Balamuji 3:3 - Bibilia Ilagano Lya Kale 2015

³ A mahanga genayo gaalī aya, sī ya basugi bataano ba Bafilisiti, pye a Bakanaani, Basidoni, Bahīvī abo biikalaga kū ngūlū ja Lebanoni, kūfuma kū lūgūlū lwa Baali-helimoni kūshisha kū nzīla ya Hamati.

Balamuji 3:3 Iomraidhean Croise

wandījo 49:13

“Ū Zabuloni akūzenga kū mbalama ya nyanza, abize būkolelo wa meeli; Ī sī yakwe īkūbīmbīkanwa na Sidoni.

2 Sang'weli 24:7

Ū kūfuma ū kwenūko būja Tulo, kū ng'hambī ya bashilikale na kū mizengo ya Bahīvī na Bakanaani. Aho bīnga ū kwenūko būūkamalīīgīja Beeli-sheba kwitogolo lya Negevu ya Yuda.

1 Batemi 8:65

Na lūūlū ū Solomoni na a Baisilaeli pye a bose abo baalī hamò nang'hwe ū lūshikū lwenūlo bīīta shigukulu, lyal'ibità itaale no; banhū baalī bafuma kwandīja Lebo-hamasi kūshisha kū lūbīmbī lwa Misili. Baalī bahelile kūmala shikū mpungatī bakūshiyegelaga ī shigukulu kū būtongi bo ng'wa SEEBA Mulungu wise, alīyo bongeja shikū jingī mpungatī; ī jose jūshika shikū ikūmi n'inè.

1 Batemi 9:20

Baalīmo banhū abo baalī balekeelwa kūfuma ū mu mahanga ga Baamooli, Bahītī, Bapelizi, Bahīvī na Bayebusi, (a banhū benaba baalī batī Baisilaeli).

Ezekia 47:20

Ū kū lwande lo ng'weli ī Nyanza ī Nhaale hū lūkūbiza lūbīmbī, kūjīlīīla sukuma lūūkashika kwipande īlo liilolile na Lebo-Hamasi. Ū lwenūlū hū lūkūbiza lūbīmbī lo ng'weli.

Kūbala 13:29

Ū ng'witogolo lya Negevu gakikalaga mo Maamaleki; ū kū sī ja magūlya ū kwene bakikalaga Bahītī, Bayebusi, na Baamoli. A Bakanani a bene bakikalaga kū ng'hilimva na nyanza, na mu mbalama ya mongo gwa Yolodani.”

Kūbala 34:8

hūna ū kūfuma ū kū lūgūlū lwa Hooli, ng'ūja Lebo na kūshisha Hamati. Ū kūfuma ū kwenūko ū lūbīmbī lūkūīlīīla Zedadi;

Kūshokeela 1:7

Sambūlagi ī ng'hambī ng'wīnge ho, muje kū sī ya magūlya ya Baamoli; muje mukūsambaalaga hose pye ū mu sī ja banhū abo balī hihī hihī ū ng'witogolo lya Alaba, ī sī ja malūgūlū, nī jijo jilī hihī hihī nū lūgūlū, nī litogolo lya Negevu, nī ja kūjīlīīla kū mbalama ya nyanza, kū sī ya Bakanani, na Lebanoni, kūjīlīīla kū mongo ntaale, ū gwa Flaati.

Kūshokeela 3:9

(A bana Sidoni ī Helimoni bayitanaga Silioni; lelo a Baamoli bene bayitana Senili.)

Yoshwa 11:19

A bose benaba batabeegije ilagane lya mhola na a Baisilaeli, ūlū batī Bahīvī ba Gibeoni dūhū; a bangī pye būbiza baakūding'wa mu būlūgū.

Yoshwa 11:3

Nū kū Bakanaani ba kū kīya na a ba kū ng'weli, a Baamooli, Bahītī, Bapelizi, nū ū kū Bayebusi ba kū sī ya magūlya, nū kū Bahīvī ba kū ntulumenho gwa lūgūlū lwa Helimoni, mhandī ja Mispa.

Yoshwa 13:3

kwandīja kū mongo gwa Shihooli, kīya ya Misili, kūja sukuma kū lūbīmbī lwa Ekuloni, ī sī yose yenīyo ītaalī yūbalwa kūbiza ya Bakanaani, (alīyo ī sī ya Bafilisiti, īkwikalīlagwa na basugi batanò mu mizengo ya, Gaza, Ashidodi, Ashikeloni, Gaasi, na Ekuloni; ī yose yenīyo ībalilwe gīkī ya Bakanaani);

Yoshwa 13:5

nī libbaala lya Bagebali, nī Lebanoni ī yose kūja kīya, kūfuma Baali-gadi kū ntulumenho gwa lūgūlū lwa Helimoni, kūjūshika kū nzīla ya Hamasi.

Yoshwa 19:28

Hūna lūūlola Abudoni, Lehobu, Hamoni na Kana, kūjūshika Sidoni.

Yoshwa 9:7

A Baisilaeli būbawīla a Bahīvī benabo gīkī, “Hamo īdūlīkanile kūbiza muzengile mu bbihī bbihī na bise ūmu; ūlū gīko nūmho tūkūdūla kinehe ū kūbeeja ī lilagane ning'we?”

Balamuji 10:12

na a Basidoni, na a Baamaleki, pye na a Bamoabu aho baamukoyaga no no no, nose ng'ūnilīlīīla gīkī namugunaane, natamupīgije ū mu makono gabo?

Balamuji 10:7

akabapelanīla no. Ūbajinja mu makono ga Bafilisiti na Baamoni.

Balamuji 14:4

A babyaji bakwe baalī batamanile ī gīkī, “Ū mhayo gwenūyo gwalī gūfumile kūlī SEEBA, wakoobaga nzīla ya kūbakomya a Bafilisiti, nguno ū mu shikū jenījo baalī babasugile a Baisilaeli.

Balamuji 18:7

Hūna a bagosha būtaano wabo benabo bīnga a henaho, būja būūkashika ī Laishi; aho baashika koi būbona gīkī a banhū ba kwenūko balī mu kikalīle ka mhola no, gīt'ūmo balī bana Sidoni. Balī mu būlembeezu, batī na sha kūbogohya, na batī na būgeehelwa wa shikolo sha mu sī īyī. Nīyo baalī na sabo ningī; hama būbabona gīkī baalī kūle na a bana Sidoni, hangī batī na būsangī na banhū bangī nūūlū hado.

Balamuji 3:2

(Ū gwenūyo akagwīta kūlwa kūbalanga dūhū a banhū ba shibyalīlwe sha Baisilaeli abo baalī batabītile mu būlūgū; nabo bīībītīle ī mihayo ya būlūgū.)

Balamuji 4:2

Na lūūlū ū Seeba ūbajinja mu makono ga ng'wa Yabini, ūmò wa batemi ba Bakanaani, wikalo wakwe walī Hazooli; ū ntaale wa mabità gaakwe ga būlūgū walī Sisela, muna Halosheti-hagoyimu.

1 Sang'weli 13:5

A Bafilisiti nabo bibilinga bingī no kūlwa kwilwisha būlūgū na a Baisilaeli; baalī na magogoteni ga būlūgū shihūmbī shidatū, na bendeesha baago shihūmbī shitandatū, a bashilikale a bene baalī bingī no, gītī maseni ga ha ng'walo gwa nyanza. Būūkatūūla ī ng'hambī yabo Mikimashi, kīya ya Beeti-aveni.

1 Sang'weli 29:2

A basugi ba Bafilisiti aho bakūhūūmaga bajile na mabità gabo ga banhū magana magana na ga shihūmbī shihūmbī, ū Daūdi nang'hwe walīko ū kū numa washimīzaga na a banhū bakwe hamò nū Akishi.

1 Sang'weli 6:16

A basugi ba Bafilisiti biiloleela aho īkwītagwa pyī ī yenīyī, hūna būshoka kaya Ekuloni, lūshikū lwenūlo dūhū.

1 Sang'weli 6:18

Īngoso ja zahabu jaalī gīītī ī mizengo ya basugi batanò a ba Bafilisiti, kūlenganīla nī mizengo īyo yalī īpīndīlījiwe ndugu na a magūngūli gayo. Ī liwe ī litaale aho bakalītūūla ī lisandīko lya ng'wa SEEBA, nī lelo īyī līlīho kūlwa būkaanīji ū ng'wilaale lya ng'wa Yoshwa wa Beeti-shemeshi.

1 Sang'weli 6:4

A Bafilisiti būbūūja, “Ī gīsī tūntwalīle shakwinha kī ī sha koolecha ū kwihīga kwise?” Būbashokeja būhaya, “Mabaale ga zahabu atanò, na ngoso ja zahabu itanò, giitūmo būli ūbūsugi wa Bafilisiti, nguno a mahūūya genayo gaalūmukoyaga a bing'we hamò na a basugi bing'we.