na kūbeeja ya būtūngīlīja, banukūla īyo baalī bisagījiwa. Hangī būbiza na būdūla bo kūyūkundīkīja na milomo ya shimba,

Balamuji 10:6

A Baisilaeli bīīta hangī yabūbi ū kū būtongi bo ng'wa SEEBA; bandya kūgatūmamīla Maabaalī na Maashitoleti, na baamulungu ba Alaamu, baamulungu ba Sidoni, baamulungu ba Moabu, baamulungu ba Baamoni, na baamulungu ba Bafilisiti. Na lūūlū īkī a Baisilaeli bakang'wīība ū SEEBA, booya ū kūntūmamīla,

Balamuji 2:11

Na lūūlū a Baisilaeli bandya kwīta yamalofu ū kū būtongi bo ng'wa SEEBA, būyūgalamya Maabaalī.

Balamuji 3:12

A Baisilaeli bīīta yabūbi hangī ū mu miso ga ng'wa SEEBA, aho bīīta ū būbi wenūbo, ū SEEBA ūng'winha nguzu ntemi Eguloni wa Moabu, ja kūbaheeba a Baisilaeli.

Balamuji 3:7

A Baisilaeli bakīīta yabūbi ū miso ga ng'wa SEEBA, nguno bakang'wīība ū SEEBA Mulungu wabo, bandya kūgalamya Maabaalī na Maashela.

Balamuji 6:1

A Baisilaeli bakīīta hangī ī yabūbi ū mu miso ga ng'wa SEEBA; nang'hwe ūbatūūla mu makono ga Bamidiani ikanza lya myaka mpungatī.