Balamuji 12:4 - Bibilia Ilagano Lya Kale 2015

⁴ Hūna ū Yefuta ūbitana a bana Gileadi, biza kwamba būlūgū kwilwisha na a banhū ba lūganda lwa Efulaimu; nguno bakandya kūbasondagūla a bana Gileadi balībahaya gīkī, “Angū nīyo a bing'we mulī mabūsoso dūhū ga kūponyiwa kūfuma mu lūganda lwa ng'wa ng'wa Efulaimu na lwa ng'wa Manase!” A bana Gileadi būbiza bapyeeni.

Balamuji 12:4 Iomraidhean Croise

1 Sang'weli 25:10

Kwimanīla ū Nabaali wabashokeja ūhaya, “Ū Daūdi ni nani? Ū ng'witūnja o ng'wa Yese ng'wenūyū nani? Baakwīīlile no ī shikū jenīji a basese abo bakūbapeelaga basaabo būgonzo!

Sumo 15:1

Ī lishosho ilyehu līkahangījaga būdaki, alīyo ū mhayo nkalahu gūkasooselaga būpelanu.

Sumo 12:13

Ū munhū wabūbi akagwashiagwa na būbi bo mihayo yakwe, alīyo ū ntūngīlīja akapūlūgūkaga ū mu makoye.

Zabuli 78:9

Bagosha ba Efulaimu bakafuma na būta wabo kūja kū būlūgū, alīyo ū mu lūshikū lwa kwamba būlūgū, būshoka kū numa.

Nehemia 4:4

Ee Mulungu wise, yigwage ī yīnīyo, nguno tūlīsondagūlwa noi; bashokejage ū būsondagūji wabo, būbidīkīle ha mitwe yabo boi benekīlī. Batūūlage mu makono ga mahanga ga sī ja kūle gabajane nding'wa.

Balamuji 11:10

A banamhala ba Gileadi būnshokeja būhaya, “Ū SEEBA ng'wene nkaanīji wise; tūkūgwīta gete ūyo ūlīgūhaya.”

Balamuji 12:3

Nahayūbona gīkī mutizaga ū kūnigunanha, niifunya būpanga wane kūcha na kūpīla, nūūkīla najile ko kwilwisha nabo a Baamoni; nang'hwe ū SEEBA ūninha būtindi nūbapyena. Hama hangī ī lelo ng'wiza kwilwiisha būlūgū naane kūlwa nguno kī?”

Balamuji 12:5

Hūna būja a ha mongo gwa Yolodani būūkadima a ha būkīlīlo wa kūja kū sī ya lūganda lwa ng'wa Efulaimu, a ba lūganda lwa ng'wa Efulaimu abo bakasaagīīla, būlī ng'wene ūlū wahayagīkī, “Bing'we nizunīlījagi nakīle,” a bana Gileadi bamūjaga, “Hamo ūlī wa lūganda lwa Efulaimu?” Ūlū ūhaya, “Mm yaya,”

1 Batemi 17:1

Hūna wilonga Eliya muna Tishibe, ūmò wa bikaji ba Tishibe ya Gileadi, ūng'wīla ū Ahabu, “Nalīkwilahīlīla mu lina lya ng'wa SEEBA mpanga, ū Mulungu wa Isilaeli ūyo nalī ntūmami wakwe, lūtūūgwa lūme hasī nūūlū mbula ītūūtūla ū mu myaka īyo īliza yenīyī, ūlū nene natayombile mhayo.”