Balamuji 2:12 - Bibilia Ilagano Lya Kale 2015

¹² Būng'wība gete ū Seeba ū Mulungu wa bakūlūgenji babo, ūyo walī wabīnja mu sī ya Misili. Būyūlondeela na kūtūmamīla baamulungu ba būlī mbika ba mahanga ayo biikalaga hamò nago. Bakansayīcha no ū Seeba,

Balamuji 2:12 Iomraidhean Croise

Kūfuma 20:5

Yaya kūshiinamīla, nūūlū kūshitugīja mazwi, nguno ū nene SEEBA Mulungu wako nalī Mulungu wa wilu; nakabagwisījaga nsango baana kūlwa būbi wa babyaji babo abo banikolilwe, kūshisha shibyalīlwe sha kadatū na sha kanè.

Kūshokeela 29:25

Ī lishosho līkūbiza, “Īlī kūlwa nguno a banhū benaba baalīleka ī lilagane lya ng'wa SEEBA Mulungu wa bakūlūgenji babo, ī lilagane īlo akabeeja nabo aho alībenha kūfuma Misili.

Kūshokeela 13:5

Ū ng'hangi ng'wenūyo nūūlū ū nooti wa shilooti, shiigelile abūlagwe. Nguno walomeelaga mihayo ya kūngomela ū SEEBA Mulungu wing'we, ūyo wang'wīnja mu sī ya Misili, ūmukomoola kūfuma mu sī ya būsese. Ū munhū ng'wenūyo alī na ng'hūmbū ja kūmugalūcha ng'wīleke ī nzīla īyo SEEBA Mulungu wing'we wamulagīla kwīlondeela. Shiigelile muwīnje gete ū būsoso ū mu bing'we.

Kūshokeela 29:18

Na lūūlū ilang'hanagi atizigela munhū ose ose, ngosha nūūlū nkīma; nūūlū lūtizūbiza ho lūganda nūūlū kaya ndebe ū mu bing'we abo mulīho aha lelo īyī, atizigela wa kūgalūcha ng'holò yakwe aneke ū SEEBA Mulungu wise, aje kūbalamya bamulungu ba mahanga genayo. Lang'hanagi gete lītizigela ijinji lyose lyose ū mu bing'we īlo līshikile kūfuluma na kūtwaja matwajo ga būsūngū wabūbi gīko.

Kūshokeela 5:9

Yaya kūshiinamīla, nūūlū kūshitugīja mazwi. Nguno ū nene SEEBA Mulungu wako nalī Mulungu wa wilu; nakababalīlaga nsango bana kūlwa būbi wa babyaji babo abo banikolilwe, kūshisha shibyalīlwe sha kadatū na sha kanè.

Balamuji 5:8

Aho baasola kūbiza na baamulungu bageni, būbiza beegeleja būlūgū kū mibita ya mizengo. Ū mu Baisilaeli shihūmbī makūmi anè, lūkiigela lūmūda lose lose nūūlū ichimu lya ngota?

Kūshokeela 33:17

Alī na shingilima gītī nzagamba mhyeeni; Ī mhembe jakwe jilī gītī ja shadiima nyang'widīīma. Hū jene akūjitūmamīla kūpama mahanga gose, kūshisha na a yayo galī kūle kū ngelelo ya sī. H'ūmo galī a makūmi ga shihūmbī ga ng'wa Efulaimu, alichene, h'ūmo galī a mashihūmbī ga ng'wa Manase.”

Kūshokeela 32:15

Alīyo ū Yeshuluni aho wagīna ūdoosa, ūluusa lilambī, nguno akigūta wibona wadidoha na kūsheeka. Hūna ūneka ū Mulungu ūyo wameeja, ūshiisuusumūla ī Shiganga īsho shilī Būpīji wakwe.

Balamuji 8:33

Ū Gidioni aho waacha, a Baisilaeli batadīīlile kwandya kwisosohaja kūlwa kūgalamya Maabaalī hangī. Būūtūūla ho lī Baali-beliti, gīkī hū lībize lī mulungu lyabo;

Balamuji 10:11

Ū SEEBA ūbashokeja alīhaya, “A Bamisili, na a Baamooli, na a Baamoni, na a Bafilisiti,

Zabuli 78:58

Yūbatoga myalīlo kū mapandī ga kwigūlya, būmpelanya mu wilamīlīja wenūbo; būng'wingīja mu wilu kūlwa shiikolile shabo sha kūpūnza.

Zabuli 106:36

Būyūshilamya ī shiikolile shabo, shūbiza lūbeto ū kūbo.

Kūfuma 13:3

Hūna ū Musa ūbawīla a banhū, “Lwizūkagwi ū lūshikū lwenūlū, ū lūshikū lwa kwīnga kwing'we mu sī ya Misili, ī sī ya būsese. Ū lwenūlo lūlī lūshikū lwa ng'wa SEEBA kūmufunya ū mu sī yenīyo na nkono gwa būdūla būtaale; na lūūlū yaya kūlya shose shose īsho shilī na shibimbya.

Kūfuma 13:9

Ū mhayo gwenūyū ū kūlī bebe gūbize gītī lūmeng'ho ha nkono, nūūlū shiizūkījo kū būshū wako, gīkī ī shilagīlo sha ng'wa SEEBA īkwigeleelilwe wikale ūkūshitūmamīlaga gwa, ū mu kalūngalūngīle kako. Nguno ū SEEBA wakwīngije ū mu Misili na nkono gwakwe gwa būdūla.

Kūfuma 13:14

Ū kū shikū ja kū būtongi, ū ng'witūnja wako ūlū ūkūbūūja gīkī, “Ū mhayo gwenūyū gūlī na makūlū kī?” Ng'wīlage, “Ū SEEBA akatwīnja mu sī ya Misili na nkono gwa būdūla, ūtūfunya mu sī ya būsese.

Kūfuma 13:16

Ū mhayo gwenūyū gūkūbiza gītī lūmeng'ho ha nkono gwako, nūūlū shimanīkījo kū būshū wako, gīkī ū SEEBA akatwīnja ū mu sī ya Misili na nkono gwakwe gwa būdūla.

Kūshokeela 4:25

Ūlū ūbyala bana, ūpandīka na bizūkūlū, ūbiza wikala shikū ningī ū mu sī yenīyo, hūna wandya kwīta yabūbi na kwisosohaja, kū būtongi bo ng'wa SEEBA Mulungu wako, ūkūnsayīchaga mu nzīla ya kwibeegeja shiikolile shose shose sha kūlamiwa.

Kūshokeela 6:12

Gwike ilang'hanage ūtizūng'wība ū SEEBA ūyo wakwenhile kūfuma Misili, ūkwīnja mu sī ya būsese.

Yelemia 16:11

A henaho ūkūbawīla gīkī, ‘Īlī kūlwa nguno a bataale bing'we baalī banileka ū nene,’ alīhaya SEEBA, ‘būlondeela bamulungu bangī būyūbatūmamīla na kūbalamya. Ū nene būnīība, nī shilagilo shane booya ū kūshidima.