Balamuji 18:2 - Bibilia Ilagano Lya Kale 2015

² Na lūūlū a banhū ba lūganda lwa ng'wa Dani būsolanhya banhū bataano, bagosha ba mbagashūūla, kafuma ū mu ndūgū ja lūganda lwabo, būbatūma kwīnga Zola na Eshtaoli baje bakwīdataga na kwīīlola ī sī. Būūbawīla gīkī, “Jaagi ng'wīīlola ī sī.” Hūna a bagosha benabo būlinha bajile kū sī ya magūlya ya lūganda lwa ng'wa Efulaimu būshika ha ng'wa Mika, būlaala henaho ū būjikū wa lūshikū lweenūlo.

Balamuji 18:2 Iomraidhean Croise

Balamuji 13:25

Aho alī Mahane-dani, ipandī lya ha gatī ya Zola na Eshitaoli, ū Moyo o ng'wa SEEBA wandya kūng'oolekeja ī ya kwīta.

Yoshwa 2:1

Hūna aho balī ha Shitimu henaho, ū Yoshwa ng'witūnja o ng'wa Nuni ūtūma mu mbisīla bagosha babīlī; ūbawīla gīkī, “Jaagi mukīīdate ī sī yenīyo; ī no no no ī Yeliko.” Hūna būja būkingīla mu numba ya nkīma ūmò malahya, lina lyakwe witanagwa Lahabu; būlenda henaho.

Balamuji 18:11

Na lūūlū bagosha magana atandatū kūfuma ū mu lūganda lwa Dani būbūūcha shilanga sha kūjūūlwīīla būlūgū; būbūūka kūfuma Zola na Eshtaoli.

Balamuji 18:8

Aho baashoka ū kū badūgū babo ī Zola nī Eshtaoli, a badūgū babo būbabūūja, “Ng'wenha mhola kī?”

Kūbala 13:17

Ū Musa aho alībatūma ū kūja kwīdata ī sī, akabawīla, “Linhagi ū kū sī ja magūlya, mubītīle ng'witogolo lya Negevu.

Luka 14:31

Nūūlū hangī, ntemi kī ūlū alī na bashilikale shihūmbī ikūmi, ūyo atandya igashe tame kwiganika chiza ūlū adūgije kwamba būlūgū kwilwisha na ntemi ng'wiye, ūyo aliza kūndumīla na bashilikale shihūmbī makūmi abīlī?

Sumo 20:18

Ī mihayo yako īhelage mu kūkooba būgunanhwa, nūūlū ūlīhaya kwingīla mu būlūgū, pandīkaga baganikīji.

Balamuji 19:18

Ūshosha alīhaya, “Tūlīfuma Betelehemu ya mu sī ya banhū ba lūganda lwa ng'wa Yuda, tūlīīja kū sī ya banhū ba lūganda lwa ng'wa Efulaimu, kū magūlya ga kū gatī, h'ūko nakikalaga. Naalī naajile Betelehemu mu sī ya banhū ba lūganda lwa ng'wa Yuda, ī haha najile kū numba ya ng'wa Seeba; alīyo atīīho munhū wa kūnanukūla mu kaya yakwe.

Balamuji 19:1

Ū mu shikū jenījo a Baisilaeli aho batī na ntemi, Nnawī nebe waalī waasaamīla mu sī ya banhū ba lūganda lwa ng'wa Efulaimu, ūūkiikala kū magūlya ga kū gatī gete. Ū Nnawī ng'wenūyo akalehya ng'wanikī kūfuma Betelehemu, mu sī ya banhū ba lūganda lwa ng'wa Yuda.

Balamuji 16:31

A badūgūye na a banahū ba mu kaya ya ng'wa ise a bose būtulumenha bajile ko, būūkagūsola ū mīlī gwakwe. Būūgwenha biza būgūjīka mu shigila sha ng'wa ise Manoa, shalī ng'wipilinga ha gatī ya Zola na Eshtaoli. A Baisilaeli akabatongeela ikanza lya myaka makūmi abīlī.

Balamuji 13:2

Walīho ngosha ūmò wa mu nzengo gwa Zola, lina lyakwe Manoa; wa mu ndūgū ja banhū ba lūganda lwa ng'wa Dani. Ū ngosha ng'wenūyo walī atoolile, gwike ū nke walī ngūmba, nose walī atī na ng'wana.

Yoshwa 19:41

Ū mu sī ya wingīji wabo baalī na mizengo īyī, Zola, Eshitaoli, Ili-shemeshi,

wandījo 42:9

Hūna ūshizūkwa ī shilooti shakwe ūmo walī wabalootela kale; ūbawīla, “A bing'we mulī badati, ng'wizaga kwīlola ī sī yise, mubone aho īlī na būgokolo.”

Yoshwa 15:33

Ū kū sī ja mitubīlo yaalīko mizengo ya Eshitaoli, Zola, Ashina,

Balamuji 17:1

Walīho munhū ūmò lina lyakwe Mika walī wa mu sī ya magūlya ga Efulaimu.

Balamuji 18:3

Aho baalī bajile, baahayeegeela ī ng'wa Mika būlyitegeleja ī lilaka lya nsūmba ū Nnawī; na lūūlū būliga ho būūkamūūja, “Nani wakwenhile ū kūūnū? Ūkwītaga nīmo kī? Nibūlī ūlī henaha?”

Yoshwa 2:2

Ū ntemi wa Yeliko ūwīlwa gīkī, “Alidegelekaga ī lelo ī būjikū bizaga ūmu bamò ba Baisilaeli kwīdata ī sī.”

Balamuji 18:13

Aho bīnga a henaho būja kū sī ya magūlya ga Efulaimu, būūkashika ha ng'wa Mika.