Balamuji 21:2 - Bibilia Ilagano Lya Kale 2015

² Hūna a banhū būja Beeseli, būūkigaasha kū būtongi bo ng'wa Mulungu kūshisha mhīndī, bakūlīlaga ng'hūngū kūlwa būpīna.

Balamuji 21:2 Iomraidhean Croise

Balamuji 20:26

Hūna pyī ī libità lya bashilikale ba Baisilaeli būlinha bajile Beeseli; būshika bigaasha kū būtongi bo ng'wa SEEBA bakūlīlaga. Ū lūshikū lwenūūlo būfunga, būfunya na shitambò sha kūpemva hamò na shakwinha sha būsangī kūlwa nguno ya ng'wa SEEBA.

Balamuji 20:18

Na lūūlū a Baisilaeli būja Beeseli kūbūūja kūlī SEEBA. Būūhaya gīkī, “Ūmo tūlī ng'wenūmu, nani atonge ū kūja kwilwisha na a banhū ba lūganda lwa Benjamini?” Ū SEEBA ūhaya, “Yuda ni atongage ū kūja.”

1 Sang'weli 30:4

Ū Daūdi na a banhū bakwe būtandūka kūlīla ng'hūngū, būlīla kūshisha jūūshila ī nguzu ja kūlīla.

Balamuji 21:12

Ū mu banhū abo bikalaga Yaabeshi-gileadi, būpandīka mo baanhya magana anè, abo baalī bataalī kūlaala na ngosha ose ose; būbasola būja nabo Kanaani kū ng'hambī Shilo.

Balamuji 20:23

Gwike a Baisilaeli būja kūnīlīīla ū SEEBA taame; būnīlīīla na kūmūūja balīhaya, “Tūje hangī ū kū būlūgū tūkilwishe na a badūgū bise a banhū ba lūganda lwa ng'wa Benjamini?” Nang'hwe ū SEEBA ūbawīla, “Jagi ko mukalwe nabo.”

Balamuji 2:4

Ū Malaika o ng'wa Seeba aho wabawīla a Baisilaeli ī mihayo yose yenīyī, būlīla ng'hūngū.

Yoshwa 18:1

Hanuma ya kwīdima na kwīīsuga pyī ī sī, a Baisilaeli a bose bakikuminga kū nzengo gwa Shilo, būlyīmīlīcha kwenūko ī liheema lya kwibilingīla.

wandījo 27:38

Ū Esau ūng'wīla ū ise gīkī, “Ūlī na lūbango lūmò dūhū baba? Baba nifuuhage nane” Ū Esau ūlīla no n'ilaka lya higūlya!

Balamuji 21:3

Būūlīla balīhaya, “Ee SEEBA, Mulungu wa Baisilaeli, nibūlī gwabilongelaga mhayo gūlī gīkī a Baisilaeli? Nibūlī ī lelo lūjimīīle lūganda lūgima kūfuma ū mu Baisilaeli?”

1 Sang'weli 11:4

Abo bakatūng'wa aho baashika ī Gibea ya ng'wa Saulo būbawīla a banhū ū mhayo go ng'wa Nahashi; bose pye būtandūka kūlīla ng'hūngū.