Balamuji 17:1 - Bibilia Ilagano Lya Kale 2015

¹ Walīho munhū ūmò lina lyakwe Mika walī wa mu sī ya magūlya ga Efulaimu.

Balamuji 17:1 Iomraidhean Croise

Balamuji 18:2

Na lūūlū a banhū ba lūganda lwa ng'wa Dani būsolanhya banhū bataano, bagosha ba mbagashūūla, kafuma ū mu ndūgū ja lūganda lwabo, būbatūma kwīnga Zola na Eshtaoli baje bakwīdataga na kwīīlola ī sī. Būūbawīla gīkī, “Jaagi ng'wīīlola ī sī.” Hūna a bagosha benabo būlinha bajile kū sī ya magūlya ya lūganda lwa ng'wa Efulaimu būshika ha ng'wa Mika, būlaala henaho ū būjikū wa lūshikū lweenūlo.

Balamuji 10:1

Aho lyabīta ī likanza lya ng'wa Abimeleki, ūbūūka ngosha wa kūbapīja a Baisilaeli, wa kūfuma mu lūganda lwa ng'wa Isakaali, lina lyakwe Toola ng'witūnja o ng'wa Pua ng'wana Dodo. Ū wei walī azengile Shamili, mu sī ya magūlya ya Efulaimu.

Yoshwa 15:9

Hūna lwīngīīla ū kwigūlya ya lūgūlū lūūgoloola kūja kū nzwinzī ja minzī ga Nefutoa, lūūkapulukīla kū mizengo ya kū lūgūlū lwa Efuloni, lwika sīlīlī kūja Baala (h'ī Kiliati-yelimu).

Balamuji 16:31

A badūgūye na a banahū ba mu kaya ya ng'wa ise a bose būtulumenha bajile ko, būūkagūsola ū mīlī gwakwe. Būūgwenha biza būgūjīka mu shigila sha ng'wa ise Manoa, shalī ng'wipilinga ha gatī ya Zola na Eshtaoli. A Baisilaeli akabatongeela ikanza lya myaka makūmi abīlī.

Balamuji 17:2

Ū munhū ng'wenūyo akang'wīla nina gīkī, “Mayū ī kilo ikūmi na idatū ja feza ījo ūkajimīīja, nūūkwigwa wahaya na mihayo ya kūzuma, nalī najo; naalī naajisola nene.” Hūna ū nina ūhaya, “SEEBA akwinhe ng'wana wane.”

Yoshwa 21:21

Ū kūfuma ū mu sī ya magūlya ga lūganda lwa ng'wa Efulaimu binhwa Shekemu (ūyo nago gwalī nzengo gwa kūpelela ūlū munhū ūbūūlwa gīkī wabūlagaga), na Geza,

Yoshwa 24:30

Būnjīka ū mu sī ya wingīji wakwe, mu nzengo gwa Timuna-sela, mu sī ya magūlya ya banhū ba lūganda lwa Efulaimu, sukuma ya lūgūlū lwa Gaashi.

Balamuji 3:27

Kūshika kwenūko ūja kū ngūlū ja Efulaimu ūūkafuula mhembe; hūna a Baisilaeli būholomoka kūfuma ū kū ngūlū balīnkūūbīja.

Balamuji 18:13

Aho bīnga a henaho būja kū sī ya magūlya ga Efulaimu, būūkashika ha ng'wa Mika.

1 Batemi 4:8

Aya h'a mina ga basugi benabo: Beni Huli walī kū sī ya magūlya ga Efulaimu;