Balamuji 2:3 - Bibilia Ilagano Lya Kale 2015

³ Na lūūlū leki namuwīle, ī haha natūbapeeja bang'wīngīle; bakūbiza ming'hwa ū mu mbazu jiing'we, hama a baamulungu babo nabo bakūbiza lūtu lwa kūmugwasha.”

Balamuji 2:3 Iomraidhean Croise

Yoshwa 23:13

a henaho deebagi hape gīkī ū SEEBA Mulungu wing'we atūbapeeja bang'wīngīle a banhū ba mahanga genayo. A ha ng'wanya gwaaho bakūbiza lūtu lwa kūmugwasha a bing'we, na nang'ha gwa kūmudīīmūlīla kū ngongo, na magwaata ga kūmukwaala kū miso, kūshisha mukenaagūke mushile gete ū mu sī ī yawiza yenīyī, īyo wang'winhile ū SEEBA Mulungu wing'we.

Kūbala 33:55

Managi gīkī, ūlū ng'ūleka kūbapeeja pye a bikaji ba mu sī yenīyo, abo mulabalekeele mo bakūbiza gītī būpilipili ū mu miso ging'we, na gītī ming'hwa ū mu mbazu jing'we. Bakūmukoya no ū mu kikalīle king'we ū mu sī yenīyo.

Zabuli 106:36

Būyūshilamya ī shiikolile shabo, shūbiza lūbeto ū kūbo.

Kūshokeela 7:16

Na lūūlū shikwigeleelilwe kūbamala pye a banhū abo SEEBA Mulungu wako alabatūūle mu nkono gwako. Ūtizūbachīla shigongo nūūlū hado yaya, hama a bamulungu babo ūtizūgima gete kūbatūmamīla nūūlū hado; nguno ū lwenūlo lūkūbiza lūtu lwa kūkūgwasha.

Balamuji 3:6

Na a bashīke babo būyūbatoola, na a boi būyūbazunīlīja a bashīke babo kūtoolwa na a basūmba ba mu mahanga genayo; hama na a baamulungu babo būyūbatūmamīla.

Balamuji 2:21

Ī haha lūūlū natūbīngījaga nūūlū līmò ū mu mahanga ayo akagaleka Yoshwa aho waacha.

Kūfuma 34:12

Lang'hanaga gete ūtizūbeeja ilagane nabo a bikaji ba mu sī yenīyo ūmo ūlīkikala; ūlū wīta gīko bakūbiza lūtu ū kūlī bebe.

Kūfuma 23:33

Yaya ū kūbaleka bikale ū mu sī yako, bakūkwenheleja kūnīītīla shibi ū nene, nguno a kalamīje ka kūbalamya bamulungu babo kakūbiza lūtu ū kūlī bebe.”

Balamuji 2:4

Ū Malaika o ng'wa Seeba aho wabawīla a Baisilaeli ī mihayo yose yenīyī, būlīla ng'hūngū.

Balamuji 8:27

Ū Gidioni ūjibeeja ī zahabu līshiikolile, ūlītūūla mu nzengo gwa ng'wawe gwa Ofla. Pye a Baisilaeli bandya kwisosohaja kūlwa kūlīlamya ī līshiikolile lyenīlo; lyūbiza lūtu ū kūlī Gidioni nū kū banhū ba mu kaya yakwe.