Balamuji 2:16 - Bibilia Ilagano Lya Kale 2015

¹⁶ Gwike makanza malebe na malebe ū Seeba wababūūkījaga balamuji, kūlwa kūbapīja kūbīnja ū mu makono ga biboneeji benabo.

Balamuji 2:16 Iomraidhean Croise

Shītwa 13:20

Bahayikala mo ikanza gītī lya myaka magana ane na makūmi atanò, ūbinha balamuji, kūshisha ikanza lya ng'hangi Sang'weli.

1 Sang'weli 12:11

Na ng'hana ū SEEBA ūmutūmīla ba Yelubaa, Balaaka, Yefuta na Sang'weli; ū mu nzīla yenīyo ūng'wīnja ū mu makono ga banishi bing'we hose hose, ng'ūbiza mu mhola.

Nehemia 9:27

Hūna lūūlū ū bebe ūbatūūla mu makono ga banishi babo, būbaluhya; alīyo aho baluhiwa na a banishi babo būkūlīlīīla, nang'ho īkī ūlī na shigongo shitaale, ūbigwa kūfuma ū ng'wigūlū, ūbatūmīla bapīja ba kūbapīja kūfuma ū mu makono ga banishi babo.

Balamuji 3:15

Alīyo a Baisilaeli aho baanīlīīla hangī ū SEEBA, ūbabūūkīja ngunanhi, Ehudi; munhū wa lūmoso, ng'witūnja o ng'wa Gela wa lūganda lwa Benjamini. A Baisilaeli būntūma ū Ehudi kūja na banhū ī ng'wa Eguloni ū ntemi wa Moabu, kūtwaala goodi.

Balamuji 6:14

Hūna ū SEEBA ūngalūkīla ūng'wīla, “Jaaga ū mu būdūla wako weenūbū, ūkabapīje a Baisilaeli kūfuma ū mu nkono gwa Bamidiani. Natūkūtūmaga nene?”

Balamuji 4:5

Walī amanīīlile kwigasha ha mbeho ya ntī gwa nhende, gwitanagwa go ng'wa Debola. Gwalī ha gatī ya Lama na Beeseli, mū sī ya magūlya ya Efulaimu; a Baisilaeli bang'wenhelaga henaho ī mihayo yabo wabalamula.

Balamuji 10:1

Aho lyabīta ī likanza lya ng'wa Abimeleki, ūbūūka ngosha wa kūbapīja a Baisilaeli, wa kūfuma mu lūganda lwa ng'wa Isakaali, lina lyakwe Toola ng'witūnja o ng'wa Pua ng'wana Dodo. Ū wei walī azengile Shamili, mu sī ya magūlya ya Efulaimu.

Luuzi 1:1

Ū mu shikū jene ū būsugi waalī būtaalī ha sīlīlī ya balamuji, īkagwa nzala ū mu sī. Ngosha ūmò wa mu Betelehemu wīnga hamò nū nke na bitūnja bakwe babīlī, būja mu sī ya Moabu gīkī bakikale kwenūko ikanz'iguhī.

Balamuji 3:31

Aho wabīta ū Ehudi, wilonga Shamga, ng'witūnja o ng'wa Anati; ū munhū ng'wenūyo akabūlaga Bafilisiti magana atandatū bo kūtūmamīla nang'ha gwa kūtūlīla ng'ombe. Nang'hwe akabaguna a Baisilaeli.

Balamuji 11:32

Hūna ū Yefuta ūja ū kwilwisha būlūgū nabo a Baamoni, ng'hana ū Seeba ūbatūūla mu nkono gwakwe.

1 Sang'weli 14:48

Na a Baamaleki akalwa nabo nyagosha ūbapyeena, ūbiza wabapīja a Baisilaeli kūfuma mu makono ga banhū abo baalī baabakenaagūja sī yabo.

2 Sang'weli 7:11

Nguno h'ūmo bakūbīītīlaga nī haha a banhū bane a Baisilaeli, kūfuma aho nandīja kūbatūūlīla balamuji. Nīyo nakūkwifuuja gete booye ū kūkūkoya a banishi bako pye a bose.’ Hama a higūlya ya yenīyo ū SEEBA alīhaya gīkī, ‘Ū SEEBA ng'wenekīlī akūkūbeegeja numba.